LIVRE I, CHAPITRE XXXIX

icy, que je gargarise. — Deposita cappa, dist Gymnaste, osions ce froc,

— Ho, par Dieu, dist le moine, mon gentilhomme, il y a un chapitre in statutis ordinis, auquel ne plairoit le cas. — Breu, dist Gymnaste, breu pour vostre chapitre. Ce froc vous rompt les deux espaules, mettez bas,

— Mon amy, dist le moine, laisse le moy, car par Dieu je n’en boy que mieulx. Il méfait le corps tout joyeux. Si je de laisse, messieurs les pages en feront d^s jarretières, comme il me fut faict une fois à Coulaines. Davantaige, je n'auray nul appétit. Mais si en cest habit je m’assis à table, je boiray par Dieu ! et à toy, et à ton cheval, et de hait. Dieu gard de mal la compaignic. J’avois souppé, mais pour ce ne mangeray je poinct moins : car j’ay un estomac pavé, creux comme la botte Sainct Benoist, tousjours ouvert comme la gibbessiere d’un advocat. De tous poissons, fors que la tanche, prenez l’aisle de la perdrix, ou la cuisse d’une nonnain. K’est ce falotement mourir, quand on meurt le caicbe roide ? Nostre prieur aime fort le blanc de chappon. — En cela, dist Gymnaste, il ne semble point aux renards ; car, des chappons, poulies, poulletz qu’ilz prennent, jamais ne mangent le. blanc. — Pourquoy? dist le moine. — Parce, respondit Gymnaste, qu’ilz n’ont point de cuisiniers à les cuire. Et, s’ilz ne sont competentement cuits, ilz demeurent rouges et non blancs. La rougeur des viandes est indice qu’elles ne sont assez cuites. Exceptez les gamlnares et escrevices, que l’on cardinalise à la cuite. — Feste Dieu Bayard! dist le moine, l’enfermier de nostre abbaye n’a donc la teste bien cuite, car il a les yeulx rouges comme un jadeau de verçne. Geste cuisse de levraut est bonne pour les goutteux.

« A propos truelle, pourquoy est ce que les cuisses d’une demoiselle sont tousjours fraisches? — Ce problesme, dist Gargantua, n’est ny eu Aristoteles, ny en Alexandre Aphrodisé, ny en Plutarque. — C’est, dist le moine, pour trois causes, par lesquelles un lieu est naturellement refraischy. Primo, pource que l’eau decourf tout du long. Secundo, pource que c’est un lieu umbrageux, obscur et tenebreux, auquel jamais le soleil ne luict. Et, tiercement, pource qu’il est continuellement esventé des vents du trou de bize, de chemise, et d’abondant de la braguette. Et de hait !

« Page à lu hmnerie ! Crac, crac, crac ! <jue Dieu est bon qui nous donne ce bon piot! J’advoue Dieu, si j’eusse esté au temps de Jesuchrisl, j’eusse bien engardé que les Juifz ne l’eussent prins au jardin d’Olivet. Ensemble, le diable me faille si j’eusse failly de coupper les jarrets à messieurs les apostres, qui fuirent tant laschement après qu’ilz eurent bien souppé, et laissèrent leur bon maistre au besoing. Je hays plus que poison un homme qui fuit quand il faut jouer des cousteaux. lion, que je ne suis roy de France pour quatrevingts ou cent ans! Par Dieu ! je vous mettrois en chien courtaut les fuyars de Pavie. Leur fiebvre quartainel

GARGANTUA

Pourquoy ne mouroient ilz là plus tost que laisser leur bon prince en ceste nécessité? N’est il pas meilleur et plus honorable mourir vertueusement bataillant que vivre fuyant villainement? Nous ne mangerons gueres d’oisons cesle année. Ha, mon amy, baille de ce cochon. -ûiavol ! il n’y a plus de monst. Germinavit radix Jesse. Je renie ma vie, je meurs de soif. Ce vin n’est des pires. Quel vin beuviez vous à Paris? Je mt donne au diable si je n'y tins plus de six mois pour un temps maison ouverte à tous venans. Cognoissez vous frere Claude de Sainct Denys? O le bon compaignon que c’est! Mais quelle mouschel’a picqué? Il ne fait rien qu’estudier depuis je ne sçais quand. .Te n'estudie poinctde ma part. En nostre abbaye nous n’esludions jamais, de peur des oripeaux ? Nostre feu abbé disoif que c^est chose monstrueuse voir un moine sçavanÇ par Dieu ! monsieur m'en “amy, magis magnos clericos non sunt magis magnos sapientes.

« Vous ne vistes oncques tant de lievres commfe il y en a ceste aimée. Je n’ay peu recouvrir ny autour ny tiercelet, de lieu du monde. Monsieur de La Bellonniere m’avoit promis un lasnier, mais il m’escrivit nagueres qu’il estoit devenu pantois. Les perdrix nouj mangeront les oreilles mesouan. Je ne prends poinct de plaisir à la tonnelle, car je y morfonds. Si Je lie cours, si je ne tracasse, je ne suis poinct à mon aise. Vray est que, saultant les bayes et buissons, mon froc y laisse du poil. J’ay recouvert un gentil levrier. Je donne au diable si luy éschappe lievre. Un laquais le menoit à M. de Maulevrier, je le destroussay : fis je mal? — Nenny, frere Jean, dist Gymnaste, nenny, de par tous les diables, nenny. — Ainsi, dist le moine, à ces diables, ce pendant qu’ilz durent. Vertus de Dieu! qu’en eust faict ce boiteùx ? Le cor Dieu ! il prend plus de plaisir quand on luy fait présent d’un bon couble de bœufz. — Comment, dist Ponocrates, vous jurez, frere Jean? — Ce n’est, dist le moine, que pour orner mon langaige. Ce sont couleurs de rhetoricque ciceroniane. »