COJI1IE.NT PANDRGE GAIGNOIT LES PARDONS ET MARIOIT LES VIEILLES
ET DES PROCES QU’lL EÛT A PARIS
t. Un jour je trouvay Panurge quelque peu escorné et taciturne, et me doubtay bien qu’il n’avoit denare ; dont je luy dis : « Panurge, vous estes malade à ce que je voy à vostre physionomie, et j’entends le mal ; vous avez un fluz de hourse ; mais ne vous souciez ; j’ay encores
sis solz et maille Qui ne virent onq pere ni mere,
qui ne vous fauldront non plus que la verole en vostre nécessité. » A quoy il me respondit : « Et hren pour l’argent, je n’en auray quelque jour que trop : car j’ay une pierre philosophale qui m’attire l’argent des bourses, comme l’aymant attire le fer. Mais voulez vous venir gaigner les pardons f
loO
dist il. — Et par ma foy (je luy respoiids), je ne suis pas grand pardonneur en ce monde icy ; je ne sçay si je le seray eti l’aultre. Bien allons au nom de Dieu, pour un denier ny plus, ny moins. — Mais, dist il, prestez moi donc un denier à l’interest. — Rien, rien, dis je. Je vous le donne de bon cmiir. — Orales vobis dominos, » dist il.
Ainsi allasmes, commençant à Sainct Gervais, et je gaigne les pardons au premier tronc seulement, car je me contente de peu en ces matières ; puis disois mes menus suffrages et oraisons de saincte Brigide. Mais il gaigna à tous les troncs, et tousjours bailloit argent à chascun des pardonnaires. De là, nous transportasmes à Nostre Dame, à Sainct Jean, à Sainct Anthoine, et ainsi des aultres églises où estoit banque de pardons. De ma part, je n’en gaignois plus ; mais luy, à tous les troncs il baisoit les reliques, et à chascun donnoit. Brief, quand nous fusmes de retour, il me mena boire au cabaret du Chasteau, et me montra dix ou douze de ses bougettes pleines d’argent. A quoyjeme seignay, faisant la croix, et disant : «Dond avez vous tant recouvert d’aigent en si peu de temps ?» A quoy il me respondist qu’il l’avoit prins es bassins des pardons : «Car, en leur baillant le premier denier, dist il, je le mis si souplement qu’il sembla que fust un grand blanc; ainsi, d’une main je pris douze deniers, voire bien douze liards, ou doubles pour le moins, et, de l’aultre, trois ou quatre douzains ; et ainsi par toutes les églises où nous avons esté.
— Voire, mais, dis je, vous vous damnez comme une sarpe, et estes larron et sacrilege.
— Ouy bien, dist il, comme il vous semble ; mais il ne me semble, quant à moy. Car les pardonnaires me le donnent, quand ilz me disent, en présentant les reliques à baiser : Centuplum accipies, que pour un denier j’en prenne cent : car accipies est dict selon la maniéré des Hebreux, qui usent du futur en lieu de l’impératif, comme vous avez en la Loy ; Dominum deum tnum adorabis, et illi soli servies ; diliges proximum tuum, et sic de aliis. Ainsi, quand le pardonnigere me dit : Centuplum accipies, il veult dire • Centuplum accipe, et ainsi l’expose raby Kimy et raby Aben Ezra, et tous les massoretz : et ibi Bariolas- Davantaige, le pape Sixte me donna quinze cens bvres de rente sur son dommaine et trésor ecclesiastique, pour lui avoir guery une bosse chancreuse qui tant le tourmentoit qu’il en cuida devenir boyteux toute sa vie. Ainsi je me paye par mes mains, car il n’est tel, sur ledict trésor ecclesiastique. Ho, mon amy, disoit il, si tu sçavois comment je fis mes choux gras de la croysade, tu serois tout esbahy. Elle me valut plus de six mille üeurins. — Et où diable sont ilz allés? dis je, car tu n’en as une maille. — Dond ilz estoient venuz, dist il ; ilz ne firent seulement que changer de
