D'ANCIENS FABLIAUX
CfL qui aime desduit et joie Viegne avant , si entende et oie Une aventure qui avint Au bon Chevalier qui maintint Loiauté , proece et anor.
Et qui n'ama onques nul jor Home coart , fax ne vilain :
Je coût de mon saignor Gauvain Qui tant par ert bien ensaigniez »
Et qui fu des armes prisiez Que nus reconter ne sauroit.
Qui se boues teches voudroit Totes retrere et mètre eu brief , Il n'en vendroit oncques à chief.
Se je n'es puis totes retrere, Por ce ne me doi-je pas tere Que je ne die : totes voies L'en ne doit Crestien de Troies, Ce m'est vis , par raison blasmer, Qui sot dou Roi Artu conter , De sa Cort et de sa mesniée Qui tant fu loée et prisiée , Et qui les fez des autres conte, Et onques de lui ne tient conte :
Trop ert preudon à oblier ; Por ce me plest à reconter Une aventure tôt premier Qui avint au bon Chevalier.
Li Rois Artus , eu un esté ,
Estoit à Cardoil sa cité ,
O lui la Roine et Gauvain ,
Keu lo Scnechal et Yvain ,
Et des autres vingt solement,
A Gauvain prist tôt jors talent
D'aler desduire et déporter.
Lors fist son cheval aprester ,
Cortoisement s'aparrella ,
Uns espérons à or chauça
Sor unes chances decopées
De drap de soie bien ouvrées.
Si ot unes braies chauciées
Moult très blanches et moult dougiées.
Et chemise gascorte et lée ,
De lin menuement ridée ,
Et un mantel vair afublé.
Moult richement fu atorné ,
Puis s'en est de la ville issu.
Tôt lo droit chemin a tenu
Tant que en la forest entra.
Lou chant des oisiax escouta
Qui moult chantoient doucement.
Tant i entendi longuement ,
Por ce qu'il en oï plenté.
Que il entra en un pensé
D'une aventure qu'il savoit
Qui avenue li estoit.
Tant longuement i demora
Qu'en la forest se desvoia
Et qu'il i perdi son chemin :
Li solax torna à déclin.
Si commença à porpenser ,
Et il prenoit à avesprer ,
DO CHEVALIER A LESPEE.
Quant de cel penser fu issu ;
Mes onques ne sot où il fu.
Lors cuida retorner arrière,
Puis entra en une charriere
Qui toz jorz avant lou mena ,
Et il plus toz jorz anuita ,
Et que il ne sot où alcr.
11 conmença à esgarder
Devant lui , aval une voie
Parmi une clere fustoie ,
Si vit un grant feu alumé.
Celé part est son pas aie,
Car il quida que il trovast
Aucun home qui Tavoiast ,
Ou hoscheron ou charbonier.
Lors vit lez lou feu un destrier
Qui fu à un arbre aresnez :
Il est desci au feu alez ,
Si vit un Chevalier séant.
Salué l'a de maintenant.
Cil Diei, fet-il, qui lo mont fist
Et les âmes es cors nos mist.
Vos doint, biax Sire, en lui grant part
Amis , fait-il , et Diex vos gart ,
Car me dites d'où vos venez
Qui a tele eure sens alez.
Et Gauvain li a tôt conté
De chief en chief la vérité ,
Conment il en desduit ala ,
Et puis conment il esgara
En la forest, por un pensé
O il se fut trop oblié ,
Si que il en perdi sa voie :
Et li Chevaliers li otroie
Qu'il lou remetra lou matin
Moult volontiers en son chemin ,
Ne mes qu'o li se demorast
Et conpaignie li portast
Tant que celé nuit fust passée.
Ceste proiere est créantée,
Jus mist sa lance et son escu ,
De son cheval est descendu,
Sou lia à un aubrisel
Et s'escovri de son mantel.
Puis s'est delez lou feu assis,
Li uns dax a à l'autre enquis
Conment il ont lou jor erré ,
Et Gauvain li a tôt conté ,
Conques mentir ne li daigna :
Et li Chevaliers li fausa , Onques mot de voir ne li dist :
Assez orroiz por coi lo fist.
Quant il orent assez vellié Et de plusors choses plaidié, Tez lo feu se sont endormi.
A l'ajornements'es2)eri Messire Gauvain tôt premier.
Puis esvella lo Chevalier.
Ma meson de ci est moult près, Deux liucs i a , et non mes , Si vos pri que vos i venez , Et sachiez que vos i aurez Ostel moult bel et volentiers.
Lors montèrent sor lor destriers, Lor escuz et lor lances pristrent, Et lor espées , si se mistrent Tantost en un chemin ferré.
N'orent mie granment erré Quant de la forest sont issu , Et au plain pais sont venu. ! Li Chevaliers l'araisona , Sire, fet-il, entendez cà.
Toz jorz est costume et usage, S'uns Chevaliers cortois et sage Enmoinne un autre avcques lui , Que il envoie, devant lui, Fere son ostel atorner , Que il i porroit tost trover , Qui lor venue ne sauroit , Tel chose qui li desplairoit; Et je n'ai cui g'i envoi , Ce véez bien , ne mes moi; Si vos pri qu'il ne vos desplaise.
Venez bêlement à vostre aise.
Et je irai grant oirre devant.
Lez un plesséiz ça avant Est un val , verrez ma meson.
Gauvain set bien que c'est raison Et afaitement que il dit , Por ce se «mist o pas petit.
Et cil s'en va grand aléure.
Messire Gauvain à droiture A quatre pastoriax trovez Delez lo chemin arestez ; Saluez les a doucement , El non Dieu son salu li rent ,
Trespassa les , ne lor dist plus.
Ahi! fct li uns, tant mar fus Biax Chevaliers genz et adrois ; Certes il ne fust mie drois Que fussiez bleciez ne laidiz.
Gauvain en fu toz esbahiz Qui les paroles bien entent; De ce se niervella forment Par quel raison il lo plaignoieut Quant il de rien nel' conoissoient.
Visteraent à ax retorua , Tôt de recliief les salua , Docement lor a demandé Que il li dient la vérité Por coi il ont dit que mar fu ; Et li uns li a respoudu :
Sire, dist-il, pitié avon De ce que seuré vos veon :
Ce chevalier qui là devant S'en va sor cel cheval ferrant , Moult en a véant nos mené , Mes nus qui en soit retorné Wavons-nos pas encor véu.
Et Gauvain dist , amis, sez-tu Se il lor fet rien, se bien non ?
Sire , par cest pais dist-l'on Corne quir contredit de rien , Que que ce soit , o mal , o bien , En son ostel lo fet ocire :
Nos nel' savons que d'oïr dire , Car onques encore ne vit Nus hou qui delà revenist ; Et , se nos croire vos volez, Jà avant plain pié no livrez.
Se vos avez vostre cors cliier :
Tant par iestes biax Chevalier , Que domache iert , s'il vost ocist.
Et messire Gauvain lor dit :
Pastorel, à Dieu vos conmaut.
Ne voil , por lou dit d'un enfant , Leissier 1' oirre de son pais :
S'il fust séu en son pais Que il réust por tant lessié, A toz jorz li fust reprochié.
L'anbléure de son cheval Erra pensant de ci al val Que cil ensaignié li avoit.
Dclez un grand plesséiz voit
Sor une mote un bel chastel
Qui estoit fermez de novel :
Lou fossé voit lé et parfont ,
E el baille devant lo pont
Avoit moult riche herberjage.
Onques Gauvain en son aage
Nus plus riche n'ot mes véu ,
Se à Prince o à Roi ne fu ;
Mes je ne me voil demorer
Au herberjage deviser.
Mes que moult estoit biax et riches.
Tl est venuz dcsci qu'as lices ,
Ainz est parmi la porte entré.
Et a lou baille trespassé ,
Et est au chief do pont venu.
Encontre lui est acouru
Li Sires qui fait grant sanblant
Qu'il soit de son venir joiant.
Les armes reçut un vaslet , Uns autres prist lou gringalet , Li tiers les esperrons li oste :
Lors l'a par la main pris son oste , Si l'a lo pont amont mené , Et ont un moult biau feu trové En la sale devant la tor , Et moult riche seoir cntor , Covcrt d'une porpre de soie.
A une part , que il lo voie , Li ont sou cheval establé , Et si li a-l'en aporté A grant plenté avoinue et fain. De tôt lo mercia Gauvain, Que de riens no voust contredire.
Li ostes li a dit : biax sire , L'en atorne vostre disner, Et sachiez que de l'apprcster Se hastent forment li serjant ; Or vos déduisiez àitant, Soiez toz liez et à vostre aise :
Se rien i a qui vos dcsplaisc.
Si lou dites séurement.
Gauvain dist que à son talent Est l'ostel do tôt atorné.
Li sire est en la chambre entré Por une soe fille querre , Qu'il n'ot entre tote la terre Damoiselle de sa valor.
Je ne vos porroic , à nul jor,
La biauté tote ne demie Don ele estoit plainne et garnie ; Ne je ne la voil trespasser, Si la voil à briés moz conter.
Quanc'onques nature sot fere Qui à cors d'ome déust plere , De cortoisie et de biauté , Ot tôt entor li asanblé.
Li ostes qui n'ert pas Tilain , L'a prise par la destre main , Si l'a en la sale amenée.
Et Gauvain qui l'a esgardée La grant biauté qui ert en li , A bien pou qu'il ne s'esbahi , Et neporquant si sailli sus.
La damoiselle encore plus , Quant ele ot Gauvain esgardé , S'esbaï de sa grant biauté Et de son grant afaitement; Et neporcant cortoisement Et à briez moz la salua. Tantost par la main li bailla Tantost à mon saignor Gauvain, Se li a dit, je vos amain Ma fille, qu'il ne vos anuit , Car je n'ai nul plus bel desduit A vos déduire et déporter :
Ele vos saura bien porter , S' ele vialt , bêle conpaignie.
Je voil qu'il no desvoille mie ; Tant a en vos sens et valor Que s'el vos amoit par amor, Jà n'en auroit se anor non.
Endroit moi vos en fais un don , Que jà de vos n'iere jalous, Ainçois li coumant oiant vos Que jà de rien ne vos desdie.
Gauvain bonement l'en mercie, Qui contredire no viaut pas :
Et cil s'en ist en-eslou pas Vers la cuisine demander S'en porroit à pièces disuer.
Lez la pucele s'est assis Gauvain qui moult ert entrepris Por Poste qu'il dote forment.
Et neporquant cortoisement Et sanz un point de mesprison Mist de maintenant à raison
La damoiselle o lou chief bloi.
L'en ne li dist ne trop ne i)oi, Sajement l'a à raison mise.
Moult li offre bel son servise , Et tant li dist de son corage , Que celé qui preuz ert et sage Aperçut et entendi bien Qu'il l'ameroit sor tote rien Se il li veuoit à plaisir.
Lors ne se set auquel tenir, A l'escondire , ou au graer :
Tant l'ot cortoisement parler.
Et tant lo voit de bones mors , Que ele l'amast par amors, S'ele descovrir li osast ; Mes por neiaut li créantast A faire li vers li entendre Quant il n'i poïst jà plus prendre :
Bien set qu'ele feist que vilaine , S' el lou méist d' amors en paine Don el ne traissist jà à chief.
Mes l'escondire li est grief.
Tant a vers lui son cuer torné :
Lors a cortoisement parlé.
Sire , dist-el , je entendu Que mes pères m'a deffendu Que je de rien ne vos desdie.
Or ne sé-je que je vos die Que se vos avoie créante A fere vostre volenté , James à bon cliief n'en trairoie , Et mort et traï vos auroie; Mes d'une chose vos chasti , Et par bone foi le vos di , Que vos gardez de vilenie , Ne rien que mes pères vos die.
Que que ce soit, o mal , o bien, Mar lou contrediroiz de rien , Que morz seriez à itant ; Ne jà mar faciez sanblant Que soiez de rien acointié.
Estes-vosJ'oste repairié Qui vers la cuisine ert alez , Et li mengiers fu aprestez , Si a-l'en levé demandée.
Ne voil ci fere demorée , Quant lavé or eut, si s'asistrent , Et li serjantles napes raistrent.
Desus les dobliers blans et hiax, Les salières et les coutiax, Ai)rès lou |)aiu , et puis lo viu Es copes d'argent et d'or fin. Mes je ne voil plus demorer As mes un à un aconter.
Mes moult orent char et peson , Oisiax rostiz et venoison , Et moult mengierent liéement.
Et li oste efforça forment Gauvain de boivre, et la pucele.
Et si dist à la damoisele, Qu'elle efforçast lou Chevalier , Et dist , moult vos poez prisier Que je voil qu'el soit vostre amie.
Gauvain bonement l'en mercie.
Quant mengié orent à plenté, Lors furent serjant apresté Qui dobliers et napes estèrent , Et qui l'eve lor aporterent , Et la toailîe k essuier.
Li ostes dist après mengier Qu'il vialt aler ses bois véoir , Et si rova Gauvain seoir Et déduire o la Damoisele :
Endementres Gauvain apele Et li a dit et coumanda Qu'il ne s'en aut josqu'il venra , Et conmanda à un serjant Que se il fait de rien sanblant.
Que il lou preignent demanois.
Gauvain qui preuz ert et cortois , Voit bien que remanoir l' estuet , Et qu'autrement estre ne puet :
Si li avoit dit erranment Que il n'avoit d'errer talent Por qu'il lo voille herbergior.
L'oste monta sor son destrier.
Si s'en va moult grant aléure , Et va querre une autre aventure, Que de ceste est-il aséur Qu'il a enclos dedeuz son mur.
La Damoisele a Gauvain pris Par la main , si se sont assis A une part por deviser Conment il se porra garder.
Docement et bel lou conforte , Mes de ce est traie et morte
Qu'ele ne set la volenté
Que ses pères a en jieusé ;
Se le séust, et li mostrast
Par quel engin il eschapast;
Mes onques n'en volt nule dire.
Or se gart de li contredire ,
S'il porra par tant escbaper.
Or laisons , fet-il , ce ester,
Jà ne me fera se bien non :
Il m'amena en sa mesou ,
Si mH a fet moult bel sanblant
Ne jà dès ici en avant,
Quant il m'a fet anor et bien
No doteré de nule rien
De si que je sache et voie
Por quel raison doter lou doie.
Ele li dist, ce n'amestier,
Li vilains dist en reprovier.
Si lou dient encore plusor,
Q'au vespre loe-l'en lo jor
Quant l'en voit que bêle est la fin ;
Si fet-l'en son oste au matin ,
Et Diex, si com je lo désir,
Vos en doint à joie partir
De vostre oste , sanz mautalent.
Quant parlé orent longuement.
Et moult parlé de ce et d'el ,
Li ostes revint à l'ostel.
Encontre lui sailli Gauvain Et la pucele main à main.
Moult l'ont doucement salué.
Il lor dist qu'il s'est moult liasté , Qu^il cremist , se il demorast.
Que Gauvain ainz ne s'en alast; Por ce ne vost plus demorer.
Il conmença à avesprer.
Et il ostes si demanda As serjans que il soupera.
Sa fille li dist , par déduit Povez demander vin et fruit, Et nule autre chose par droit.
Qu'assez menjastes orendroit.
Il a maintenant demandé , Il a premièrement lavé , Puis lor fu mis li fruis devant.
Lou vin aporterent li serjant A plenté de mainte manière.
Sire , car fêtes bcle clûere ,
Fet-il , à mon saignor Gauvain ,
D'une chose soiez certain ,
Il me coste sovent et poise
Quant je oste qui ne s'en voise,
Et qui ne dit sa volenté.
Sire, sachiez la vérité,
Fet Gauvain , que je suis Iiaitié.
Quant il orent lo fruit mengié,
Les liz conmanrla Teste à fere,
Et dist, je jcrré en ceste aire,
Et cist Chevaliers en mon lit :
No faites mie trop petit ,
Car ma fille jerra o li:
A si bon Chevalier lo qui
Qu'ele est en lui bien enploiée.
Ele doit estre moult haitiée
De ceu qu'en lor a créante.
Amedui l'en ont raercié.
Et font sanblant que moult lor plcse.
Or est Gauvain moult à mal aise ,
Que il crient, s'il s'i va cochier,
Qu'il lou face tôt detrenchier;
Et si set bien , sil' contredit
En son ostel, que il l'ocit.
L'ostes de cochier se hasta. Par la main la prist, si mena Dedenz la chambre demanois.
La Damoisele o lo vis frois I est ensanble o lui alée.
La chambre ert bien encortince , Et douze cierges i ardoient Qui tôt entor lo lit estoient , Si gitoient raoult grant clarté.
Et li liz ert bel atorné De riches coûtes et de blans dras ; Mes je ne voil demorer pas En la richece deviser De dras de soie d'outremer.
De Palerne et de Romenie Don la chanbre es toit cnbehe, De Sebelins , de vair , de gris ; Tôt à un mot le vos devis Quanque convient à Chevalier Et à cors de Dame atillier , Et en iver et en esté , I avoit à moult grant plenté.
Là ot maint riche garnement, Gauvain s'en mcrvella forment
De la richece que il i viL,
Et li Chevaliers li a dit :
Sire, ceste chambre est moult belc,
Entre vos et ceste pucele
I girois, jà u'i aura plus,
Damoisele, fermez les us,
Si faites son conmandcnient ,
Que je sai bien que itel gent
N'ont mie de presse mestier;
Mes d'itant vos voil chastoier
Que les cierges n'en cstaigniez
Que j'en seroie moult iriez,
Jo voil, por ce l'ai conmandé
Qu'il voie vostre grant biauté
Quant vos giroiz entre ses bras,
Si en aura graignor solas ,
Et que vos véoiz sou gent cors.
Lors se mist de la chambre fors ,
Et la pucele l'uis ferma.
Messire Gauvain r.c coucha,
Celé est o lit revenue ,
Si s'est lez lui cochiée nue :
Onques proierc n'i estut ,
Et celé tote la nuit jut
Entre ses bras moult doceracnt.
Moult la beso et acole sovent.
Et si est tant avant aie ,
Qu'il en féist sa volenté.
Quant ele dist : Sire, merci ,
[1 ne puet pas aler issi ,
Je ne sui pas o vos sanz garde.
Gauvain de tostes parz esgartlo.
Si n'i vit nule rien vivant :
Bêle, fait-il, je vos demant
Que me dites qui me desfent
A fcie de vos mon talent.
Ele respont, jo vos dirai
Moult volentiers ce que j'en sai :
Véez-vos cel branc qui là peut
Qui a cel entrecor d'argent ,
Et lou pon et Ion heu d'or fin,
Ceste chose pas ne devin
Que vos m'orroiz jà ci conter ,
Ainz l'ai véu Inen csprover.
Mes pères l'ainme durement,
Que il li ocist bien sovent
De moult bons chevaliers de pris.
Sachiez bien qu'il ein a ocis
DO CHEVALIER .4 L'ESPKE.
Solemcnt çaïens plus de vint.
Mes je ne sai don il li vint :
Jà n'entrera en ceste porte
Chevaliers qui vis eu estordc.
Mes pères biax sanblant lor fet ,
Mes jà à si petit forfet
Ne lou prendra qu'il ne l'ocie :
Garder l'estuet de vilenie.
Moult lou convient cliarroier droit.
Maintenant as aspris lo droit ,
S'il entreprent de mile rien ,
Et se cil se garde si bien
Qu'il ne soit de rien entrepris ,
La nuit à moi cochier est mis ;
Lors est-il venuz à sa mort ,
Savez por coi nus n'en estort.
S'il fait sanblant en nule guise
De volenté qui li soit prise
De faire lo moi, maintenant
Lou fîert parmi lou cors lo branc ;
Et se il viaut vers lui aler
Por prendre le et por oster ,
Tôt par lui sait do fuerre fors ,
Si li done parmi lou cors ,
Et sachiez de voir que l'espée
Est en tel manière faéc ,
Qu'ele me garde toz jorz si
Ta par moi ne fussiez garni.
Mes tant iestes cortois et sages.
Que ce seroit moult granz domages,
Si m'en peseroit mais toz dis ,
Se por moi estiez ocis.
Or ne set Gauvaiu que il face , Onques mais de si graut manace N'oï parler jor de sa vie , Et si dote qu'ele lou die Por soi méismes garantir Que il n'en face son plaisir.
D'autre part si s'est porpensez Qu'il n'en porroit estre celez Que il ne fust partot séu Que il auroit o lit géu Tôt sol , nu à nu , en son lit , Et si avoit por sol son dit Laissié à faire son pleisir , Miax vient-il à anor morir Qu'à honte vivre longuement.
Bêle , fct-il , ce est néient ,
Puisque venuz sui josque-ci ,
En fin voil estre vostre ami :
Vos n'en poez par el passer.
Vos ne m'en poez pas blasraer ,
Fet-elc. Dès or en avant
Il est de li aprimics tant
Que ele en a gité un cri ,
Et li brans do fuerre sailli ,
Sil' fiert rés à rés de costé ,
Si qu'il li a do cuir osté ,
Mais ne l'a pas granment blecié :
Outre a lou covertor percié ,
Et toz les dras desci au fuerre.
Puis se fiert arriers en son fuerre.
Gauvain remest tôt espcrdu ,
Si a son talant esperdu ,
Lez li se jut tôt esbahi.
Sire , fet-el , por Dieu merci,
Vos quidiez que jou déissc
Por ce que de vos me vousisse
Desfendre por tel aclioison :
Onques certes , se à vos non ,
A Chevalier ne le conté,
Et sachiez que grant mervelle é
Que vos n'icstes , sanz nul resort,
Trestot au primerain cop mort.
Por Dieu , or vos gisiez en pès ,
Et si vos gardez desormès
De tochier à moi en tel guise :
Un sages hom a tost emprise
Tel chose qui à mal li torne.
Gauvain remest pensis et morne
Qu'il ne set conment se contiegne
Se Diex done qu'il s'en reviegne
James arriers en sa contrée ,
Jà ceste chose n'iert celée
Que il ne soit par tôt séu
Qu'il aura sol à sol jeu
Anuitiée o une pucele
Qui tant est avenanz et bêle ,
Si que onques rien ne li fist ,
Ne de rien ne li contredist ,
Fors la manace d'une espée
Qui de nelui n'ert adesée ,
Si seroit mes toz jorz boni
Se il li eschapoit issi :
Et si li font moult grant anui
Li cierge qu'il voit entor lui ,
Qui rendoient moult grant clarté ,
Par qui il voit sa grant biauté.
Lou chief ot bloi et plain lo front,
Et ses sorcis qui dogié sont ,
Les iauz vers , lo nés bien assis.
Et frès et coloré lo vis ,
La boche petite et riant ,
Et son col loue et avenant ,
Les bras Ions et blanches les mains ,
Et les costez soués et plains ;
Sozlesdras la char blanche et tendre,
Nus n'i séust riens que reprendre ,
Tant ot lo cors jent et bien fet.
Il s'est vers li doucement tret
Corne cil qui n'ert pas vilain ;
Jà li féist lou jeu certain
Quant l'espée do fuerre sait ,
Lors li a fet un autre asalt,
Do plat lo fiert parmi lo col.
A poi qu'il ne se tient por fol,
Mes l'espée un poi chancela,
Sor la destre espaule torna
Que do cuir li trcncha trois doic ,
Et fiert en la coûte de soie
Que une pièce en a trenchiéc ,
Puis s'est en son fuerre fichiée.
Quant Gauvain se senti navré
En l'espaule , et ou costé,
Et voit qu'il ne puet à chief traire ,
Moult est dolanz , ne set que fere ,
Et anui a de son déport.
Sire, fet-ele, iestes-vous mort ?
Damoiselc , fet-il , je non ,
Mes anuit mes vous doiut un don
Que vous avez rovés de moi.
Sire , fet-ele , par ma foi ,
Se eles fussent lors donées
Que eles furent demandées ,
Il fust or plus bel endroit vos.
Moult par fu Gauvain angoissos ,
Et la Damoisele autresi ;
Ne l'uns ne l'autres ne dormi ,
Ainz veillierent à tel dolor
Tote la nuit desi au jor.
Vistement et tost se leva Li ostes dès qu'il ajorna , Puis esl en la chambre venuz:
Ne fu mie taisanz ne muz ,
Ainz apela moult durement.
Et la Damoisele erramnaut Ovri l'uis et puis est venue , Si s'est lez lui couchiée nue.
Et li Chevaliers vint après.
Andcus les vit gésir en pès , Si lor demande que il font.
Et mcssire Gauvain respont :
Sire, bien jà , vostre merci.
Quant li Chevaliers entendi Que il parla si hautemant , Sachiez que il fu moult dolaut , Que moult estoit fel et eschis.
Conmant , fet-il , iestes-vous vis ?
Par foi , fet mcssire Gauvains , Je sui trcstoz délivre et sains,- Sachiez que je n'ai chose fet Par coi je doie cstrc à mort tret ; Et se vos, en vostre meson , Me féissiez sanz achoison Mal et anui , ce seroit tort.
Conmant ? fct-il , si n'estes mort Moult m'anuie quant vous vivrez.
Puis est avant un poi aloz , Si a à dcscovert véu La conte qui trcnchiée fu , Et les linciax eusanglentez.
Vasax, fct-il, or me contez Delivrement dont cest sanc vint.
Et messire Gauvain se tint , Qui pas mentir ne li voloit.
Que unie achoison ne savoit Don il bel covrir se péust Que cil ne s'en apercéust.
L'ostes de parler se hasta :
Vassax , fait-il , entendez ça , Par droit noient lo me celez :
Vos vousistes vos volentez De celc Damoisele faire , Mes n'en péustes à chief trere Por lou branc qui lo contredist.
Et messire Gauvain li dist :
Sire , vos dites vérité , Li branz m'a en deus Icus navré , Mes ne m'a pas blccié forment.
Et quant li Chevaliers entent Que il n'est pas navrez à mort, Biax sire , fait-il, à bon port
Vestes vcnui, mes or me dites , Se vos volez csehaper qiiites, Vostre païs et vostre non :
De tel jent et de tel reuou Poez estre, et de tele afere.
Que toz vos l)ons m'estouvra faire; Mes j'en voil estre bien certain.
Sire, fet-il , j'é non Ganvain , Et suis niés au bon roi Artur , De ce soiez tôt aséur Que onques mon non ne cliaujai.
Par foi, fait l'ostes , bien lo sai Qu'en vos a moult bon chevalier; De nul mellor ])arler ne quier , ÎN'a vostre per juse'à Maogre , N'en tôt lou roiaume de Logre IVe seroit-il mie trovez.
.'^avez connient j'é esprovcz Trestoz les CJievaliers do mont.
Qui aventures querre vont , Péussent eu cest lit gésir , Et toz les convenist morir Un à un, tant qu'il avenist Que toz li raiaudres i venist.
Li brans lo me devoit eslire, Car il no devoit pas ocirre Lou miaudre quant il i viendroit :
Et si est esprovez à droit , Qu'il vos a choisi au mellor.
Et quant Diez vos a fet anor , Ne sai ne choisir , ne véoir Qui raiax doie ma fille avoir :
Je la vos olroi et créant , Ne jà mal desci en avant Auroiz nule garde de moi , Et si vos doins par bone foi A toz les jorz de vostre vie De cest chastel la saignorie.
S'en faistes vostre volenté.
Lors l'en a Gauvain mercié Qui moult en fu joianz et liez.
Sire , dit-il , bien sui paiez De la pucele seulement; De vostre or ne de vostre argent , Ne de ce chastel n'ai-je cure.
Lors se levèrent à droiture Entre Gauvain et la pucele.
Par lou pais vait la novelle
C'uns Chevaliers venuz estolt
Qui la pucele avoir voloit,
Sor qui li branz s'crt deus fois tret
Que point de mal ne li ot fet ;
Et qui amz aiuz i vienent tuit.
Moult ot o chastel grant déduit
De dames et de chevaliers ,
Et fu moult riches li raengiers
Que li pères fist atorner.
Mes je ne me voil demorer
A aconter quel li mes furent ,
Mes assez mengierent et burent.
Quant mengié orent à plenté
Et li doblier furent osté ,
Cil Iccheor dont moult i ot
Mostra chascuns ce que il sot.
Li uns atempre sa viele ,
Cil flaiiste, cil chalemele.
Et cil autres rechante et note
Ou à la harpe , o à la rote ;
Cil list romanz et cist dist fables.
Cil Chevalier jeuent as tables
Et as esches de l'autre part,
O à la mine, o à hasart.
ïssi faite vie ont menée
Tôt lo jor jusq'à l'avesprée ,
Puis souperent à grand déduit.
Assez i ot oisiax et fruit
Et de bon vin à grant plenté.
Quant à grant joie orent soiq)é,
Delivrement cochier alerent,
La pucele et Gauvain menèrent
En la chanbre de maintenant
Oii il jurent lou soir devant:
Et li ostes o ax ala
Qui de son gré les esposa ,
Puis raist ensanble sanz dongier
L,a pucele et lo Chevalier,
Si s'en issi et ferma Pus.
Que vos en diroie-je plus?
La nuit a sa volenté fête ,
Onques espée n'i ot trete.
Sil' recovra, pas ne m'en poise,
A la damoisele cortoise,
A qui il ne greva noient.
Issi demora longuement
A tel joie et à tel rcvel
Monsaignor Gauvain o chastel;
Puis si s'est de ce porpensé Que îonc tens i ot demoré ; Que si parent et ses amis Quidoient bien qu'il fust ocis.
A l'oste ala congié querre , Sire, dist-il, en ccste terre Ai demoré tant longuement Que mi ami et mi parent Quident que je soie péri , Si demant la vostre merci Lou congic de l'aler arrière, Et si fêtes en tel manière Celé Damoisele atorner Que j'aie anor de li mener, Et vos qui la m'avez donée , Quant je venré eu ma contrée Qu'en die que j'ai belc di^ue, Et qu'ele est de bon leu venue.
Li ostes li donc congié , Et Gauvain s'en est repairic Et la Damoisele ensement.
Ses palefrois fu richement Atornez de frainc et de sele :
Sus est montée la pucele , Et Gauvain sor son cheval monte.
Que vos feroie plus Ionc conte?
Ses armes prist qu'il aporta , Au congié de l'oste s'en va Liez et joianz de s'aventure;
Et quant fors de la porte vint,
La Damoisele son frainc tint.
Il li demande ce que doit;
Sire, fet-ele, je ai droit,
Que j'é fet trop grant obliée :
Sachiez que de ceste contrée
Je m'en irai moult à euviz
Sans mes lévriers que j'ai noriz.
Qui moult par sont et bons et biax
Ainz ne véistes si isniax ,
Et sont plus blanc que nule flor.
Lors s'est mis Gauvain el retor.
Si va por les lévriers poignant,
Et l'oste li va au devant
Qui bien lo vit venir de loing.
Gauvain, dist-il, por quel besoing
* Il manque un vers ici.
Estes- vos si tost retornez ?
Sire, dist-il, que obliez
A vostre fille ses lévriers ,
Si me dist qu'el les a moult chiers ,
Et que sans ax ne s'en ira.
Et li ostes les apela ,
Si les bailla moult volentiers.
Et Gauvain a toz les lévriers
S'en revêt moult delivrement
A la pucele qui l'atent.
Lors se resont acheminé.
Et sont en la forest entré
Par où il estoient venu.
Lors ont un chevalier véu
Qui lou chemin vcnoit contr'eus :
Li Chevaliers vcnoit toz sens.
Mes il ert armez moult très bien ,
Qu'il ne li failloit nule rien
De quanqu'estuct à Chevalier;
Et séoit sor un bai destrier
Fort et isnel et remuant.
Là Chevaliers venoit errant
Tant que il vint d'ax auques près,
Et Gauvain lou quida en pès
Saluer lui et puis enqucrre
Qui il estoit et de quel terre.
Mes cil qui ot autre pensé ,
A lou cheval esperroué
Si durement qu'il se lança ,
Et onques un mot ne sona ,
Entre la pucele et Gauvain,
Si l'a prise parmi lo frain ,
Puis si revêt moult tost arrière :
Et celé, sanz autre proierc.
S'en vet delivrement o lui.
Se Gauvain ot ire et anui
Quant i l'en voit issi mener,
Il ne fet mie à demander,
Car il n'ot arme o lui portée
Fors escu et lance et cspée;
Et cil qui bien estoit armez.
Et forz et grauz et sorquidez ,
Si ot vers lui mal jeu parti.
Et ne porquant, conme hardi.
Point Gauvain vers lui lo destrier
Por la pucele chalongicr.
Vasax, fet-il, grant vilenie
Avez fet qui avez m'amie
Saisie si estroitemeut ; Mes or fctcs uu hardement Toi conme je deviserai.
Vos véez moult bien que je n'ai Fors sol ma lance et mon csru.
Et lou branc au costé pendu; Je vos coumant à desarmer Tant que nos soions per à per, Si ferez moult grant cortoisie :
Et se vos, par chevalerie, La poiez vers moi conquerre , Si soit vostre sans autre guerre ; Et se vos ce ne volez fere , Soiez cortois et debonaire.
Si m'atendez desoz ces cliarmes, G'irai emprunter unes armes Ça arrier à un mien ami, Et quant g'iere d'armes garni, Je revenrai de maintenant.
Et se vos d'iluec en avant La poez conquerre vers moi, Sanz mautalent la vos otroi, Issi de voir lo vos créant. Et cil respont de maintenant :
Jà à vos n'en iert congié pris.
Et se g'i ai de rien mespris , Jà ne vos en qu errai pardon.
Se vos dou mien me faites don , Moult par avez grant poesté, Por ce que iestes desarmé , Que vos no taigniez à forfet , Vos iert jà uu jeu parti fet.
Vos dites qu'ele est vostre drue Por ce qu'ele est o vos venue , Et je redi que ele est moîe :
Or la meton en celé voie.
Si aille chascuns de sa part , Puis soit do tôt en son esgart Loquel ele ainme plus de nos ; Et s'el s'en vialt aler o vos , Je la vos créant et otroi; S'ele s'en vialt venir o moi.
Donc est-il droiz qu'ele soit moie.
Gauvain bonement li otroie Qui tant la créoit et amoit , Qu'à escient de voir quidoit Qu'el nou laissast por tôt le mont.
Atant la lessent , si s'en vont
Et se traient uu poi en sus.
Bêle, font-il, or n'i a plus , Do tôt est à vostre plaisir Auquel vos vos voudroiz tenir, Car vos l'avons acreanté.
Ele a l'un et l'autre esgardé, Primes celui, et puis Gauvain Qui bien quidoit estre certain D'avoir la tôt séurement.
Et si se merveilloit forment Sol de ce qu'il se porpensoit; Mes la pucele qui bien sot Conment Gauvain se puet aidier, Revialt savoir do Chevalier Conment il est preu et vaillant.
Sachiez trestuit petit et grant , Qui qu'en rie ne qui qu'en gronde , ]N'a gaires nule feme o monde, S'ele estoit drue, et moillier A tôt lo mellor Chevalier Qui soit jusqu'en Inde major, Jà por lui n'auroit tele amor Que s'il n'estoit preuz en l'ostel , Qu'el lou prisast un don de sel , Vos savez bien de quel proece :
Or ocz de si grant laidece Que celé damoiselle fist.
En la garde celui se mist Qu'ele de rien ne conoissoit.
Quant messire Gauvain ce voit , Sachiez qu'il en fu moult marri Qu'ele l'ot de son gré guerpi ; Mes tant estoit et preu et sage , Et si cortois et si resnable.
Que onques mot ne li sona , Jà soit ce que moult li pesa.
Et li Chevaliers li a dit.
Sire, fet-il, sanz contredit Doit la Damoiselle estre moie.
Jà Diex, fet Gauvain, ne me voie.
Quant je contredit i raetrai , Ne quant je jà m'en conbatrai De chose qui de moi n'a cure.
Adonc s'en vont grant aléure La pucele et li Chevaliers ; Et Gauvain à toz les lévriers S'en va en la soe contrée.
La pucele s''est arestée
DO CHEVALIER A L'ESPËE.
Tantost cnz o chief de la lande ,
Et li Chevaliers li demande
Por qu'ele s'est arestéue.
Sire, fet-el, jà vostre drue
Ne serai à j or de ma vie
De si que je soie saisie
De mes lévriers que je là voi ,
Que cil vassax enmoinne o soi :
Et il li dist, vos les aurez.
Puis s'escrie : estez, estez ,
Sire Vassax; je vos conmant
Que vos n'alliez plus en avant ;
Puis vint à lui toz abrivez.
Vassax, dist-il, porcoi menez
Les lévriers, quant il vo ne sont?
Et messire Gauvain respont :
Sire, fait-il, jes taing à miens ,
Et se nului i claimme riens ,
Conme miens les m'estuet desfendre ;
Et se vos en voliez prendre
Lou jeu parti que me féistes.
Quant en mi lo chemin méistes
La damoisele por choisir
Auquel el se voudroit tenir,
Volontiers le vos souferroie.
Et li Chevaliers li otroie
Que volontiers cel jeu prendra.
Car comme fol se porpensa ,
Se li lévrier o li vendront.
Que sanz estor li remandront.
Et si pot estre bien certain,
S'il s'en aloient à Gauvain
Que delivrement l'escondroit
Ausi con il ore feroit.
Lors les ont o chemin lessiez.
Quant il se furent esloigniez , Si les a chascuns apelez , Et il sont droiternent alez A Gauvain que il conoissoient Por sol tant que véu l'avoient Chiés lou père à la Damoisele.
Gauvain les joïst et apele.
Car moult est liez que il les a.
Et la pucele araisona Le Chevalier eu eslou pas :
Sire, fet-ele, ja plain pas N'irai o vos, se Diex me voie , De si que je saisie soie
De mes lévriers que je aim tant.
Et il respont, sanz mon créant
N'es en puet-il mie mener.
Puis avoit dit, lessiez ester,
Vassax, que vos n'enmenrez raie.
Et Gauvain dist : c'est vilenie
Se vos en desdites ensi ;
Mes je sui des lévriers saisi,
Si viudrent à moi de lor gré,
Jà li sires de Maïsté
Ne m'ait quant je lor faudrai !
La damoisele vos lessai
Por sol tant que à vos se tint,
Qui moie estoit et o moi vint :
Dont me devez-vos sanz dongier
Par raison les lévriers laissier
Quant il sont mien et o moi vindrent,
Et de lor gré à moi se tindrent.
Une chose sachez de voir.
Et s'el poez par moi véoir.
Se voz volez tôt son plaisir
A celé pucele acomplir.
Vos auroiz de li corte joie.
Je voil moult bien qu'ele m'oie ,
Que sachiez tant con el fu moie ,
Que ses bons li aconplisoie;
Or voicz con cl m'a servi.
Il ne va pas de chien issi
Con de feme, ce sachez bien :
Une chose sachiez de chien ,
Jà son mestre qui norri l'a ,
Por estrange ne changera;
Feme a moult tost guerpi lo sucu
Si ne li conplist tôt son buon.
Si est merveille de tel change ,
Qui lou suen laisse por estrange,
Li lévrier ne m'ont pas guerpi ,
Dont puJs-je bien prover issi,
Jà n'en seré desdiz de rien ,
Que nature et amor de chien
Valt miauz que de feme ne fait.
Vassax, fait-il, li vostre plait
Ne vos puet ici rien monter
S'orendroit nés lessiez ester :
Gardez-vos, que je vos desfi.
Lors a Gauvain l'escu saisi ,
Si l'a devant sou pis sachié,
Puis s'est l'uns vers l'autre cslessio
Tant cou ehevax li pot randir,
Si lou fori par tel air
Dessus la l)orle où l'escu taint,
Que pccoié li a et fraint,
Si qu'eu voleront li tronçon
Loing et haut le gict d'un bozon;
T'!t Gauvaiu l'a après féru
() premier qartier de l'cseu
Si durement, si con moi sanble ,
Que lui et lou cheval cusanblc
Ahati en une cliarrièrc.
Cil chai en une toiere
Entre les cuisses son destrier,
Et Gauvain trait lou branc d'acier,
Tôt maintenant sor lui guenchi :
Alaiuz que il pot descendi ,
Si la contre terre as poinz pris ,
Grant co]) lou fiert parmi lo vis
Et o chief, si que tôt l'estone.
Tote sa force l'abandone;
Car moult lou het por lo meffet
Et por Ta nui qu'il li a fet.
Moult lou laidist et moult lo grievc,
Lou pan do baul)erc li solievc
Si li a maintenant botée
Parmi les flans sa bone espée.
Lors lou let quant vengiez se ùi ,
Cheval, ne hauberc , ne escu
Ne voust-il onques regarder,
Ainz va les lévriers apeler
Que il avoit forment amez ,
Que bien se sont vers li provez ;
Et puis cort penre son destrier
Qui par lou bois vet cstraier.
Vistement l'a ataint et pris,
Onques par li ne fu requis
Estricrs, ainz sailli en la sele.
Sire, ce dist la damoiscle ,
Por Dieu et por anor vos pri
Que vos ne me lessiez ici.
Que ce seroit grand vilenie :
Se je fui foie et csbahic,
No me devez à mal torner.
Que je n'osoie o vos aler;
Tel paor oi quant je vous vi
Si povrement d'armes garni.
Et cil ert armez si très bien
Qu'il ne li failloit nule rien.
Belc, fait-il, ce est neiant, Pou vos vaut vostre covrement ; Rien ne valt ceste covcrture :
Tel foi, tel anor, tel nature Puet-1'en sovent trover en feme:
Qui autre bief que il n'y semé Vou droit recoillir en sa terre , Et cil qui en feme vialt qucrrc Fors sa nature, n'est pas sage.
Toz jorz l'ont eu en usage Puis que Diex flst la ])remerainno.
Qui de les servir plus se painnc Et plus lor fait bien et anor, Plus s'en rei)ent au chief do tor, Et qui plus les anore et sert, IMus s'en corrouce et plus i pert, La pitié ne vos venoit mie De garder m'anor et ma vie, Ainz vos venoit tôt d'autre chose, Li vilains dist à la parclose Voit l'en o tote riens se prueve :
Cil qui fainte et fause la trueve, Et la cherist et ainnie et garde, Jà puis Diex ne l'oit eu sa garde:
Or gardez vostre conpaignie.
A tant l'a sole deguerpie Si qu'il ne sot qu'ele devint :
A son droit chemin s'en revint.
De s'aventure a moult pensé , Tant a par la for est erré.
Qu'au vespre vint en son pais.
Grant joie en firent si ami C'o quidierent avoir perdu. S'aventure, si con el fu , Lor a de chief en chief contée.
Moult volentiers l'ont escoutéc, A premiers bêle et ])erillose.
Et après laide et auiose , Por sa mie que il perdi , Et puis con il se coubati J*or les lévriers, à grant meschief.
Eusi fina tôt à un chief.
FF.MST DOU CHRVALUCR
