PUIS FUT PRISONNIER ENTRE LES ENNEMIS

Picrochole, à la relation de ceux qui avoient évadé à la roupie, lors que Tripet fut estripé, fut esprins de grand courroux, ouyant que les diables avoient couru sus ses gens ; et tint son conseil toute la nuyt ; auquel llastivcau et Touquedillon conclurent que sa puissance estoit telle (|u’il pourroit défaire tous les diables d’enfer s’ilz y venoient. Ce que Picrochole ne croyoit pas du tout, aussi ne s’ en defioit il.

Pourtant envoya, sous la conduite du comte de Tiravant, pour descouvrir le pays, seize cens chevabers, tous montés sus chevaux legiers en escarmouche, tous bien aspergés d’eau beniste, et chascun ayant pour leur signe une estolle en escharpe ; à toutes adventures, s’ilz rencontroient les diables, que, par vertu tant de ceste eau Gringorienne que des estolles, les fissent disparoir et esvanouir. Iceux coururent jusques prés la Vauguion et la Maladerye, mais onques ne trouvèrent personne à qui parler ; dont repasseront par le dessus, et, en la loge et tugiire pastoral, prés le Couldray, trouvèrent les cinq pèlerins. Lesquelz liés et baffoués emmenèrent, comme s’ilz fussent espies, non obstant les exclamations, adjura, lions et reqnestes qu’ilz fissent. Descenduz de là vers Souillé, furent entendnz par Gaiganlua, lequel dist à scs gens : « Compaignons, il y a icy rencontre, et sont en nombre trop plus dix fois que nous : chocquerons nous sus eux? — Que diable, dist le moine, ferons nous donc? Estimez vous les hommes par nombre, et non par vertu et hardiesse? » Puis

GARGANTUA

s’escria ; « Chocquons, diables, chocquons. » Ce que entendans les ennemis, pensoienl certainement que fussent vrais diables : dont commencèrent fuir à bride avallée, excepté Tiravant, lequel coucha sa lance en l'arrest, et en ferut à toute oultrance le moine au milieu de la poictrine ; mais, rencontrant le froc horrifique, rebouscha par le fer, comme si vous frappiez d’une petite bougie contre une enclume. Adonc le moine, avec son baston de croix, luy donna entre col et collet sus l’os acromion, si rudement qu’il festonna, et fit perdre tout sens et mouvement; et tomba es pieds du cbeval.

Et, voyant l’estolle qu’il portoif en escharpe, dist à Gargantua : « Ceux cy ne sont que prestres, ce n’est qu’un commencement de moine : par sainct Jean ! je suis moine parfaict, je vous en tueray comme de mouches. » Puis le grand galot courut après, tant qu’il attrapa les derniers, et les abatoit comme seille, frappant à jtors et à travers. Gymnaste interrogea sus l’beure Gargantua s’ilz les dévoient poursuivre. A quoy dist Gargantua : « Nullement. Car, selon vTaye discipline militaire, jamais ne fault mettre son ennemy en lieu de desespoir ; parce que telle nécessité luy multiplie la force, et accroist le couraige, qui ja estait deject et failly. Et n’y a meilleur remede de salut à gens estommis et recreus que de n’esperer salut aucun. Quantes victoires ont esté tollues des mains des vainqueurs par les vaincus, quand ilz ne se sont contentés de raison ; mais ont attempté du tout mettre à internition et destruire totallement leurs ennemis, sans en vouloir laisser un seul pour en porter les nouvelles ? OuvTez tousjours à vos ennemis toutes les portes et chemins, et plus tost leur faites un pont d’argent afin de les renvoyer.

— Voire, mais, dist Gyunnaste, ilz ont le moine*. — Ont ilz, dist Gargantua, le moine ? Sus mon honneur, ^e ce sera à leur dommaige. Mais, afin de survenir à tous hazars, ne nous retirons pas encores, attendons icy en silence. Car je pense ja assez cognoistre l’engin de nos ennemis : ilz se guident par sort, non par conseil. » Iceux ainsi attendans sous les noyers, ce pendant le moine poursuivoit, chocquant tous ceux qu’il rencontroit, sans de nully avoir mercy, jusques à ce qu’il rencontra un chevalier qui portoit en croupe un des pauvres pèlerins. Et là, le voulant mettre à sac, ^s’escria le pèlerin : « Ha, monsieur le priour uon amy, monsieur le priour, sauvez moy, je vous en prie. » Laquelle parole entendue, SC retournèrent arriéré les ennemis, et, voyans que là n’estoit que le moine qui faisoit cest esclandre, le chargèrent de coups, comme on fait un asne de bois ; mais de tout rien ne sentoit, mesmement quand ilz frappoient sus son froc, tant il avoit la peau dure. Puis le baillèrent à garder à deux archiers, et, tournans bride, ne virent personne contre eux ;