LIVRE II , CHAPITRE XXIX

que un petit chiart, n’en desferay je pas bien une douzaine? Et puis ce gros paillard Eusthenes, qui est fort comme quatre bœufz, ne s'y espargnera. l'renez couraige, chocquez à travers d’estoc et de taille. » Or dist Pantagruel : « De couraige, j’en ay pour plus de cinquante francs. Riais quoy? Hercules n’osa jamais entreprendre contre deux. — C’est, dist Panurge, bien chié en mon nez; vous comparez vous à Hercules? Vous avez par Dieu plus de force aux dents, et plus de sens au cul, que n’eut jamais Hercules en tout son corps et ame. Autant vault l’homme comme il s’estime. <>

Et ainsi qu'ilz disoient ces paroles, voicy arriver Loupgarou, avec tous ses géans ; lequel, voyant Pantagruel tout seul, fut espris de témérité et oultrecuidance, par espoir qu'il avoit d’occire le pauvre bon hommet. Dont dist à ses compaignons géans : « Paillars de plat pays, par Mahom, si aucun de vous entreprent de combattre contre ceux cy, je vous feray mourir cruellement. Je veulx que me laissiez combattre seul : ce pendaiil vous aurez vostre passetemps à nous regarder. » Adonc se retirèrent tous les géans avec leur roy là auprès, où estoient les flaccons, et Panurge et ses compaignons avec eux, qui contrefaisoit ceux qui ont eu la verole, car il tordoit la gueule et retiroit les doigts; et, en parole enrouée, leur dist : « Je renie bieu, compaignons, nous ne faisons poinct la guerre. Donnez nous à repaistre avec vous, ce pendant que nos maistres s’entrebattent. ■> A quoy voluntiers le roy et les géans consentirent, et les firent banqueter avec eux.

Ce pendant Panurge leur contoit les fables de Turpin, les exemples de .sainct Nicolas, et le conte de la Ciguoingne.

Loupgarou donc s’adressa à Pantagruel avec une masse toute d’acier, pesante neuf mille sept cens quintaulx deux quarterons, d’acier de Calibes, au bout de laquelle estoient treize poinctes de diamans, dont la moindre estoit aussi grosse comme la plus grande cloche de Nostre Dame de Paris (il s’en falloit par adventure l’espesseur d’un ongle, ou au plus, que je ne mente, d'un dos de ces cousteaux qu’on appelle couppc oreille, mais pour un petit, ne avant ne arriéré), et estoit phéc, en maniéré que jamais ne pouvoit rompre, mais, au contraire, tout ce qu’il en touchoit rompoil incontinent.

Ainsi donc, comme il approclioit en gixind fierté, Pantagruel, jectanl les yeulx au ciel, se recommanda à Dieu de bien bon cœur, faisant vœu tel comme s’ensuit : a Seigneur Dieu, qui tousjours as esté mon protecteur et mon servateur, tu vois la destresse en laquelle je suis maintenant. Hicn icy ne m’amene, sinon zclc naturel, ainsi comme tu as octroyé es humains de garder et défendre soy, leurs femmes, enfans, pays, et famille, en cas que ne seroit ton négoce propre qui est la foy : car en tel affaire tu ne

Digitizrd by Googlc