CHAPITRE L

ainsi désolé seroit facilement ruiné, si on ne refrenoit la convoytise et avarice des administrateurs dHicelluy, je ordonne et veux que Ponocrates soit sus tous ses gouverneurs entendant avecques auctorité à ce requise, et assidu avecques T enfant jusques à ce quil le congnoistra idoine de povoir par soy régir et régner.

Je considère que facilité trop énervée et dissolue de pardonner es malfaisans leur est occasion de plus legierement derechief mal faire par ceste pernicieuse confiance de grâce.

Je considère que Moyse, le plus doulx homme qui de son temps feust sur la terre, aigrement punissoit les mutins et séditieux au peuple de Israël.

Je considère que Jules César, empereur tant débonnaire que de luy dict Ciceron que sa fortune rien plus souverain navoit sinon quil pouvoit, et sa vertus meilleur navoit sinon quil vouloit tousjours sauver et pardonner à un chascun; icelluy toutesfois, ce non obstant, en certains endroict\ punit rigoureusement les aucteurs de rébellion.

A ces exemples je veulx que me livrer avant le départir : premièrement ce beau Marquet, qui a esté source et cause première de ceste guerre par sa vaine oultrecuidance ; secondement ses compaignons fouaciers, qui f eurent negligens de corriger sa teste folle sus X instant ; et finablement tous les conseillers, capitaines, ojficiers et domestiques de Picrochole, lesquels le auroient incité, loué ou conseillé de sortir ses limites pour ainsi nous inquiéter.

Comment les victeurs Gargantuistes

feurent recompensez après la

bataille.