Lettres patentes de Louis XIV confirmant
René Baudry dans le privilège qui lui a été accordé par lettres du 20 novembre 1634 *• — (( -L°uis par la grâce de
(1) Voir suprà n« 117.
GALLI.E TYPOGRAPHIC^E DOCUMENTA IOI
Dieu roy de France et de Navarre, à nos aimez et féaulx conseillers les gens tenans nostre Cour de parlement de Paris, prévost dudict lieu ou son lieutenant civil ou aultres noz juges et officiers qu'il appartiendra, salut. René Baudry, nostre imprimeur à Paris, nous a faict remonstrer que le feu Roy d'heureuse mémoire, nostre très honoré seigneur et père que Dieu absolve, auroit par son brevet du vingtiesme may XVIe vingt deux et lettres patentes expédiées en conséquence, registrées en nostre dicte Cour de parlement de Paris, accordé à Nicolas Calmont [Callemont] aussy imprimeur, de faire sa demeure ordinaire et fonctions d'imprimerie au lieu où il s'estoit abitué, et pour marque de ladicte permission donné pouvoir de mettre sur sa bouttique le tapis décoré denoz armes avec deffences à tous imprimeurs ou aultres personnes de l'y troubler ny empescher, nonobstant tous esdietz, ordonnances, règlemens et arrestz à ce contraires, de laquelle permission ledict Calmont auroit jouy paisiblement jusques à son décedz; que nostre dict defîunct père le roy Louis treiziesme pour ses dictes lettres patentes du vingtiesme octobre XVIe XXXI auroit accordé à Agnès Duiques [D'Huiques] veufve dudit Calmont la jouissance dudict privilège seullement pendant sa viduité, avec deffences ausdits imprimeurs et tous aultres de l'y troubler ny empescher. Mais ne pouvant ladicte veufve Duiques supporter seule les grandz frais qu'il convenoit faire en ladicte primerie [sic], passa démission dudict privilège audit René Baudry, à présent son mary, auquel ledict deffunct roy, agréant ladite démission, auroit par sesdites lettres patentes du vingtiesme novembre mil six cens trente quatre, registrées en nostre Cour de parlement de Paris, ordonné que ledit Bauldry exposant jouiroit dudit privilège, et ce faisant, à luy permis de demeurer et habituer en tel quartier de nostre dicte ville de Paris que bon luy sembleroit pour y faire la fonction dudict art d'imprimerie et pour marque de ladite permission mettre sur sa bouticque tel tapis décoré de noz armes, avec les deffences aux imprimeurs et touttes aultres portées audit brevet et lettres patentes, desquelles concession et permission ledict Baudry auroit plainement jouy jusquesà présent ;
GEORGES LEPREUX
qu'il crainct y pouvoir estre inquiété faulte d'avoir noz lettres de confirmation dudit privilège sur ce nécessaires, humblement requérant icelles. A ces causes, désirant gratiffier et favorablement traicter ledict Baudry, après avoir faict veoir en nostre dict Conseil, la Royne régente présente, le brevet dudict privilège et lettres patentes cydevant accordées audict feu Calmont, lettres patentes en faveur dudit Baudry cy-dessus dattées, le tout y attaché soubz nostre contrescel, Nous, de l'advis de nostre trèshonnorée dame et mère la Royne régente, avons de nostre grâce spécialle, plaine puissance et auctoritté royalle, et en confirmant les lettres patentes données en faveur dudict exposant par le feu Roy, nostre très-honnoré seigneur et père que Dieu absolve, cy-attachées soubz nostre contrescel, permis audict Bauldry par ces présentes signées de nostre main, permetons et accordons de demeurer et habituer en tel quartier de nostre dicte ville de Paris que bon luy semblera pour y faire la fonction dudit art d'imprimerie et pour marque de la dicte permission, mettre sur sa boutique le tapis décoré de noz armes, faisons deffences à touttes personnes, imprimeurs ou aultres de le troubler ny empescher en quelque sorte et manière que ce soit, à peyne d'amende et de tous despens, dommages et interestz. Sy vous mandons... Donné à Paris le vingt deuxiesme jour d'octobre, l'an de grâce mil six cens quarante trois et de nostre reigne le premier. « Enregistrées au Parlement de Paris le 13 février 1644. (A. N., XIA8655, f° 140.)
Ces lettres ont été imprimées, sans titre ni lieu
d'impression, in-f°, 3 p. ch. avec le texte de
l'arrêt d'enregistrement (B. N.,Ms. fr. 22078,
pièce 28.)
