COMHENT PANTAGRUEL DETESTE LES DEDTEURS ET EMPRUNTEURS
c J’entends, respondit Pantagmel, et me semblez bon topicqueur etaflFecté^ à vostre cause. Mais prcscliez et patrocinez d’icy à la Pentecoste, en fin vous serez esbaliy comment rien ne m’aurez persuadé, et, par vostre beau parler, ja ne me ferez entrer en debtes. Rien (dit le sainct Envoyé) à personne ne debvez, fors amour et dilection mutuelle. Vous me usez icy de belles graphides et diatyposes, et me plaisent très bien. Mais je vous dis^ que, si figurez un affronteur effronté, et importun emprunteur, entrant de neuveau en une ville ja advertie de ses mœurs, vous trouverez qu’à son entrée plus seront les citoyens en effroy et trépidation que si la peste y entroit en habillement tel que la trouva le philosophe Tyanien dedans Ephese. Et suis d’opinion que ne erroient les Perses, estimans le second vice estre mentir, le premier estre debvoir. Car debtes et mensonges sont ordinairement ensemble ralliés.
« Je ne veux pourtant inferer que jamais ne faille debvoir, jamais ne faille prester. 11 n’est si riche qui quelquefois ne doibve. Il n’est si pauvre de qui quelquefois on ne puisse emprunter. L’occasion sera telle que l’a dict Platon en ses loix, quand il ordonne qu’on ne laisse chez soy les voisins puiser eau si premièrement ilz n’avoient en leurs propres pastifz foussoyé et bêché, jusques à trouver celle espece de terre qu’on nomme ceramite (c'est terre à potier), et là n’eussent rencontré source, ou dégoût d’eaux. Car icelle terre, par sa substance, qui est grasse, forte, lize et dense, retient l’humidité, et n’en est facilement faicte exhalation. Ainsi est ce grande vei^oigne, tousjours, en tous lieux, diun chascun emprunter, plus tost que travailler et gaigner. Lors seulement debvroiton, selon mon jugement, prester quand la personne travaillant n’a peu par son labeur faire guain, ou quand elle est soudainement tombée en perte inopinée de ses biens. Pourtant, laissons ce propos, et dorénavant ne vous attachez à créditeurs. Du passé je vous delivre.
— Le moins de mon plus, dist Panui^e, en cestuy article sera vous remercier ; et, si les remercimens doibvent estre mesurés par l’affection des bienfaicteurs, ce sera infiniment, sempiternellement : car l’amour que
de vostre grâce me portez est hors le dez d’estimation ; il transcende tout poidz, tout nombre, toute mesure : il est infiny, sempiternel. Mais, leme- .surant au qualibre des bienfaicts et contentement des rccevans, ce sera assez laschement. Vous me faites des biens beaucoup, et trop plus que ne m'appartient, plus que n’ay enviT vous deservy, plus que ne requeroient mes mérités, force est que le confesse, mais non mie tant que pensez en cestuy article. Ce n'est là que me deult, ce n'est là que me cuict et démangé : car, dorénavant, estant quitte, quelle contenance auray je? Croyez que j' auray mauvaise grâce pour les premiers mois, veu que je n'y suis ne nunrry ne accoustumé. J’en ay grand peur.
« Davantaige, désormais ne naistra pet en tout Salmigondinoys qui n’ait son renvoy vers mon nez. Tous les peteurs du monde, petans, disent : Voylà pour les quittes. Ma vie finira bien tost, je le prevoy. Je vous recommande mon epitaphe. Et mourray tout confict en pedz. Si quelque jour, pour restaurant à faire peter les bonnes femmes, en extrême passion de colique venteuse, les medicamens ordinaires ne satisfont aux médecins, la momie de mon paillard et eropeté corps leur sera remede présent. En prenant tant peu que direz, elles peteront plus qu’ilz n’entendent. C’est pourquoy je vous pricrois voluntiers que de debtes me laissez quelque centurie : comme le roy Louys unziesme, jettant hors de procès Miles d’illiers, evesque de Chartres, fut importuné luy en laisser quelqu’un pour se exercer. J’aime mieulx leur donner toute ma cacqueroliere, ensemble ma hannetonniere, rien pourtant ne déduisant du sort principal.
— Laissons, dist Pantagruel, ce propos, je vous l’ay ja dict une fois. »
