septembre 1459. — « De par le roy de
Sicile, etc.
Noz amez et féaulx, Assez savez comme avons désir et affeccion de faire venir des fontaines en nostre ville d'Angiers pour la décoration et nectoyement d'icelle , et aussi comme autreffoiz avoit esté mis en termes, nous estant par delà, de faire démolir et abatre la grant maison de Raoulet Robert et de Trenchot, assise davant nostre poulaillerie de ladite ville. Et pour ce que désirons lesdites choses estre mises à fin , voulons et vous mandons que ensemble advisez la manière de faire venir l'eau du puiz des Cordeliers en la place du pillory * de nostredicte ville; et pour aider à la despense que pour ce faire convendra, parlez aux voisins et demourans environ ledit pillory d'y donner aucune chose, et l'outre plus faictes poier des deniers comuns de nostredite ville. Et oultre faictes niveller, si l'eau dudit puiz des Cordeliers pourroit aller en nostre chasteau, et sur ce nous faictes response. Au regart de ladite maison davant ladite poulaillerie , voulons et vous ordonnons que parlez les aucuns de vous ausdits Robert et Trenchot et à ceulx qui ont rentes sur ladite maison, et avecques eulx appoinctez du pris qu'ilz vouldront avoir pour ladite maison et rentes , et en descomptant du pris faictes vendre au plus offrant les merrains de ladite maison 2 ; et parlez aux demourans environ ladite maison et la porte Angevine d'y aider à contribuer d'aucune chose, et l'outre plus faictes poyer des deniers comuns de ladite ville. Et, ce fait, faictes
1. Cette ancienne place d'Angers, où se trouvaient le pilier et le carcan destinés aux criminels, est encore mentionnée dans la Description d'Angers de Péan de la Tuillerie (éd. Port, p. 346).
2. C'est l'expropriation pour cause d'utilité publique. René indique lui-même avec sollicitude tous les détails de l'opération et des travaux.
raser ladite maison et unir la place, et après faictes veoir si la
fontaine du grant chemin des Ponts de Sée y pourroit venir; et,
s'il se puet faire, voulons et vous ordonnons qu'il soit fait. Et
pour ce que lesdites choses cousteront grans somme de deniers,
qui ne se pourroit toute poier en ung an, s'il vous semble bien,
faictes assembler des particuliers de nostredite ville, et ensemble
pratiquez et advisez que le poyeinent se face à années et poyées.
Quant est de celle qui est au Pié de Boulet, dont vous, procureur,
nous avez escript, sommes très content et voulons, si fait n'a
esté, que faictes mectre et paindre à huille l noz armes et celles
de nostre compaigne la royne aux deux coustez de l'ymaige de
monseigneur saint Christofle qui est davant ladite fontaine2. Et
sur le tout faictes et besongnez par manière que lesdites choses
se facent, car nous les avons très à cuer. . . Escript en nostre cité
de Masseille, le dixiesme jour de septembre. Ainsi signé : René.
— Benjamin. »
203. — 18 mars 1467. — Obligation de Jean Ferré, demeurant en la Tannerie d'Angers, de payer au duc d'Anjou cinq deniers de cens pour une place attenant à sa maison, place appelée V Atelier, et où se trouvait anciennement la Monnaie
d'Angers 3.
(P 1335, cote 231.)
