CHAPITRE XXXIX

Vray est que, saultant les hayes et buissons, mon froc y laisse du poil. J'ay recouvert un gentil lévrier. Je donne au diable si luy eschappe lièvre. Un lacquays le menoit à Monsieur de Maulevrier; je le destroussay. Feis je mal ?

— Nenny, Frère Jean (dist Gymnaste), nenny, de par tous les diables, nenny! — Ainsi (dist le moyne), à ces diables, ce pendent qu'ilz durent! Vertus Dieu! qu'en eust faict ce boyteux ? Le cor Dieu ! il prent plus de plaisir quand on luy faict présent d'un bon couble de beufz ! — Comment (dist Ponocrates), vous jurez, Frère Jean ? — Ce n'est (dist le moyne) que pour orner mon langaige. Ce sont couleurs de rethorique Ciceroniane. »

Pourquoy les moynes sont refuyz du

monde, et pourquoy les ungz ont

le nez plus grand que les

aultres.