CHAPITRE XV

COUMENT GARGANTUA FUT 1U3 SOUS AULTRES PEDAGOGUES

A tant son pere apperceut que vrayement il estudioit très bien, et y mettoit (eut son temps ; toutesfdis qu'en rien ne prouffitoit, et, qui pis est, en devenoit fou, niays, tout resveux et rassoté.

De quoy se complaignant à don Philippe, des Marays, viceroy de Papeligosse, entendit que mieulx luy vaudroit rien n'apprendre que tels livres sous telz précepteurs, apprendre. Car leur savoir n'estoit que besterie ; et leur sapience n’estoit que moufles, abastardissant les bons et nobles cs^. prits et corrompant toute fleur de jeunesse. « Et qu'ainsi soit, preuez, dist il, quelqu’un de ces jeunes gens du temps présent, qui ait seulement estudié deux ans : en cas qu’il n'ait meilleur jugement, meilleures paroles, meilleur propos que vostre filz, et meilleur entretien et honnesteté entre le monde, reputezmoy à jamais un taillebacon de la Brene. s Ce que à Grandgousier pleut très bien, et commanda qu’ainsi fust faict.

Au soir, en soupant, ledict des Marays introduict un sien jeune paige de Villegongis, nommé Eudemon, tant bien testonné, tant bien tiré, tant bien espousseté, tant honneste en son maintien que trop mieulx ressembfoit quelque petit angelot qu’un homme. Puis dist à Grandgousier :

« « Voyez vous ce jeune enfant? il n’a encores seize ans : voyons, si bon vous semble, quelle différence y a entre le sçavoir de vos resveurs matéologiens du temps jadis et les jeunes gens de maintenant. » L’essay pleut à Grandgousier, et conunanda que le paige proposas!. Alors Eudemon, demandant congé de ce faire audit viceroy son maistre, le bonnet, au poing, la face ouverte, la bouche vermeille, les yeulx asseurés, et le regard assis sur Gargantua, avec modestie juvénile, se tint sus ses pieds, et commença le louer et magnifier, premièrement de sa vertu et bonnes mœurs, secondement de son sçavoir, tiercement de sa noblesse, quartement de sa beauté corporelle. Et, pour le quint, doulcement l’exhortoit à reverer son pere en toute observance, lequel tant s’estudioit à bien le faire instruire ; euHn le

GARGANTUA

prioit qu’il le voulsist retenir pour le moindre de ses serviteurs. Car aultre don pour le présent ne requeroit des cieulx, sinon qu’il luy fust (ait grâce de lui complaire en quelque service agréable.

Le tout fut par iceluy proféré avec gestes tant propres, prononciation tant di.stincle,* voix tant éloquente, et langaige tant orné et bien latin, que mieulx ressemblait un Gracchus, un Cicéron ou un Emilius du temps passé qu’un jouvenceau de ce sicde. Mais toute la contenance de Gargantua fut t|u’il se print à pleurer comme une vache, et se cachoit'le visaige de son bonnet, et ne fut possible de tirer de luy une parole, non plus qu’un pet d’un asne mort.

Dont son pere fut tant courroocé qu’il voulut occire maistre Jobelin. )lais ledict des Marays l’engarda par belle remonstrance qu’il luy fit, en maniéré que fut son ire modérée. Puis commanda qu’il fust payé de ses gaiges, et qu’on le fist bien chopiner théologalement ; ce faict, qu’il allast à tous les diables. « Au moins, disoit il, pour le jourd’huy ne coustera il gueres à son boste, si d’adventure il mouroit ainsi son comme un Anglois.»

Maistre Jobelin party de la maison, consulta Grandgousier avec le viceroy quel précepteur l’on lui pourroit bailler, et fut advisé entre eux qu’à cest office seroit mis Ponocrates, pédagogue de Eudemon ; et que tous ensemble iraient à Paris pour’ cognoistre quel'estoit l’estude des jouvenceaux de France pour iceluy temps.