LIVRE IV, CHAPITRE IV
C’est bien dict, respondit Pantagruel. Faites dresser la collation en ceste. prochaine hostellerie, en laquelle pend poiir enseigne l'image d’un satyre à cheval. Ce pendant pour la depesche de l’escuyer, il escrivit à Gai^antua comme s’ensuit :
« Pere 1res deb maire, comme à tous accidens en ceste vie transitoire non doubtés ne soubsonnés, nos sens et nos facultés animales pâtissent plus énormes et impotentes perturbations (voire jusques à en estre souvent l’ame desémparée du corps, quoy que telles subites nouvelles fussent à contentement et souhait), que si eussent auparavant esté propensés et preveuz, ainsi m’a grandement esmeu et perturbé l’inopinée venue du vostre escuyer Malicome. Car je n’esperois aucun voir de vos domestiques, ne de vous nouvelles ouyr avant da fin de cestuy nostre voyage. Et facilement acquiesçais en la douce recordation de vostre auguste majesté, escrite, voire certes insculpée et engravée on postérieur ventricule de mon cerveau, souvent au vif me la représentant en sp propre et naifve figure.
(I Mais, puisque m'ayez prévenu par le bénéfice de vos gracieuses lettres, et par la créance de vostre escuyer mes esprits recréé en nouvelles de vostre prospérité et santé, ensemble de toute vostre royale maison, force m’est, ce que par le passé m’estoit voluntaire, premièrement louer le benoist Servateur, lequel, par sa divine bonté, vous conserve en ce long teneur de santé perfaicte ; secondement, vous remercier sempiternellement de ceste fervente et inveterée affection qu’à moi portez, vostre très humble filz et serviteur inutile. Jadis un Romain, qommé Furnius, dist à César Auguste recevant à grâce et pardon son pere, lequel avoit suivy la faction de Antonius : Aujourdhuy me faisant ce bien, tu m'as réduit en telle ignominie que force me sera, vivant, mourant, estre ingrat réputé, par impotence de gratuité. Ainsi pourray je dire que l'exces de vostre paternelle affection me range en^este angustie et nécessité qu'il me conviendra vivre et mourir ingrat. Sinon que de tel crime sois relevé par la sen. tence des Stoïciens, lesquelz disoient trois parties estre en bénéfice, l’une du donnant, l’autre du recevant, la tierce du recompensant : et le recevant très bien recompenser le donnant quand il accepte voluntiers le bienfaict, et le retient en souvenance perpétuelle. Comme, au rebours, le recevant estre le plus ingrat du monde, qui mespriscroit et oubliroit le bénéfice.
« Estant donc opprimé d’obligations infinies toutes procréés de vostre immense bénignité, et impotent à la minime partie de recompense, je me saulveray pour le moins de calomnie en ce que de mes esprits n'en sera
h jamais la mémoire abolie : et ma langue ne cessera confesser et protester que vous rendre grâces condignes est chose transcendente ma faculté et puissance.
« Au reste, j’ay ceste confiance en la commisération et aide de nostre Seigneur, que, de ceste nostre pérégrination, la fin correspondra au commencement, et sera le totaige en alaigresse et santé perfaict. Je ne fautdray à réduire en commentaires et ephemerides tout le discours de nostre navigaige ; afin qu’à nostre retour vous en ayez lecture veridicque.
« J'ay ici trouvé un tarande de Scythie, animal estrange et merveilleux à cause des variations de couleur en sa peau et poil, selon la dictinction des choses prochaines. Vous le prendrez en gré. Il est autant maniable et facile à nourrir qu*un agneau. Je vous envoie pareillement trois jeunes unicornes, plus domesticques et apprivoisées que ne seroient petits chattons. J’ay conféré avec l’escuyer, et dict la maniéré de les traicter. Elles ne pasturent en terre, obstant leur longue corne on front. Force est que pasture elles prennent es arbres fruictiers, ou en râteliers idoines, ou en main, leur offrant herbes, gerbes, pommes, poires, oige, touzelle, brief toutes especes defruietz et legumaiges. Je m’esbahis comment nos escrivains antiques les disent tant farouches, feroceset dangereuses, et ooques vives n’avoir esté veues. Si hon vous semble ferez espreuve du contraire, et trouverez qu’en elles consiste une mignotize la plus grande du monde, pourveu que malicieusement on ne les offense.
« Pareillement, nous envoie la vie et gestes de Achilles en tapisserie bien bellç et industrieuse. Vous asceurant que les nouveaultés d’animaux, de plantes, d’oiseaux, de pierreries que trouver pourray, et recouvrer en toute nostre pérégrination, toutes je vous porteray, aidant Dieu nostre Seigneur, lequel je prie en sa saincte grâce vous conserver.
« De Medamothi, ce quinziesme de juin. Panurge, frere Jean, Epistemon, Xenomanes, Gymnaste, Eusthenes, Rhizotome, Carpalim, après le dévot baisemain, vous resaluent en usure centuple, a Vostre humble filz et serviteur,
« PAiNTAGRUEL. »
Pendant que Pantagruel escrivoit les lettres sucÿ»ctes, Malicome fut de tous festoyé, salué et accollé à double rebraz. Dieu sait comment tout alloit, et comment recommendations de toutes parts trottaient en place. Pantagruel, avoir parachevé ses lettres, banqueta avec l’escuyer. Et luy donna une grosse chaîne d’or, pesans huit cens escuz, en laquelle, par les chaînons septénaires, estoient gros diamans, rubiz, esmeraudes, turquoises, unions, alternativement enchâssés. A un chascun de scs nau-
