A MON SEIGNEUR ODET

jour precedent, n’avoit 'par paroles déclaré le desplaisir qu’il avoit en la voyant en habits impudicques, ne peut celer le plaisir qu'il prenoit la voyant ainsi changée, et luy dist : « O combien cestuy vestement plus est séant et louable en la fille de Auguste! » Elle eut son excuse prompte, et lui respondit : « Huy, me suis je vestue pour les oeilz de mon pere. Hier, je l’estois pour le gré de mon mary. »

Semblablement pourrait le médecin, ainsi desguisé en face et babils, niesmement revestu de riche et plaisante robe à quatre manches, comme adis estoit l’estât, et estoitappellée/^Aî7oMi«»», comme dit Petrus Alexandrinus, in vi, Epid., respondre à ceux qui Irouveroienl la prosopopée estrange : « Ainsi me suis je accoustré, non pour me guorgiaser et pomper, mais pour le gré du malade lequel je visite, auquel seul je veiilx entièrement complaire, en rien ne l’offenser ne faschcr. »

Plus y a. Sus un passaige du pere Hippocrates on livre cy dessus allégué, nous suons, disputans et rechcrchans, non si le minois du médecin chagriu, tetrique, reubarbatif, Catonian, mal plaisant, mal contant, severe, rechigné, contristé le malade ; et du médecin la face joyeuse, seraine, gracieuse, ouverte, plaisante, resjouist le malade (cela est tout esprouvé et très certain); mais si telles contriitations et csjouissemens proviennent par appiehension du malade contemplant ces qualités en son médecin, et par icelles conjecturant l’issue et catastrophe de son mal ensuivir, sçavoir est. par les joyeuses, joyeuse et desirJe ; par les fascheuses, fascheuse et abhorrante, ou par transfusion des esprits serains ou tenebreux, aérés ou terrestres, joyeux ou melancholicques du médecin en la personne au malade. Comme est l’opinion de Platon et Averroïs.

Sus toutes choses, les auteurs susdicts ont au médecin baillé advertissement particulier des paroles, propous, abouchemens, et confabulations qu’il doit tenir avec les malades de la part desquelz seroit appellé. Lesquelles toutes doivent à un but tirer, et tendre à une fin, c’est le resjouir sans offense de Dieu, et ne le contrister en façon quelconques. Comme grandement est par Herophilus blasmé Callianax médecin, qui, à un patient l’interrogeant et demandant : « Mourray je? » impudentement respondit ;

Et Patroclus à mort succumba bien.

Qui plus estoit que n’es homme de bien.

A un autre, voulant entendre l’estât de sa maladie, et l’interrogeant i la mode du noble Tatelin :

Et mon urine

Vous dict elle poinct que je meure?