LIVRE IV, CHAPITRE XIV
prendre leurs beaux accoustremens, Trudon sonner de sa flutte, battre son tabourin ; cliascun rire, tous se préparer, et ganteletz en avîyit.
« Basché descend en la basse court. Là Chiquanous, le rencontrant, se mit à genoilz devant luy, le pria ne prendre eu mal si, de la part du gras prieur, il le citoit, remonstra par harangue diserte comment il estoit personne publique, serviteur de moinerie, appariteur de la mitre abbatiale, prest à en faire autant pour luy, voire pour le moindre de sa maison, la part qu’il luy plairoit l’emploiter et commander. « Vrayement, dist le sei- « [Tiieur, ja ne me citerez que premier n’ayez beu de mon bon vin de Quin- « quenays, et n’ayez assisté aux nopces que je fais présentement. Messire « Oudart, faites le boire 1res bien, et refraichir, puis l’amenez en ma salle. « Vous soyez le bien venu. »
« Chiquanous, bien reppeu et abbrevé, entre avec Oudart en salle, en laquelle estoient tous les personnaiges de la farce, en ordre et bien deliberi-s. A son entrée chascun commença soubrire. Chiquanous rioit par compaignie. Quand par Oudart furent sus les fiansés dicts motz mystérieux, touchées les' mains, la mariée baisée, tous aspersés d'eau bepiste. Pendant qu'on apportait vins et espices, coups de poing commencèrent trotter. Chiquanous en donna nombre à Oudart. Oudart, sous sort suppellis, avoit son gantelet caché ; il s'en chausse comme d’une mitaine. Et de dauber Chiquanous, et de drapper Chiquanous : et coups des jeunes ganteletz de tous coustés pleuvoir sus Chiquanous. « Des nopces, disoient « ilz, des nopces, des nopces, vous en souvienne. » Il fut si bien accoustré (|Hc le sang luy sortoit par la bouche, par le nez, par les oreilles, par les œilz. Au demeurant, courbatu, espaultré et froissé, teste, nucqne, dos, poictrine, bras, et tout. Croyez qu’en Avignon au temps du carnaval, les bacheliers onques ne jouèrent à la raphe plus mélodieusement que fust joué sus Chiquanous. En fin il tombe par terre. On lui jetta force vin sus la face, on luy attacha à la manche de son pourpoinct belle livrée 'de jaune et verd, et le mist on sus son cjieval morveux. Entrant en l’isle Bouchard ne sçay s’il fut bien pensé et traicté, tant de sa femme comme des myres du pays. Depuis n'en fut parlé.
« .Au lendemain, cas pareil advint, pour ce qu'au sac et gibbessiere du maigre Chiquanous n’avoit esté trouvé son exploict. De par le gras prieur fut nouveau Chiquanous envoyé citer le seigneur de Basché, avec deux records pour sa sccureté. Le portier, sonnant la campanelle, resjouist toute la l'timille, entendans que Chiquanous estoit là. Basché estoit à table, disnai\t avec sa femme et gentilzhommes. 11 mande quérir Chiquanous, le fit asseoir prés de soy, les records prés les damoiselles, et disnerent très bien et joyeusement. Sus le dessert, Chiquanous se leve de table, presens
PANTAGMUEL
èl oyans les records, cite Basclié : Basché gracieusement lui demande copie de sa commission. Elle estoit ja preste. Il prend acte de son exploid : à Cliiquanous et à ses records furent quatre escuz soleil donnés ; chascuu s'estoit retiré pour la farce. Trudon commence sonner du tabourin. Basché prie Chiquanous assister aux fiansailles d’un sien officier, et en recevoir le contract, bien le payant et contentant. Chiquanous fut courtois. Desgaina son escriptoire, eut papier promptement, ses records prés de luy. Loyrc entre en salle par une porte, sa femme avec les damoiselles par aultre, en accoustremens nuptiaux. Oudart, revestu sacerdotalement, les prend par les mains, les interroge de leurs vouloirs, leur donne sa bénédiction, sans espargne d’eau bcnistc. Le contrat est passé et minuté. D’un cousté sont apportés vins et espices ; de l’aultre, livrée à tas, blanc et tanné ; de l’aultre sont produitz ganteletz secrètement. »
