COSHENT LE PAVÉ DU TEMPLE ESTOIT FAICT PAH EUBLEHATUHE ADMIRABLE

Leues ces inscriptions, jettay mes yeux à la contemplation du magnifique temple, et considerois l’incredible compacture du pavé, auquel, par raison, ne peut estre ouvrage comparé quiconque, soit ou ait esté dessous le firmament, fust ce celuy du temple de Fortune en Preneste, au tems de Sylla; ou le pavé des Grecs, appelé Asarotum, lequel fit Sosistratus en Pergame. Car il estoit ouvrage tesseré, en forme de petits carreaux, tous de pierres fines et polies, cliascune en sa couleur naturelle : l’une de jaspe rouge, teinct plaisamment de diverses macules ; l’autre, d’ophite ; l’autre, de porphyre; l’autre, de licophthalme, semé de scintilles d’or, menues comme atomes ; l’autre, d’agathe, à ondes de petits llammeaux confus et sans ordre, de couleur laictée; l’autre, de calcédoine très cher; l’autre, de jaspe verd, avec certaines veines muges et jaunes, et estoient en leur assiette desparties par ligne diagonale.

Dessus le portique, la structure du pavé estoit une emblemature à petites pierres rapportées, chascune en sa naïfve couleur, servons au dessein des figures, et estoit comme si par dessus le pavé susdit on eust semé une jonchée de pampre, sans trop curieux agencement. Car, en un lieu, semhloit estre espandu largement; en l’autre, moins : et estoit ceste iiifoliaturc insigne en tous endroits, mais singulièrement y apparoissoient, au demy jour, aucuns limaçons, en un lieu, rampans sus les raisins; en antre, petits lisars courans à travers le pampre ; en autre, apparoissoient