avril 1465. — Paiement par le receveur d'Anjou

à Guillaume Robin, maçon d'Angers, de douze livres tournois

« pour avoir voulté de pierre par dehors et par dedans le dessus

du portai de l'entrée du chastel d'Angiers, qui estoit de royl 1 au

dessus de la porte, lequel royl estoit tellement pourry que à paine

povoit on fermer ladite porte, et pour avoir remaçonné dessus

ladite voulte et entablé d'entablement sur icelle porte, assis en

cyment, et fourny de toutes matères pour ledit euvre à ses

despens. »

46. — 26 septembre 1465. — « Le jeudi xxvf jour de septembre l'an mil cccc soixante-cinq, fut fait marché entre très hault et puissant prince le roy de Jherusalem et de Sicile, duc d'Anjou, per de France, d'une part, et Jehan Gendrot, maistre des euvres dudit prince à Angiers, d'autre ; par lequel marché ledit Gendrot a promis faire à iceluy prince en son chastel d'Angiers, au lieu et place qu'ilz ont veue entreulx, le nombre de six pilliers de pierre dure de l'Isle-Bouchart, chascun pillier de quatorze piez de hault ou environ hors terre, à bons fondemens, et d'un pié en carré, garniz de chappiteaux et embassemens, pour porter unes galleries que iceluy prince veult faire faire en son petit jardrin, près la salle où il disgne de présent. Et fera ledit Gendrot des pertuis en la muraille de ladite salle pour asseoir des corbeaux, sur quoy portera une sainture de boys sur laquelle seront entravez les soliveaux desdites galeries. Toute laquelle besogne iceluy Gendrot sera tenu et a promis rendre preste et bien faicte de son mestier de maçonnerie et fournie de toute matère à ses despens, dedans le quinziesme jour de novembre prouchain venant. Et pour ce faire ledit prince sera tenu faire