CHAPITRE XLVIl

COMMENT PANTAGRUEL ET PANURGE DELIBERENT VISITER L’ORACLE DE LA DIVE BOUTEILLE

« Voicy bien un aultre poincf, lequel ne considérez. Est toutesfnis le nœud de la matière. Il m’a rendu en main la bouteille. Cela, que signifie? Qu’est ce' à dire? — Par adventure, respondit Pantagruel, signifie que \ostre femme sera yvroigne. — Au rebours, dist Panurge, car elle estoit vuide. Je vous jure l’espine de sainct Fiacre en Brj'e, que nostre morosophe, l’unique non lunaticque Triboullet, me remet à la bouteille. Et Je refraischis de nouveau mon vœu premier, et jure Styx et Acheron, en vostre presence, lunettes aji bonnet porter, ne porter braguette à mes chausses que sus mon entreprinse je n’aye eu le mot de la Dive Bouteille. Je sçay homme prudent etamy mien, qui sçait le lieu, le pays et la contrée en laquelle est son temple et oracle. Il nous y conduira seurement. Allons y ensemble, je vous supplie ne m’esconduire. Je vous seray un Achates, un Damis, et compaignon en tout le voyage. Je vous ay dé long temps cogneu amateur de peregrinité, et désirant toujours voir et tousjours apprendre. Nous verrons choses admirables, et m’en croyez.

— Volontiers, respondit Pantagruel. Mais, avant nous mettre en ceste longue pérégrination, pleine de hazard, pleine de dangiers evidens... — Quels- dangiers? dist Panurge interrompant le propos. Les dangiers se refuyent de moy, quelque part que je sois, sept lieues à la ronde : comme, advenant le prince, cesse le magistrat; advenant le soleil, esvanouissent [es tenebres, et comme les maladies fuyoient à la venue du corps sainct Martin à Quande. — A propos, dist Pantagruel, avant nous mettre en voye, <le certains poincts nous fault expedier. Premièrement, renvoyons Triboullet à Bloys (ce qui fut faict à l’heure, et luy donna Pan tagruel une robe de drap d’or frizé). Secondement, nous faut avoir l’advis et congié du roy mon pere. Plus, nous est besoing trouver quelque sibylle pour guyde et truchement. » Panui^e respondit que son amy Xenoraanes leur suflfiroit. et d’ahunJant deliberoit passer par le pays de Lanternoys, et là prendre quelque docte et utile Lanterne, laquelle leur seroit pour ce voyage ce que fut la sibylle à Eaéas, descendant es champs Elysiens. Carpalim, passant pour la conduicte de Triboullet, entendit ce propos, et s’escria, disant : <i Panurge, ho, monsieur le quitte, prends millort Dehitis à Calais, car il est goud fallot, et n’oublie dehitorihus, ce sont lanternes. Ainsi auras et fallot et lanternes. » '

« Mon pronostic est, dist Pantagruel, que par le chemin nous n’engen-

mirerons mclancholie. Ja clairement Je l'apperçoy. .Seulement me dcsplaist i|ue ue parle bon Lanlernoys. — Je, respondit Panurge, le parleray’pour vous tous, Je l’entends comme le maternel ; il m’est usité comme le vulgaire :

Briszmarg d'algolbric nubstzne zos,

Isquebfz prusq : albok crinqs zacbac,

Misbe dilbarikz morp nipp stancz bos,

Strombtz, Panurge walinap quost grufz bac.

— Or devine, Episteinoii, que c'est. — Ce sont, respondit Episfemon, noms de diables errans, diables passans, diables rampans. — Tes paroles sont vraycs, dist Panurge, bel amy. C’est le courtisan langage Lantcrnoys. Par le chemin. Je t’en feray un petit dictionnaire, lequel ne durbra gueres plus qu’une paire de souliers neufz. Tu l’auras plus tost apprins que Jour evant sentir. Ce que J’ay dict, translaté de Lantcrnoys en vulgaire, chante ainsi :

Tout malheur, estant amoureux,

M’accompaignoit : oncq n'y eu bien.

Gens mariés plus sont heureux :

Panurge l’est, et le sçait bien.

— Reste donc, dist Pantagruel, le vouloir du roy mon pere entendre, et licence de luy avoir. »