CHAPITRE XXVIII
GOMMENT PANTAGRCEL RACONTE CNE PITOYABLE HISTOIRE TOCCBANT LE TRESPAS
DES UEROES
« Epitherses, pere de Æmilian rheteur, navigant de Grèce en Italie dedans une nauf chargée de diverses marchandises et plusieurs voyagiers, sus le soir, cessant le vent auprès des isles Echinades, lesquelles sont entre la Morée et Tunis, fut leur nauf portée prés de Paxes. Estant là abourdée, aucuns des voyagiers dormans, aultres veillans, aultres beuvans, et souppans, fut de l'isle de Paxes ouie une voix de quelqu’un qui haultement iippeloit Thamoun. Auquel cry tous furent espouvantés. Cestuy Thamous estoit leur pilot natif d'Ægypte, mais non connu de nom, fors à quelques uns des voyagiers. Fut secondement ouie ceste voix : laquelle appelloil Thamoun en cris horrifiques. Personne ne respondant, mais tous restons en silence et trépidation, en tierce fois ceste voix fut ouie plus terrible que devant. Dont advint que Thamous respondit : « Je suis icy, que me demandes tu? que veulx tu que je face? » Lors fut icelle voix plus haultement ouie, luy disant et commandant, quand il scroit en Palodes, publier 1 1 dire que Pan le grand dieu estoit mort. Ceste parole entendue, disoit Epitherses tous les nauchiers et voyagiers s’estre esbahis et grandement efirayés : et entre eux deliberans quel seroit meilleur ou taire ou publier
PANTAGnUEL
ce que avoit esté commandé, dist Thamous son advis eslre, advenant que lors ilz eussent vent en pouppe, passer oultre sans mot dire ; advenant qu’il fust calme en mer, signifier ce qu’il avoit ouy. Quand donc furent prés Palodes advint qu’ilz n’eurent ne vent ne courant. Adonc Thamous montant en propre, et en terre projectant sa veue, dist, ainsi que luy estoit commandé, que Pan le grand estoit mort. Il n’avoit encores achevé le dernier mot quand furent entenduz grands souspirs, grandes lamentations et effroiz en terre, non d’une personne seule, mais de plusieurs ensemble. Geste nouvelle ( parce que plusieurs avoient esté presens) fut bien tost divulguée en Rome. Et envoya Tibère Cæsar, lors empereur en Rome, quérir cestuy Thamous. Et, l’avoir entendu parler, adjousta foy à ses paroles. Et se guementant es gens doctes qui pour lors estaient en sa court et en Rome en bon nombre, qui estoit cestuy Pan, trouva par leur rapport qu’il avoit esté filz de Mercure et de Penelope. Ainsi au paravant l’avoient cscrit Hérodote, et Cicéron on tiers livre De la Nature des dieux. Toulesfois je le interpreterois de celuy grand Servateur des fideles, qui fut en Judée ignominieusement occis par l’envie et iniquité des pontifes, docteurs, prebstres et moynes de la loy Mosaïcque. Et ne me semble l’interpretation abhorrente : car à bon droit peut il estre en langage grégeois dict Pan, veu qu’il est le nostre Tout, tout ce que vivons, tout ce que avons, tout ce que espérons est luy, en luy, de luy, par luy. C’est le bon Pan, le grand pasteur, qui, comme atteste le bei^ier passionné Corydon, non seulement a en amour et affection ses brebis, mais aussi ses bergiers. A la mort duquel furent plaincts, souspirs, effroiz et lamentations en toute la machine de l’univers cieulx, terre, mer, enfers. A ceste mienne interprétation compete le temps, car cestuy très bon, très grand Pan, nostre unique Servateur, mourut lez Hierusalcm, régnant en Rome Tibere Cæsar. » Pantagruel, ce propos finy, resta en silence et profonde contemplation. Peu de temps après, nous vismes les larmes découler de ses œilz grosses comme œufz d’austruche. Je me donne à Dieu si j’en mens d’un seul mot.
