CXLVI, I720 — CLIII, I

cl Et icelles qui s'enclinoient

Unes contre autres en leurs vies, Desquelles les unes regnoient

1755 Des autres craintes et servies,

La les voy toutes assouvies, Ensemble en ung tas peslemesle.

Seigneuries leur sont ravies ;

1759 Clerc ne maistfe ne s'y appelle.

cli Or sont ilz mors, Dieu ait leurs âmes !

Quant est des corps, ilz sont pourris.

Aient esté seigneurs ou dames,

1763 Souef et tendrement nourris

De cresme, fromentee ou riz, Leurs os sont déclinez en pouldre Auxquelz ne chault d'esbatz ne ris.

1767 Plaise au doulx Jhesus les absouldre !

clii Aux trespassez je fais ce laiz,

Et icelluy je communique

A regens, cours, sièges, palaiz, 1771 Hayneurs d'avarice l'inique,

Lesquelz pour la chose publique

Se seichent les os et les corps :

De Dieu et de saint Dominique 177s Soient absols quant seront mors.

CLiii Item, riens a Jaquet Cardon,

Car je n'ay riens pour luy d'honneste, Non pas que le gette habandon,

1779 Sinon ceste bergeronnette;

S'elle eust le chant « Marionnette »,

Fait pour Marion la Peautarde,

Ou d' « Ouvrez vostre huys, Guillemette »,

1783 Elle allast bien a la moustarde :