CHAPITRE XXXIX

COiniENT PANTAGRUEL ASSISTÉ AO JUGEMENT DU JUGE BRIDOrK LBQUEL SENTENTIOIT LES PROCES AU SORT DES DEZ

Au jour subséquent, à heure de l’assignation, Pantagruel arriva en Myrelingues. Les president, sénateurs et conseillers le prièrent entrer avec eux, et ouir la decision des causes et raisons que allegueroit Bridoye, pour quoy auroit donné certaine sentence contre l’esleu Toucheronde, laquelle ne sembloit du tout équitable à icelle court centumvirale. Pantagruel entre voluntiers, et là trouve Bridoye on milieu du parquet assis : et, pour toutes raisons et excuses, rien plus ne respondant, sinon qu’il estoit vieux devenu, et qu’il n’avoit la veue tant bonne comme de coustume ; allegant plusieurs miseres et calamités, que vieillesse apporte avec soy, lesquelles not. per Archid. D. Lxxxvi e. tanta. Pourtant ne cognoissoit il tant distinctement les poinetz des dez, comme avoit faict par le passé. Dont pouvoit estre qu’en la façon que Isaac, vieux et mal voyant, print Jacob pour Esaü, ainsi, à la decision du procès dont estoit question, il auroit prins un quatre pour un cinq ; notamment referont que lors il avoit usé de ses petits dez. Et que, par disposition de droit,’ les imperfections de nature ne doibvent estre imputées à crime, comme appert. (f. de re milit. l. qui cum uno. ff. de reg. jur. l. fere. ff. de eedil. ed. per totum. ff. de term. mod. l. divus Adrianus résolut, per Lud. Ro. in l. si vero. ff. fol. matr. Et qui aultrement feroit non l'homme accuseroit, mais nature, comme est évident in l. maximum vüium C. de lib. præler.

a Quelz dez, demandoit Trinquamelle, grand president d’icelle court, mon amy, entendez vous ? — Les dez, respondit [Bridoye, des jugemens.