OUI NE FUT POINCT A SON ADVANTACE

Or notez que le lendemain estoit la grande feste du corps Dieu, à laquelle toutes les femmes se mettent en leur triomphe de habillemens ; et, pour ce jour, ladicte dame s’estoit vestue d’une très belle robe de satin cramoysi et d’une cotte de vcloux blanc bien précieux. Le jour de la vigile, Panurge chercha tant, d'un costé et d’aultre, qu'il trouva une lycisque orçoose, laquelle il lia avec sa ceincture, et la mena en sa chambre, et la nourrit très bien cedict jour et toute la nuyt. Au matin la tua, et en prit ce que sçavçnt les gèomantiens gregeoys, et le mit en pièces le plus menu qu’il peut, et les emporta bien cachées, et alla à l’eglise où la dame devoit aller pour suivre la procession, comme est de coustume à ladicte feste. Et, alors qu’elle entra, Panuige luy donna de l’eau benisle, bien courtoisement la saluant, et quelque peu de temps j après qu’elle eut dict ses menus suffrages, il se va joindre à elle en son banc, et luy bailla un rondeau par escrit en la forme que s’ensuit :