LIVRE V, CHAPITRE XXIV

à carreaux, moitié blanc, moitié jaune, chascun large de trois palmes, et carré de tous costés. Quand en la salle entreront trente deux jeunes personnages, desquels seize estoient vestus de drap d’or, sçavoir est, huit jeunes nymphes, ainsi que les peignoient les anciens en la compagnie de Diane, un roy, une royne, deux custodes de la Rocque, deux chevaliers, et deux archieré. En semblable ordre estoient seize autres vestus de drap d’argent. Leur assiette sus la tapisserie fut telle. Les roys se tindreiit en la derniere ligne, sus le quatrième carreau, de sorte que le roy auré estoit sus le carreau blanc, le roy argenté sus le carreau jaune, les roynes à costé de leurs roys : la dorée sus le carreau jaune, l’argentée sus le carreau blanc ; deux archiers auprès de chascun costé, comme gardes de leurs roys et roynes. Auprès des archiers deux chevaliers, auprès des chevaliers deux custodes. Au rang prochain devant eux estoient les huit nymphes. Entre les deux bandes des nymphes restoient vuides quatre rangs de carreaux.

Chascune bande avoit de sa part ses musiciens vestus de pareille livrée, uns de damas orengè, autres de damas blanc, et estoient huit de chascun costé avec iiistrumens tous divers, de joyeuse invention, ensemble concordans, et mélodieux à merveille, varians eu tons, en temps et mesure, comme requeroit le progrez du bal : ce que je trouvais admirable, attendu la numereuse diversité de pas, de desmarches, de sauts, sursauts, retours, fuites, embuscades, retraictes et surprinses. Encores plus transcendoit opinion humaine, ce me sembloit que les personnages du bal tant soudain entendoient le son qui competoit à leurs desmarchc ou retraicte, que plustost n’avoit signifié le ton de la musique, qu’ils se posoient en place désignée, nonobstant que leur procedure fust toute diverse. Car les nymphes qui sont en première fillierc, comme prestes d’exciter le combat, marchent contre leurs ennemis droit en avant, d’un carreau en autre : excepté la première desmarche, en laquelle leur est libre passer deux car reaux ; elles seules jamais ne reculent. S’il advient qu’une d’entr’elles passe jusques à la filliere du roy ennemy, elle est couronnée royne de son roy, et prend et desmarche dorénavant en mesme privilège que la royne ; autrement jamais ne ferissent les ennemis qu’en ligne diagonale obliquement, et devant seulement. Ne leur est toutefois n’a autres loisible prendre aucuns de leurs ennemis, si, le prenant, elles laissoient leur royne à descouvert et en priiise. Les roys marchent et prennent leurs ennemis de toutes façons en carré, et ne passent que de carreau bla’'c et prochain au jaune, et au contraire : exceptez qu’à la première desmarche, si leur filliere estoit trouvée vuide d’autres officiers, fors les custodes, ils le peuvent mettre en leur siégé, et a costé de luy se retirer. Les roynes desmar-

client et prennent en plus grande liberté (juc tous autres : sçavoir est en tous endroits et en toutes maniérés, en toutes sortes, en ligne directe, tant loing que leiir plaist, pourveu que ne soit des siens occupé ; et diagonale aussi, pourveu que soit en couleur de son assiette. Les arcliiers nutrclient tant en avant comme en arrière, tant loing que prés. Mesmeinent aussi jamais ne varient la couleur de leur première assiette. Les chevaliers marchent et prennent en forme ligneare, passans un siégé franc, encorcs qu’il fust occupé, ou des siens, ou des ennemis : et au second soy Itosans à dextre ou à senestre, en variation de couleur, qui est sault grandement dommageable à partie adverse, et de grande observation ; car ils ne prennent jamais à face ouverte. Les custodes marchent et prennent à face, tant à dextre qu’à senestre, tant arriéré que devant comme les roys, et peuvent tant loing marcher qu’ils voudront en siégé vuide : ce que ne font les roys.

. La loy commune es deux parties estoit en fin derniere du combat assiéger et clorre le roy de part adverse, en maniéré qu’evader ne peust de costé quelconque. Iceluy ainsi clos, fuir ne pouvant, ni des siens estre secouru, CÆSsoit le combat et perdoit le roy assiégé. Pour donc de cestuy inconvénient le guarentir, il n’est celuy ne celle de sa bande qui n’y offre sa vie propre, et se prennent les uns les autres de tous endroits, advenant le son de la musique. Quand aucun prenoit un prisonnier de part contraire, luy faisant la reverence, luy frappoit doucement en main dextre, le mettoit hors le parquet et succedoit en sa place. S’iladvenoit qu’un des roys fust en prise, n’estoit licite à partie adverse le prendre : ains estoit faict rigoureux commandement à celuy qui l’avoit descouvert, ou le tenoit en prise, luy faire profonde reverence, et l’advertir, disant : « Dieu vous gard ! » afin que de ses officiers fust secouru et couvert, ou bien qu’il changeast de place, si par malheur ne pouvoit estre secouru. N’estoit toutesfois prins de partie adverse, mais salué le genouil gauche en terre lui (lisant : Bon jour. Là estoit fin du tournoy.