LIVRE IV, CHAPITRE XVH
mort de Lschylus. Lequel, comme luy eust fatalement esté par les vatlcinateurs predict qu’en certain jour il mourroit par ruine de quelque chose qui tomberoit sus luy, ioeluyjour destiné, s’estoit de la ville, de toutes maisons, arbres, rochiers et aultres choses esloigné, qui tomber peuvent, et nuire par leur ruine. Et demeura on milieu d’uiie grande praerie, soy commettant en la foy du ciel libre et patent, en sceureté bien asceurée, comme luy sembloit, si non vrayement que le ciel tombast : ce que croyoit estre impossible. Toutesfois on dit que les alouettes grandement redoublent la ruine des cieulx tombans, car les deux tombans, toutes seroient prinses.
Aussi la redoubtoient jadis les Celles voisins du Rhin : ce sont les nobles, vaillans, chevaleureux, belliqueux et triumphans François : lesquclz, interrogés par Alexandre le Grand quelle chose plus en ce monde craignoient, espérant bien que de luy seul feraient exception, en contem- * plalion de ses grandes prouesses, victoires, coaquestes et triomphes, respondirent rien ne craindre, sinon que le del tombast. Non toutesfois foire refus d’entrer en ligue, confédération et amitié avec un si preux et magnanime roy.
Si vous croyez Strabo, Uv, \II, et Arnan, liv. I, Plutarche aussi, on livre qu’il a faict de la face qui apparoist on corps de la lune, allégué un nommé Phenace, lequel grandement craignoit que la lune tombast en terre : et avoit commisération et pitié do ceux qui habitent sous icelle,
, tomme sont les Ethiopiens et Taprobaniens, si une tant grande masse tomboit sus eux. Du ciel et de la terre avoit peur semblable, s’ilz n’estoienl deuement fulciz et appuyés sus les cofomnes de Atlas, comme estoit l’opinion des anciens, selon le tesmoignage de Aristoteles, liv. V,
Metafhys.
Eschylus, ce non obstant, par ruine fut tué et cheute d une caquerolle de tortue, laquelle, d’entre les grypbes d’une aigle hauUc en l’air tombant sus sa teste, luy fendit la cervelle.
Plus de Anacréon poëte, lequel mourut estranglé d’un pépin de raisin. Plus de Fabius prêteur romain, lequel mourut suffoqué d’un poil de clievre, mangeant une esculée de laict. Plus de celuy honteux lequel, par retenir son vent, et default de peter un meschant coup, subitement mourut en la présence de Claudius, empereur romain. Plus dé celuy qui, à Rome, est en la voye Flaminie enterré, lequel en son epitaphe se complainct estre mort par estre mords d’une chatte au petit doigt. Plus de Q. Lecanius Bassus, qui subitement mourut d’une tant petite polncture d aiguille au poulce de la main gauche qu’à peine la pouvoit on voir. Plus de Quenelaul. médecin normand, lequel subitement à Monspellier trépassa, par de biays s’estre avec un trancheplume tiré un citon de la main.
Plus de Philomenes, auquel son varlet, pour l’entrée de disner, ayant appresté des figues nouvelles, pendant le temps qu’il alla au vin, un asne couillart esguaré estoit entré au logis, et les figues apposées mangeoit religieusement. Philomenes survenant, et curieusement contemplant la grâce de l’asne sycophage, dist au varlet qui estoit de retour : t Raison veult, puis qu’à ce dévot asne as tes figues abandonné, que pour boire tu luy produises de ce bon vin qu’as apporté. » Ces paroles dictes, entra en si excessive gayeté d’esprit, et s’esclata de rire tant énormément, continuement, que l’exercice de la râtelle luy toUut toute respiration, et subitement mourut.
Plus de Spurius Saufeius, lequel mourut humant un œuf mollet à l’issue du baiog. Plus de celuy lequel dist Boccace estre soudainement mort par s'esever les dents d’un brin de sauge.
Plus de Philippot Placut,
Lequel, estant sain et dru,
Suhitement mourut,
en payant une vieille debte, sans aultre precedente maladie. Plus de Zeuzis le peinctre, lequel subitement mourut à force de rire, considérant le minoys et portraict d’une vieille par luy représentée en peincture. Plus de mille aultres qu’on vous die, fust Verrius, fust Pline, fust Valere, fust Baptiste Fulgose, fust Bacabery l’aisné.
Le bon Bringucuarilles ( helas ! ) mourut estranglé, mangeant un coing de beurre frais à la gueule d’un four chaud, par l’ordonnance des médecins.
Là, d’abondant, nous fut dict que le roy de Cullan en Bohu avoit defaict les satrapes du roy Mechloth, et mis à sac les forteresses de Belima. Depuis, passâmes les isles de Nargues et Zargues. Aussi les isles de Teneliabin et Geleniabin, bien belles et fructueuses en naatiere de clysteres. Les isles aussi de Enig et Evig, desquelles par avant estoit advenue l’estafiUade au langrauff d’Esse.
