LIVRE TI, CHAPITRE XXXIV

à la veriic la lune n’estoit entière, mais que les femmes en avoient trois quartiers en la teste : et mille aultres petites joyeusetés toutes véritables. Ce sont beaux textes d’evangiles en françois. lion soir, messieurs. Perdonnate mi, et ne pensez tant à mes faultes que ne pensez bien es vostres.

Si vous me dictes : « Maistre, il sembleroit que ne fussiez grandement sage de nous escrire ces balivernes et plaisantes mocquettes, » je vous responds que vous ne l’estes gueres plus de vous amuser à les lire. Toutesfois, si pour passetemps joyeux les lisez, comme passant temps les escrivüis, vous et moy sommes plus dignes de pardon qu’un grand tas de sarrabovites, cagotz, escargotz, hypocrites, calTars, frapars, botineurs, et aultres telles sectes de gens qui se sont desguisés comme masques potir tromper te monde. Car, donnans entendre au populaire commun qu’ilz ne sont occupés sinon à contemplation et dévotion, en jeusnes et macération de la sensualité, sinon vrayement pour sustanter et alimenter la petite fragilité de leur humanité, au contraire font cliere. Dieu sçait quelle, et citrios simulant, sed bacchanalia vimnt. Vous le pouvez lire en grosse Icltre et enluinineure de leurs rouges museaux, et ventres à poulaine, sinon quand ilz se parfument de soulphre. Quant est de leur estude, elle est toute consummée à la lecture des livres pantagruelicques ; non tant pour passer temps joyeusement que pour nuire à quelqu’un meschantement : sçavoir est articulant, monorticulant, torticulant, culletanl, couilleLant, et diabliculant, c’est à dire calumniant. Ce que faisans, semblent es coquins de village qui fougent et escharbottent la merde des petits enfans en la saison des cerises et guignes, pour trouver les noyaulx, et iceux vendre es drogueurs qui font l’huile de Maguelet. Iceux fuyez, abhorrissez et haïssez autant que je fais, et vous en trouverez bien sur ma foy. Et, si desirez estre bons pantagruelistes, c’est à dire vivre en paix, joye, santé, faisans toujours grand chere, ne vous fiez jamais aux gens qui regardent par un pertuys.