I - Du consistoire
■ Ou régné en gloire
Le bault Seigneur-,
Vient, non au pins fort ou greigneur,
Ains à qui luy plaist, com’ fault croire :
Doneques a chevance et honneur Cil qui par foy en luy espoire.
Ce pendant que Pantagruel escrivoit les carmes susdicts, Panurge emnaiicha en un grand pal les cornes du chevreul, et la peau et le pied droit de devant d’iceluy ; puis les oreilles de trois levraulx, le rable d’un lapin, les mandibules d'un lievre, les aisles de deux bitars, les pieds de quatre ramiers, une guedofle de vinaigre, une corne où ilz roettoieiit le sel, leur broche de bois, une lardouere, un meschant chaudron tout pertuisé, une brensse où ilz saulsoient, une saliere de terre, et un gobelet de Beanvoys. Et, en imitation des vers et trophée de Pantagruel, escrivit ce que s’ensuit :
Ce fut icy que mirent à bas cuiz Joyeusement quatre gaillars pions,
Pour banqueter à l'honneur de Bacchus, Beuvans à gré comme beaux carpions.
Lors y perdit râbles et cropions
Maistre levrault, quand chascun s’y elforce :
Sel et vinaigre, ainsi que scorpions.
Le poursuivoient, dont en eurent l'cstorce.
PANTACnUEL
Car l'inventoire D’un défensoire,
En la chaleur,
Ce n’est qu'à boira Droit et net, voire Et du meilleur.
Mais manger levrault, c’est malheur,
Sans de vinaigre avoir mémoire :
Vinaigre est son ame et valeur.
Retenez le en puinct peremptoire.
Lors, dist Pantagruel : « Allons, enfans, c'est trop musé icy à la viande : car à grand peine voit on advenir que grands banqueteurs facent beaux faicts d’armes. Il n'est ombre que d’estendarlz, il n’est fumée que de chevaux, et clicquetys que de harnois. » A ce commença Epistemon soubrire, et dist : « Il n’est ombre que de cuisine, fumée que de pastés, et clicquetys que de tasses. » .\ quoy respondit Panurge : « 11 n’est ombre que de courtines, fumée que de tetins, et clicquetys que de couillons. > Puis, se levant fit un pet, un sault, et un sublet, et cria à haulte voix joyeusement: « Vive tousjours Pantagruel! » Ce voyant, Pantagruel en voulut autant faire, mais, du pet qu'il fit, la terre trembla neuf lieues à la ronde, duquel, avec l’air corrompu, engendra plus de cinquante et trois mille petits hommes nains et contrefaicts, et d’une vesne qu’il fit, engendra autant de petites femmes, accropies comme vous en voyez en plusieurs lieux, qui jamais ne eroissent, sinon comme les queues de vaches, contre bas, ou bien comme les rabbes de Lymousin, en rond. « Et quoy, dist Panuige, vos pets sont ilz tant fructueux? Par Dieu, voicy de belles savates d’hommes, et de belles vesses de femmes ; il les fault marier ensemble, ilz engendreront des mouches bovines. » Ce que fit Pantagruel, et les nomma pygmées. Et les envoya vivre en une isle là auprès, où ilz se sont fort multipliés depuis. Mais les grues leur font continuellement la guerre : desquelles ilz se défendent courageusement, car ces petits boutz d’hommes flesquelz en Ecosse l’on appelle manches d’estrilles) sont voluntiers cholericques. La raison physicale est parce qu’ilz ont le co ur prés de la merde.
En ceste mesme heure, Panurge print deux verres qui là estoient, tous deux d’une grandeur, et les emplit d’eau tant qu’ilz en peurent tenir, et en mit l’un sur une escabelle, et l’aultre sur une aultre, les esloignant à part la distance de cinq pieds ; puis après print le fust d'une javeline de la grandeur de cinq pieds et demy, et le mit dessus les deux verres, eu sorte que les deux boutz du fust touchoient justement les bords des verres. Cela faict, print un gros pau. et dist à Pantagruel et aux aultres :
