CHAPITRE V
COMUENT PANTAGRUEL RENCONTRA UNE NAUP DE TOYAGBRS RETOORNANS DU PAYS LANTERNOIS
Au cinquième jour, ja commençans tournoyer le pôle peu à peu, nous esloigiians de l'equinoctial, descouvrismes une navire marchande faisant voile à horche vers nous. La joye ne fut petite, tant de nous conune des marchands : de nous, entendans nouvelle de la marine; de eux, entendans nouvelles de terre ferme. Nous rallians avec eux, cogneusmes qu'ilz estoient François Xantongeois. Devisant et raisonnant ensemble, Pantagruel entendit qu'ilz venoient de Lantemois. Dont eut nouveau accroissement d'ala^resse, aussi eut toute l'assemblée mesmement, nous enquestans de l'estât du pays et mœurs du peuple Lantemicr, et ayant advertissement que, sus la fîu de juillet subséquent, estoit l'assignation du chapitre general des Lanternes : et que, si lors y arrivions (conune facile nous estoit), voyrions belle, honorable et joyeuse compaignie des Lanternes : et que l'on y faisoit grands ^ apprestz, comme si l'on y deust profondément lanterner. Nous fut aussi dict que, passans le grand royaume de Gebarim, nous serions honorifiquement receuz et traictez par le roy Ohabé, dominateur d'icelle terre. Lequel et tous ses subjeetz pareillement parlent langaige françois tourangeau.
Ce pendant que nous entendions ces nouvelles, Panuige prend débat avec un marchant de Taillebourg, nommé Dindenault. L'occasion du débat fut telle : ce Dindenault, voyant Panurge sans braguette, avec ses lunettes attachées au bonnet, dist de luy à ses compaignons : c Voyez là une belle médaille de cotju. * Panurge, à cause de ses lunettes, oyoit des oreilles beaucoup plus clair que de coustume. Donc, entendant ce propos, demanda au marcliant : o Comment diable serais je coqu, qui ne suis encores marié, comme tu es, selon que juger je peuz à ta traigne mal gracieuse?
— Oui vrayement, respondit le marchant, je le suis : et ne vouidrois ne l’estre pour toutes les lunettes d'Europe, non pour toutes les besicles
d’Afrique. Car j’ay une des plus belles, plus advenantes, plps honnestes, plus prudes femmes en mariage, qui soit en tout le pays de Xantonge ; et ii’en desplaise aux autres. Je iuy porte de mon voyage une belle et de unze poulcées longue branche de coural rouge, pour ses estrenes. Qu’en as tu à faire? De quoy te mcsies tu? Qui es tu? Dond es tu? O lunetier de rantichrist,-Tesponds‘sritrTJS-tte'^iro.
— Je te demande, dist Paiiurge, si, par consentement et convenence de tous les elemensjj’avois sacsacbezeverinemassé ta tant belle, tant advenante, tant honneste, tant prude femme, de mode que le roide dieu des jardins Priapus, lequel icy habite en liberté, subjection forcluse de braguettes attachées, luy fut on corps demeuré, en tel desastre que jamais n’en sortiroit, éternellement y rcsteroit, sinon que tu le tirasses avec les dents, que ferais tu? Le laisserais tu là simpiternellement? ou bien le tirerais tu à belles dents? Responds, o bclinicr de Mahumel, puis que tu es de tous les diables. — Je te donnerais, respondit le marchant, un coup d’espée sus cestc oreille lunetiere, et te tuerais comme un belier. » Ce disant desgainoit son espée. Mais elle tenoit au fourreau, comme vous sçavez que, sus mer, tous harnois facilement chargent rouille, à cause de l’humidité excessive et nitreuse. Panurge recourt vers Pantagruel à secours. Frere Jean mit la main à son bragmard fraischement esmoulu, et eust felonnement occis le marchant, ne fiist que le patron de la nauf, et aultres passagers supplièrent Pantagruel n’estre faict scandale en son vaisseau. Dont fut appoincté tout leur different : et touchèrent les mains ensemble Panui^e et le marchant, et beurent d'autant l’un à l'autre de hait, en signe de perfaicte réconciliation.
