CHAPITRE XVI
DES MOEl'RS ET CONDITIONS DE PANl'BGE
Paniirge estoit de stalure moyenne, ny trop grand, ny trop petit, et uvoit le nez un peu aipiilin, faict à manche de rasoir, et pour lors estoit de l’aage de trente et cinq ans ou environ, fm à dorer comme une dague de plomb, bien galant homme de sa personne, sinon qu’il .estoit quelque peu paillard, et subject de nature à une maladie qu’on appelloit en ce temps là
Faulte d’argent, c’est douleur sans pareille.
Toutcsfois, il avoit soixante et trois maniérés d’en trouver tousjoursV son hesoing, dotit la plus honorable et la plus commune estoit par façon de larrecin furtivement faict. Malfaisant,' pipeur, beuveur, bateur de pavés, ' ribleur, s’il en estoit en Paris ; I
Au demourant, le meilleur filz du monde. 1
Et toujours machinoit quelque chose contre les sergens et contre le gue^,
A Tune fois, il assembloit trois ou quatre bons rustres, les faisoit boire comme templiers sur le soir ; après les menoit au dessous de Saincte Geneviefve, ou auprès du college de Navarre, et, à l’heure que le guet montoit par là (ce que il cognoissoit en mettant son espée sus le pavé, et l’oreille auprès, et lorsqu’il oyoit son espée bransler, c’estoit signe infaillible que le guet estoit prés), à l’heure donc, luy et scs compaignons prenoient un tombereau, et luy hailloient le bransle, le ruant de grande force contre la vallée, et ainsi mettoient tout le pauvre guet par terre, comme porcs, puis s’enfuyoient de l’aultre costé : car, en moins de deux jours, il sceut toutes les rues, ruelles et traverses de Paris, comme son Deua det.
A l’aultre fois faisoit, en quelque belle place, par où ledict guet dchvoit passer, une traînée de pouldre de canon, et, à l’heure que passoit, mettoit le feu dedans, et puis prenoit son passe temps à voir la bonne grâce qu’ilz avoient en fuyant, pensans que le feu Sainct Antoine les tinst aux jambes.
Et, au regard des pauvres maistres es ars et théologiens, il les persecutoit sur tous aultres. Quand il rencontroit quelqu’un d’entre eux par la rue, jamais ne failloit de leur faire quelque mal, maintenant leur mettant un estronc dedans leurs chaperons à bourlet, maintenant leur attachant de petites queues de renard ou des oreilles de lievres par derrière, ou ijuclque aultre mal. ^ ’ v
Un jour, que l’on avoit assigné à tous les théologiens de se trouver en
15G LIvnE 11, CHAPITRE XVI
Sorbone pour grabeler les articles tlo la fov, il fit une tartre bourbonnoisCr composée de force de ailz, de galbanum, de assa fœlida, de castoreum,. d’estroncs tous ctiaulx, et la destrempit en sanie de bosses chancreuses et, de fort bon matin, en gressa et oignit théologalement tout le treillis de- Sorbone, en sorte que le diable n’y eust pas -duré. Et tous ces bonnes gens rendoient là leurs gorges devant tout le monde, comme s'ilz eussent -escorché le renard, et en mourut dix ou douze de peste, quatorze en furent ladres, dix et huit en furent pouacres, et plus de vingt et sept en eurent la verole ; mais il ne s’en soucioit mie .
Et portait ordinairement un fouet sous sa robe, duquel il fouettoit sans rémission les paiges qu’il trouvait portons du vin àleurpmaistres, pour les avanger d’aller.
En son saye avoit plus de vingt et six petites bougettes et fasques, toujours pleines, l’une d’un petit d’egu de plomb, et d’un petit Cousteau affilé camme une aiguille de pcletier^' dont il coupoit les bourses; l’aultre, de aigrest qu’il jettoit aux yeulx dc'ceix qu’il trouvoit; l’aultre, de glaterons empennés de petites plumes d’ oisons, ou de chappons, qu’il jettoit sur les robes et bonnetz des bonnes gens • et souvent leur en faisoit de belles cornes, qu’ilz portoient par toute la ville, aucunes fois toute leur vie. Aux femmes aussi, par dessus leurs chapperons, au derrière, aucunes fois en mettoit faicts en forme d’un membre d’homme.
En l’aultre, un tas de cornetz tous pleins de pulces et de poux, qu’il empruntait des guenaux de Sainct Innocent, et les jettoit, avec belles petites cannes ou plumes dont on escrit, sur les colletz des plus sucrées damoiselles qu’il trouvoit, et mesmement en l’eglise : car jamais ne se mettoit au cœur au hault, mais toujours demouroit en la nef entre les femmes, tant à la messe, a vespres, comme au sermon.
En l’aultre, force provision de haims et claveaux, dont il accouploit souvent les hommes et les femmes, en compaignies où ilz estoient serrés, et mesmement celles qui portoient robes de tafetas armoisy ; et, à l’heure qu’elles se vouloient départir, elles rompoient toutes leurs robes.
En l’aultre, un fouzil garny d’esmorche, d’allumettes, de pierre à feu, et tout aultre appareil à ce requis.
Enl’aultre, deux ou trois mirouers ardens, dont il faisoit enrager aucunes fois les hommes et les femmes, et leur faisoit perdre contenance à l’eglise : car il disoit qu’il n’y avoit qu’un antistrophe entre Femme Folle à la Messe et Femme Molle à la Fesse.
En l’aultre, avoit provision de fil et d’aiguilles, dont il faisoit mille petites diableries.
Une fois, à l’issue du palais, à la grand salle, lorsqu’un cordclier disoit
la messe de Messieurs, il luy aida à soy habiller .et revestir; mais en l’accoustrant, il luy cousit l’aulbe avec sa robe et chemise, et puis se retira quand Messieurs de la court vindrent s’asseoir pour ouir icelle messe. Mais, quand ce fust Vite missa est, que le pauvre frater voulut se desvestir son aulbe, il emporta ensemble et habit, et chemise, qui estoient bien cousuz
/ensemble; et se rebrassa jusques aux espaules, monstrant son callibistris à tout le monde, qui n’estoit pas petit sans double. Et le frater tousjours tiroit; mais tant plus se descouvroit il, jusques v ce qu’un de Messieurs de la court dist : « Et quoy, ce beau pere nous veult il icy faire l’offrande Pt baiser son cul? le feu Sainct Antoine le baise! » Dès lors fut ordonné que les pauvres beaux peres ne se despouilleroient plus devant le monde, mais en leur sacristie, mesmement en presence des femmes ; car ce leur seroit occasion du péché d’envie.
Et le monde demandoit pourquoy est ce que ces fratres avoient la couille si longue. Ledict Panurge solut très bien le problesme, disant : « Ce que fait les oreilles des asnes si grandes, c’est parce que leurs meres ne leur mettoient point de béguin en la teste : comme. dit D'Alliaco en ses Sufpositions. A pareille raison, ce qui fait la couille des pauvres beaux peres si longue, c’est qu’ilz ne portent point de chausses foncées, et leur pauvre membre s’estend en liberté à bride avallée, et leur va ainsi triballant sur les genoux, comme font les patenostres aux femmes. Mais la cause pourquoy ilz l’avoient gros à l’equipolent, c’est qu’en ce triballement tes humeurs du corps descendent audict membre : car, selon les légistes, agitation et motion continuelle est cause d’attraction.
Item, il avoit une aultre poche pleine de alun de plume, dont il jettoit dedans le dos des femmes qu’il voyoit les plus acrestées, et les faisoit despouiller devant tout le monde ; les aultres danser comme jau sus breze, ou bille sur labour ; les aultres courir les rues, et luy après couroit, et, à |celles qui se despouilloient il raettoit sa cappe sur le dos, comme homme I courtois et gracieux.
Item, en une aultre, il avoit une petite guedoufle pleine de vieille huille, et, quand il trouvoit ou femme ou homme qui eust quelque belle robe, il leur engraissoit et gastoit tous les plus beaux endroits, sous le semblant de les toucher et dire : a Voicy de bon drap, voicy bon satin, bon tafetas, madame; Dieu vous doint ce que vostre noble cœur desire : vous avez robe I neufve, nouvel amy ; Dieu vous y mantienne ! » Ce disant, leur mettoit la main sur le collet, ensemble la male tache y demouroit perpétuellement,
Si énormément engravée En l’arae, en corps, et renommée,
Que le diable ne l’eust ostée.
