COHME.NT, LA TEMPESTE FINIE, PANUHGE FAIT LE DON COMPAIGNON

tt Ha, ha, s’escria Panurge, tout va bien. L’oraige est passée. Je vous prie, de grâce, que je descende le premier. Je vouldrois fort aller un peu à mes aflaires. Vous aideray je encores là? Baillez que je vrillonne ceete chorde. J'ay du couraige prou, voire. De peur bien peu. Baillez ça, mon amy. Non, non, pas maille de craincte. Vray est que ceste vague decumane, laquelle donna de prore en pouppe, m’a un peu l’artere altéré. — Voile bas! — C’est bien dict. Comment, vous ne faites rien, frere Jean? Est il bien temps de boire à ceste heure? Que sçavons nous si l’estafHer de sainct Martin nous brasse encores quelque nouvelle oraige? Vous irav je encores aider de là? Vertus guoy, je me repens bien, mais c’est à tard, que n'ay suivy la doctrine des bons philosophes, qui disent soy pourmencr prés la mer, et naviger prés la terre estre chose moult sceurc et délectable, comme aller à pied quand l’on tient son cheval par la bride. Ha, ha, lia, par Dieu, tout va bien. Vous aideray je encores là? Baillez ça, je feray bien eela, ou le diable y sera. »

Epistemon avoit une main toute au dedans escorchée et sanglante, par ivoir en violence grande retenu un des gumenes, et, entendant le discours de Pantagruel, dist : a Croyez, seigneur, que j’ay eu de peur et de frayeur non moins que Panurge. Mais quoy ? Je ne me suis espargné au secours. Je considère que si vrayement mourir est (comme est) de nécessité fatale et inévitable, en telle ou telle heura, en telle ou telle façon mourir est en lî. saincte volunlé de Dieu. Pourtant, iceluy fault incessamment implorer.

iiivocquer, prier, requérir, supplier. Mais là ne fault faire but et bounie : <le iiostrc part, convient pareillement nous evertuer, et, comme dit le sainct Knvoyé, esi'c cooperateurs avec luy. Vous sçavez que dist G. Flaminius, consul, lors que, par l'astuce de Annibal, il fut resserré prés le lac de Peruse dict Thrasymene. « Enfans, dist il à ses souldards, d’icy sortir ne vous fault esperer par veuz et imploration des dieux. Par force et vertus il nous convient evader, et à fil d’espée chemin faire par le milieu des ennemis. » Pareillement, en Salluste, l’aide (dit M. Portius Cato) des dieux n’est impetrée par veuz ocieux, par lamentations muliebres. En veillant, travaillant, soy eveftuant, toutes choses succèdent à souhait et bon port. Si, en nécessité et dangier, est l’homme négligent, eviré et paresseux, sans propos il implore les dieux. Ils sont irrités et indignés.

— Je me donne au diable, dist frere Jean (j’en suis de moitié, dist Panurçe), si le clous de Seuillé ne fust tout vendangé et destruict, si je n'eusse que chanté Contra hostium insidias (matière de bréviaire), comme faisoient les aultres diables de moines, sans secourir la vigne à coups de baston de la croix contre les pillars de Lerné.

— Vogue la gualere, dist Panurçe, tout va bien. Frere Jean ne fait rien là. Il s’appelle frere Jean faitnéant, et me regarde icy suant et travaillant pour aider à cestuy homme de bien, matelot premier de ce nom. Nostrc amé, ho. Deux motz, mais que je ne vous fasche. De quante espaisseur sont les ais de ceste nauf? — Elles sont, respondit le pilot, de deux bons doigts espaisses, n’ayez peur. — Vertus Dieu, dist Panurgc, nous sommes donc continuellement à deux doigts prés de la mort. Est-ce cy une des neuf joies de mariage? Ha, nostre amé, vous faites bieti, mesurant le péril à l’aulne. De peur, je n’en ay poinct, quant est de moy, je m’appelle Guillaume sans peur. De couraige, tant et plus. Je n’entends couraige de brebis, je dis couraige de loup, asceurance de meurtrier. Et ne crains rien que les dangiers. »