LE TEMPS DE SA JEUNESSE
Advis m'est que j'oy regreter La belle qui fut hëaulmiere, Soy jeune fille soushaitter Et parler en telle manière :
« Ha ! viellesse félonne et fiere, Pourquoy m'as si tost abatue ?
Qui me tient, qui, que ne me fiere, 460 Et qu'a ce coup je ne me tue ?
« Tollu m'as la haulte franchise Que beaulté m'avoit ordonné
[Les regrets
de la belle
Hëaulmiere.]
mmmm,
xliv, 434 — 494 27
Sur clers, marchans et gens d'Eglise :
464 Car lors il n'estoit homme né
Qui tout le sien ne m'eust donné,
Quoy qu'il en fust des repentailles,
Mais que luy eusse habandonné 468 Ce que reffusent truandailles.
« A maint homme l'ay reffusé, Qui n'estoit a moy grant sagesse, Pour l'amour d'ung garson rusé,
472 Auquel j'en feiz grande largesse.
A qui que je feisse finesse, Par m'ame, je l'amoye bien !
Or ne me faisoit que rudesse,
476 Et ne m'amoit que pour le mien.
« Si ne me sceut tant detrayner, Fouler aux piez, que ne l'amasse, Et m'eust il fait les rains trayner,
480 S'il m'eust dit que je le baisasse,
Que tous mes maulx je n'oubliasse.
Le glouton, de mal entechié, M'embrassoit . . . J'en suis bien plus grasse !
484 Que m'en reste il ? Honte et pechié.
« Or est'il mort, passé trente ans,
Et je remains vielle, chenue.
Quant je pense, lasse ! au bon temps, 488 Quelle fus, quelle devenue ;
Quant me regarde toute nue,
Et je me voy si très changiée,
Povre, seiche, megre, menue, 492 Je suis presque toute enragiée.
« Qu'est devenu ce front poly,
Ces cheveulx blons, sourcils voultiz,
Grant entroeil, le regart joly, 49 e Dont prenoie les plus soubtilz ;
Ce beau nez droit grant ne petiz, Ces petites joinctes oreilles, Menton fourchu, cler vis traictiz, 500 Et ces belles lèvres vermeilles ?
« Ces gentes espaulles menues,
Ces bras longs et ces mains traictisses,
Petiz tetins, hanches charnues,
504 Eslevees, propres, faictisses
A tenir amoureuses lisses ; Ces larges rains, ce sadinet, Assis sur grosses fermes cuisses,
508 Dedens son petit jardinet ?
« Le front ridé, les cheveux gris, Les sourcilz cheus, les yeuls estains, Qui faisoient regars et ris
512 Dont mains marchans furent attains ;
Nez courbes de beaulté loingtains, Oreilles pendans et moussues, Le* vis pally, mort et destains,
516 Menton froncé, lèvres peaussues :
« C'est d'umaine beaulté l'issues !
Les bras cours et les mains contraites,
Les espaulles toutes bossues ;
520 Mamelles, quoy ? toutes retraites ;
Telles les hanches que les têtes ; Du sadinet, fy ! Quant des cuisses, Cuisses ne sont plus, mais cuissetes
524 __ Grivelees comme saulcisses.
« Ainsi le bon temps regretons Entre nous, povres vielles sotes,
Assises bas, a crouppetons, 528 Tout en ung tas comme pelotes,
A petit feu de chenevotes
Tost allumées, lost estaintes ;
Et jadis fusmes si mignotes! . . .
532 Ainsi en prent a mains et maintes. »
[La belle BALLADE
Heaulmiere
aux filles « Or y pensez, belle Gantière
Qui m'escoliere soûliez estre, . Et vous, Blanche la Savetiere, 536 Or est il temps de vous congnoistre.
Prenez a destre et a senestre ;
N'espargnez homme, je vous prie :
Car vielles n'ont ne cours ne estre, 540 Ne que monnoye qu'on descrie.
« Et vous, la gente Saulciciere
Qui de dancer estes adestre,
Guillemete la Tappiciere, 544 Ne mesprenez vers vostre maistre ;
Tost vous fauldra clorre fenestre,
Quant deviendrez vielle, flestrie ;
Plus ne servirez qu'ung viel prestre, 548 Ne que monnoye qu'on descrie.
« Jehanneton la Chapperonniere, Gardez qu'amy ne vous empestre ; Et Katherine la Bourciere,
552 N'envoyez plus les hommes paistre :
Car qui belle n'est, ne perpètre Leur maie grâce, mais leur rie.
Laide viellesse amour n'empestre,
556 Ne que monnoye qu'on descrie.
« Filles, vueillez vous entremettre D'escouter pourquoy pleure et crie :
Pour ce que je ne me puis mettre, 560 Ne que monnoye qu'on descrie. »
xlvii Geste leçon icy leur baille
La belle et bonne de jadis ;
Bien dit ou mal, vaille que vaille, 564 Enregistrer j'ay faict ces dis
Par mon clerc Fremin l'estourdis,
Aussi rassis que je puisse estre.
S'il me desment, je le mauldis :
$68 Selon le clerc est deu le maistre.
xlviii Si aperçoy le grant dangier
Ouquel l'homme amoureux se boute . . .
Et qui me vouldroit laidangier
572 De ce mot, en disant ; « Escoute !
Se d'amer t'estrange et reboute Le barat d'icelles nommées, Tu fais une bien folle doubte,
576 Car ce sont femmes diffamées.
xlix « S'ilz n'ayment fors que pour l'argent,
On ne les ayme que pour l'eure.
Rondement ayment toute gent, 580 Et rient lors que bource pleure,
D'icelles si n'est qui ne queure ; Mais en femmes d'onneur et nom Franc homme, se Dieu me sequeure, 584 Se doit emploier; ailleurs, non. »
l Je prens qu'aucun dye cecy,
Si ne me contente il en rien.
En effect il conclut ainsy,
