Chapitre XLIX

icrochole, ainsi désespéré, s'en fuyt vers l'Isle Bouchart, et au chemin de Rivière son cheval bruncha par terre, à quoy tant feut indigné que de son espée le tua en sa choie. Puis, ne trouvant personne qui le remontast, voulut prendre un asne du moulin qui là auprès estoit ; mais les meusniers le meurtrirent tout de coups et le destrousserent de ses habillemens, et luy baillèrent poursoy couvrir une meschantesequenye. Ainsi s'en alla le pauvre cholericque ; puis, passant l'eau au Port Huaux et racontant ses maies fortunes, feut advisé par une vieille lourpidon que son royaulme luy seroit rendu à la venue des cocquecigrues. Depuis ne sçait

on qu'il est devenu. Toutesfoys l'on m'a dict qu'il est de présent pauvre gaignedenier à Lyon, cholere comme davant, et tousjours se guemente à tous estrangiers de la venue des cocquecigrues, espérant certainement, scelon la prophétie de la vieille, estre à leur venue réintégré à son royaulme.

Apres leur retraicte, Gargantua premièrement recensa les gens et trouva que peu d'iceulx estoient peryz en la bataille, sçavoir est quelques gens de pied de la bande du capitaine Tolmere, et Ponocrates qui avoit un coup de harquebouze en son pourpoinct. Puis les feist refraischer, chascun par sa bande, et commanda es thesauriers que ce repas leur feust défrayé et payé et que l'on ne feist oultrage quelconques en la ville, veu qu'elle estoit sienne, et après leur repas ilz comparussent en la place davant le chasteau, et là seroient payez pour six moys; ce que feut faict. Puis feist convenir davant soy en ladicte place tous ceulx qui là restoiént de la part de Picrochole, esquelz, presens tous ses princes et capitaines, parla comme s'ensuyt :

La contion que feist Gargantua es

vaincus.