LIVRE II, CHAPITRE XXI

en condition (|ue nous fissions, vous etmoy, un transon do cliere lie, jouaris des mannequins à basses marches : car (monstrant sa longue braguette) voicy maislre Jean Jeudy qui vous sonneroit une antiquaille, dont vous sentiriez jusqucs à la moelle des os. 11 est galland, et vous sçait tant bientrouver les alibitz forains et petits poulains grenés en la ratoucre que apres luy il n’y a que espousseter. »

A quoy respondit la dame : « Allez, meschant, allez. Si vous m'en dictes encores un mot, je appelleray le monde, et vous feray icy assommer de coups. — Ho, dist il, vous n’estes tant male que vous dictes; non, ou je suis bien trompé à votre physionomie : car plus tost la terre monteroil es cieulx, et les haults cieulx descendroient en l’abysme, et 'tout ordre de nature scroit perverty, qu’en si grande beaulté et elegance comme la vostre y eust une goutte de fiel, ny de malice. L’on dit bien qu’à grand peine

Vit on jamais femme belle Qui aussi ne fust rebelle.

.Mais cela est dict de ces beaultés vulgaires. I>a- vostre est tant excellente, tant singulière, tant celeste, que je croy que nature l’a mise en vous cumme un paragon, pour nous donner à entendre combien elle peut faire quand elle veult employer toute sa puissance et tout son sçavoir. Ce n’est que miel, ce n’est que sucre, ce n’est que manne celeste de tout ce qu’est en vous. C’estoit à vous à qui Paris devoit adjuger la pomme d’or, non à Venus, non, ny à Juno, ny à Minerve : car onques n’y eut tant de magnificence en Juno, tant de prudence en Minerve, tant d’elegance en Venus, comme il y a en vous. 0 dieux et déesses celestes ! que heureux sera celuy à qui ferez celle grâce de cesfe cy accoler, de la baiser et de frotter son lart avec elle! Par Dieu, ce sera moy, je le voy bien, car desja elle m’aime tout à

i plein, je le cognoy et suis à ce prédestiné des phées. Donc, pour gaigner temps, boutte, pousse, enjambions. »

Et la voulait embrasser, mais elle fit semblant de se mettre à la fenestre pour appellcr les voisins à la force. Adonc sortit Panurge bien tost, et luy dist en fuyant : « Madame, attendez moy icy, je les vais quérir moy mesmes, n’en prenez la peine. » Ainsi s’en alla, sans grandement se soucier du refus qu’il avoit eu, et n’en fit oneques pire cberc. Au lendemain,

, il se trouva à l’cglise à l’heure qu’elle alloit à la messe, et, à l’entrée, luy bailla de l’eau beniste, s’inclinant parfondement devant elle ; après se agenouilla auprès d’elle familièrement, et luy dist ; « Ma dame, saichez que je suis tant amoureux de vous que je n’en peux ny pisser, ny fianter ; je ne sçay comment l’entendez. S’il m’en advenoit quelque mal, qu’en seroit il? — Allez, dist-elle, allez, je ne m’en soucie : laissez mov icy prjer Pieu. —

Mais, dis! il, equivoquez sur à Beau Mont le Vicomte. — Je ne sçaurois, dist elle. — C’est, dist il, à Beau Con le Vit monte. Et, sur cela, priez Dieu qu’il me doint ce que vostre noble cœur désire, et me donnez ces patenostres par grâce. — Tenez, dist elle, et ne me tabustez plus. »

Ce dict, luy vouloit tirer ses patenostres, qui estoient de cestrin, avec grosses marches d’or; mais Panurge promptement tira un de ses cousteaux, et les coupa très bien, et les emporia à la fripperie, luy disant ; « Voulez vous mon Cousteau ’? — Non, non, dist elle. — Mais, dist il, à propos, il est bien à vostre commandement, corps et biens, tripes et boyaulx. »

Ce pendant la dame n’estoit fort contente de ses patenostres, car c’estoit une de ses contenances à Teglise, et pensoit : « Ce bon bavard icy est quelque esventé, homme d’estrange pays : je ne recouvreray Jamais mes patenostres ; que m’en dira mon mary ? Il s’en courroucera à moy ; mais je luy diray qu’un larron me les a coupdes dedans Teglise ; ce qu’il croira facilement, voyant encores le bout du ruban à ma ceincture.»

Apres disner, Panurge l’alla voir, portant en sa manche une grande bourse pleine d'cscus du Palais et de gettons, et luy commença à dire : a Lequel des deux aime plus Taultre, ou vous moy, ou moy vous? »

A quoy elle respondit : « Quant est de moy, je ne vous hais point : car, comme Dieu le commande, j’aime tout le monde. — Mais à propos, dist il, n’estes vous amoureuse de moy ? — Je vous ay, dist elle, ja dict tant de fois que vous ne me tenissiez plus telles paroles : si vous m’en parlez cncores, je vous monstreray que ce n’est à moy à qui vous devez ainsi parler de deshonneur. Partez d’icy, et me rendez mes patenostres, à ce que mon mary ne me les demande.

— Comment, dist il, madame, vos patenostres ? Non feray, par mon . sergent ! Mais je vous en veulx bien donner d’aultres. En aimerez vous mieulx d’or bien esmaillé en forme de grosses spheres, ou de beaux lacs d’amours, ou bien toutes massifves comme gros lingotz ; ou si en voulez d’ebene, ou de gros hiacinthes, de gros grenatz taillés, avec les marches de fines turquoises ; ou de beaux topazes marchés de fins saphiz ; ou de beaux balais à toutes grosses marches de diamans à ïingt et huit quarres? Non, non, c’est trop peu. J’en sçay un beau chapelet de fines esmeraudes, niarchées d’ambre gris coscoté, et à la boucle un union persicque, gros comme une pomme d'orange : elles ne coustent que vingt et cinq mille ducatz ; je vous en veulx faire un présent, car j’en ay du content. »

Et ce disoit faisant sonner ses gettons, comme si ce fussent escus au soleil. « Voulez vous une piece de veloux violet cramoisy, taincte n grene; une piece de satin broché, ou bien cramoisy? Voulez vous chaincs, dorcures, templettes, bagues? Il ne fault que dire oui. Jusques à cinquante