LIVRE II, CHAFMTRE XXVIII
la barque toute pleine de sel, aussi aisément comme les Lansquenettes portent leurs petits pancrotz. Et ainsi se mit en chemin avec ses compaignons. Quand il fut prés du camp des ennemis, Panurge luy dist ; « Seigneur, voulez vous bien faire? Devalez ce vin blanc d’Anjou de la hune, et beuvons icy à la bretesque. »
A quoy condescendit voluntiers Pantagruel, et beurent si net qu’il n’y demeura une seule goutte des deux cens trente et sept poinsons, excepté une ferriere de cuir bouilly de Tours, que Panurge emplit pour soy, car ik l’appelloit son vaie mecum, et quelques meschantes baissieres pour le vinaigre.
Après qu’ilz eurent bien tiré au chevrotin, Panurge donna à manger à Pantagruel quelque diable de drogues, composées de lithontripon, nephrocatarticon, coudignac cantharidisé, et aultres especes diureticques.
Ce faict, Pantagruel dist à Carpalim : « Allez en la ville, gravant comme un rat contre la muraille, comme bien sçavez faire, et leur dictes qu'à l’heure présente ilz sortent et donnent sur les ennemis, tant roidement qu’ilz pourront ; et, ce dict, descendez, prenant une torche allumée avec laquelle vous mettrez le feu dedans toutes les tentes et pavillons du camp; puis vous crierez tant que pourrez de vostre grosse voix, qui est plus espovantable que n’estoit celle de Ster.ior, qui fut ouy par sur tout le bruyt de la bataille des Troyans, et partez dudict camp. — Voire mais, dist Carpalim, seroit ce pas bon que j'enclouasse toute leur artillerie? — Non, non, dist Pantagruel, mais bien mettez le feu en leurs pouldres. »
A quoy obtempérant, Carpalim partit soudain, et fit comme avoit esté décrété par Pantagruel, et sortirent de la ville tous les egmbattans qui y estoient. Et, lors qu’il eut mis le feu par les tentes et pavillons, passoit legierement par sur eux sans qu’ilz en sentissent rien, tant ilz ronfloient et dormoient parfondement. Il vint au lieu où estoit l’artillerie, et mit le feu eu leurs munitions ; mais ce fut le dangier ; le feu fut si soudain qu'il cuida embraser le pauvre Carpalim. Et n’eust esté sa merveilleuse hastiveté, il estoit fricassé comme un cochon ; mais il depailit si roidement qu’un quarreau d’arbaleste ne va plus tost.
Quand il fut hors des tranchées, il s’escria si espovantablement qu'il sembloit que tous les diables fussent deschainés. Auquel son s'esveillerent les ennemis; mais sçavez vous comment? aussi estourdis que le premier son de matines, qu’on appelle en Lussonnois frotte couille.
Ce pendant Pantagruel commmença à semer le sel qu’il avoit en sa barque, et, parce qu'ilz dormoient la gueule baye et ouverte, il leur en remplit tout le gousier, tant que ces pauvres haires toussissoient comme renanls, crians : « Ha Pantagruel, Pantagruel, tant tu nous chauffes le
tison ! » Soudain print envie à Pantagruel de pisser, à cause des drogues i|ue luy avoit baillé Panuige, et pissa parmy leur camp, si bien et copieusement qu'il les noya tous ; et y eut dcluge particulier dix lieues à la ronde. Et dit l’histoire que, si la grand jument de son pere y eust esté et pissé pareillement, qu’il y eust eu deluge plus enorme que celuy de Deuealion : car elle ne pissoit fuis qu’elle ne fist une riviere plus grande que ii'est le Rhosne et le Danoube.
Ce que voyans ceux qui estoient issus de la ville, disoient : « Hz sont tous mors cruellement, voyez le sang courir. » Mais ilz y estoient trompés, pensans, de l’urine de Pantagruel, que fust le sang des ennemis : car ilz ne le véoient sinon au lustre du feu des pavillons, et quelque pen de clarté de la lune.
I.,es ennemis, après soy estre reveillés, voyans d’un costé le feu en leur camp, et l’inondation et deluge urinai, ne sçavoient que dire ny que penser. Aucuns disoieiit que c’estoit la fin du monde et le jugement final, qu* doibt estre consommé par feu : les aultres, que les dieux marins Neptune, i’roteus. Tritons, et les aultres, les pcrsccutoient, et que, de faict, c’estoit eau marine et salée.
O qui pourra maintenant raconter comment se porta Pantagruel contre les trois cens géans? O ma muse! ma Calliope, ma Tbalie, inspire moy à reste heure ! Restaure moy mes esprits : car voicy le pont aux asnes de logicque, voicy le trebuchct, voicy la difficulté de pouvoir exprimer l’horrible bataille qui fut faicte.
A la mienne volunté que j’eusse maintenant un boucal du meilleur vin que beurent oncques ceux qui liront ceste histoire tant veridique!
