CHAPITRE LI

COMMENT LES VICTECRS GARGANTIIISTES FORENT RECOMPENSES APRÈS LA BATAILLE

Ceste concion faicte par Gai^tua, furent livrés les séditieux par luy requis, excepté Spadassin, Merdaille, et Menuail, lesquels estoient fuis six heures davant la bataille : l'un jusques au col de Laignel d'une traicte, l'aultre jusques au val de Vyre, l'aultre jusques à Logroine, sans derrière soy regarder, n'y prendre haleine par chemin; et deux fouaciers, lesquel/ périrent en la journée. Âultrc mal ne leur fît Gargantua, sinon qu'il les ordonna pour tirer les presses à son imprimerie, laquelle il avoit nouvellement instituée. Puis ceux qui là estoient mors, 1 fit honorablement inhumer en la vallée des Noiretlcs, et au camp de Bruslevieille. Les navxés il fît panser et traicter en son grand nosocome. Après, advisa es dommaiges faicts en la ville et habitons, et les fît rembourcer de tous leurs interestz, à leur confession et serment. Et y fît bastir un fort chasteau; y commettant gens et guet, pour à l'advenir mieulx soy défendre contre les soudaines esmeutes. Au departii', remercia gracieusement tous les soudars de ses légions, qui avoient esté à ceste defaicte; et les renvoya liyverner en leurs stations et garnisons : excepté aulcuns de la légion decumane, lesquelz il avoit veu en la journée faire quelques prouesses, et les capitaines des bandes, lesquelz il emmena avec soy devers Grandgousier.

A la veue et venue d'iceux, le bon homme fut tant joyeux que possible ne seroit le descrire. Adonc leur fit un festin le plus magnifique, le plus abondant, et le plus délicieux que fut veu depuis le temps du roy Assuere. A l'issue de table, il distribua à chascun d'iceux tout le parement de son buffet, qui estoil au pois de dix huit cens mille quatorze bezans d'or, en

GARGANTUA

$;rahds vases d'antique, grands potz, grands bassins, grandes tasses, coupes, potetz, candélabres, calatlies, nacelles, violiers, drageoirs, et aultre telle vaisselle toute d’or massif, oultre la pierrerie, esmail, et ouvraige, qui par estime de tous excedoit en pris la matière d'iceux. Plus, leur fit compter de ses coffres à chascun douze cens mille escus conteus Et d'abondant à chascun d’iceux donna à perpétuité (excepté -s’ilz mouroient sans hoirs) ses chasteaux et terres voisines, selon que plus leur estoient commodes. A Ponocrales donna la Roche-Clermaud ; à G)’mnaste, le Coudray; à Eudemon, Montpensier ; le Rivau, à Tobuere; à Ithybole, Montsoreau; à Acamas, Cande; Varenes, à Chironacte; Gravot, à Sebaste; Quinquenays, à Alexandre; Ligré, à Sopliroue; et ainsi de ses aultres places.