ARCHIDUC DES CHATS FOURRÉS

Quelques jours après, ayant failli plusieurs fois à faire naufrage, passasmes Condenmation, qui est une aultre isie toute deserte; passasmes aussi le Guichet, auquel lieu Pantagruel ne voulut descendre, et fit très bien, car nous y fusmes faits prisonniers, et arrestés de faict par le commandement de Grippeminaud, archiduc des Chats fourrés, parce que quelqu’un de nostre bande voulut vendre à un serrargent des chapeaux de Cassade. Les Chats fourrés sont bestes moult horribles et espouvantables : ils mangent les petits enfans et paissent sus des pierres de marbre. Advi- .sez, beuveurs, s’ils ne devraient bien estre camus. Ils ont le poil de la peau non hors sortant, mais au dedans caché, et portent pour leur symbole et devise tous et chascun d’eux une gibbeciere ouverte, mais non tous en une maniéré : car aucuns la portent attachée au col en escharpe, aultres sus le cul, aultios sus la. bedaine, aultres sus le costé, et le tout par raison