Petites barques

ÉDIFICES d'ANCxERS. 33

et y espoire mieulx la mort que la santé; par quoy luy semble qu'il n'est besoing de prendre peine d'en faire autre logeys, et qu'il sera bien logié ou logeys dudit Daulphin. Et a dit oultre le dit Guillaume qu'il luy semble que la maladie que a ledit lyon luy tient entre le coul et les espaulles, et qu'il s'en deult treffort; et y a fait regarder par ung barbier nommé Pourreau , par ung cirurgien et par maistre Seguin, medicin1, qui luy ont dit qu'ilz ne savent quelle maladie a ledit lyon. Et a esté dit et enjoinct au dit Guillaume Sebille qu'il n'espergne denier ne maille pour la santé dudit lyon, et que garde, comment que ce soit, qu'il soit bien pensé de toutes les choses qu'il verra et congnoistra, par conseil des cireurgiens ou autrement, qui luy seront neccessaires, et que om luy délivrera argent si toust qu'il en aura besoing. >>