CHAPITRE Vin

DE l’esté

En Esté je ne sçay quel temps ni quel vent courra ; mais je sçay bien qn’il doibt fayre chault et régner vent marin. Toutes foys, si aultrement arrive, pour tant ne fauldra regnier Dieu. Car il est plus saige que nous, et sçayt trop mieulx ce que nous est necessaire que nous mesmes, je vous en asseure sus mon honneur, quoy qu’en ayt dict Haly et ses suppostz. Beau fera se tenir joyeulx et boire frays, combien qu’aulcuns ayent dict qu’il n’est chose plus contraire à la soif. Je le croy. Aussi, contraria contrariis curantur.