CHAPITRE LI

panser et traicter en son grand nosocome. Apres advisa es dommaiges faictz en la ville et habitans, et les feist rembourcer de tous leurs- interestz cà leur confession et serment, et y feist bastir un fort chasteau, y commettant gens et guet pour à Fadvenir mieulx soy défendre contre les soubdaines esmeutes.

Au départir, remercia gratieusement tous les soubdars de ses légions qui avoient esté à ceste defaicte, et les renvoya hyverner en leurs stations et guarnisons, exceptez aulcuns de la légion decumane, lesqueiz il avoit veu en la journée faire quelques prouesses, et les capitaines des bandes, lesqueiz il amena avecques soy devers Grandgousier.

A la veue et venue d'iceulx, le bon homme feut tant joyeux que possible ne seroit le descripre. Adonc leurs feist un festin, le plus magnificque, le plus abundant et plus delitieux que feust veu depuis le temps du roy Assuere. A l'issue de table, il distribua à chascun d'iceulx tout le parement de son buffet, qui estoit au poys de dis huyt cent mille quatorze bezans d'or en grands vases d'antique, grands poutz, grans bassins, grands tasses, couppes, potetz, candélabres, calatbes, nacelles, violiers, drageouoirs et aultre telle vaisselle, toute d'or massif, oultre la pierrerie, esmail et ouvraige, qui, par estime de tous, excedoit en pris la ma-

tiere d'iceulx. Plus, leurs feist comter de ses

coffres à chascun douze cens mille escutz con-

tens, et d'abundant à chascun d'iceulx donna à

perpétuité (excepté s'ilz mouroient sans hoirs)

ses chasteaulx et terres voizines, selon que

plus leurs estoient commodes : à Ponocrates

donna La Roche Clermaud, à Gymnaste Le

Couldray, à Eudemon Montpensier, Le Rivau à

Tolmere, à Ithybole Montsoreau, à Aca-

mas Cande, Varenes à Chironacte,

Gravot à Sebaste, Quinquenays

à Alexandre, Ligré à So-

phrone et ainsi de ses

aultres places.

Comment Gargantua feist bastir pour le moyne l'abbaye de Theleme.