SS

Les mules au talon,

Le petit cancre au menton,

La male toux au poulmon,

. Le catarrhe au gavion.

Le gros fronde au cropion.

Et ai i diable le boussin de pain pour s’escurer les dents.

Souhaitez donc médiocrité : elle vous adviendra ; et, encores mieulx, deuement ce* pendant labourans et travaillans. « Voire mais, dictes vous. Dieu m’en eust aussi tost donné soixante et dix huit mille comme }a treiziesmc partie d’un demy. Car il est tout puissant. Un million d’or luy est aussi peu qu’un obole. » Hay, hay, hay. Et de qui estes vous apprins ainsi discourir et parler de la puissance et prédestination de Dieu, pauvres gens? Paix; st, si, st, humiliez vous davant sa sacrée face, et recognoissez vos imperfections.

C’est, goutteux, sus quoy je fonde mon esperanc.e, et croy fermement que, s’il plaist au bon Dieu, vous obtiendrez santé, veu que rien plus que santé pour le présent ne demandez. Attendez encores un peu avec demie once de patience.

Ainsi ne font les Genevois, quand, au matin, avoir dedans leurs escritoires et cabinetz discouru, propensé et résolu de qui et de quelz, celuy jour, ilz pourront tirer denares et qui, par leur astuce, sera beliné, corbiné, trompé et affiné, ilz sortent en place, et s’entresaluant, disent : Sanila et guadain, fnesser. Hz ne se contentent de santé, d’abondant ilz souhaitent gai ng, voire les escuz de Gadaigne. Dont advient qu’ilz souvent n’obtiennent l'un ne l’autre. Or, en bonne santé toussez un bon coup ; beuvez en trois, secouez déliait vos oreilles, et vous oyrez dire merveilles du noble et bon Pantagruel.