CHAPITRE XII

estables sont au plus hault du logis; ainsi, peut estre que derrière y a yssue au montouer. Mais je le demanderay plus asseurement ».

Lors demanda à Gargantua :

« Mon petit mignon, où nous menez vous?

— A restable (dist il) de mes grands chevaulx. Nous y sommes tantost, montons seulement ces eschallons ».

Puis, les passant par une aultre grande salle, les mena en sa chambre, et, retirant la porte :

« Voicy (dist il) les estables que demandez; voylà mon genêt, voilà mon guildin, mon lavedan, mon traquenard ».

Et, les chargent d'un gros livier :

« Je vous donne (dist-il) ce phryzon ; je l'ay eu de Francfort, mais il sera vostre ; il est bon petit chevallet et de grand peine. Avecques un tiercelet d'autour, demye douzaine d'hespanolz et deux lévriers, vous voylà roy des perdrys et lièvres pour tout cest hyver.

— Par sainct Jean! (dirent ilz) nous en sommes bien ! A ceste heure avons-nous le moine.

— Je le vous nye (dist il). Il ne fut, troys jours a, céans ».

Devinez icy duquel des deux ilz avoyent plus matière, ou de soy cacher pour leur honte, ou de ryre pour le passetemps.

Eulx en ce pas descendens tous confus, il demanda:

« Voulez vous une aubeliere ?

— Qu'est ce ? disent ilz.

— Ce sont (respondit il) cinq estroncz pour vous faire une muselière.

— Pour ce jourd'huy (dist le maistre d'hostel), si nous sommes roustiz, jàaufeu ne bruslerons, car nous sommes lardez à poinct, en mon advis. O petit mignon, tu nous as baillé foin en corne; je te voirray quelque jour pape.

— Je l'entendz (dist il) ainsi; mais lors vous serez papillon, et ce gentil papeguay sera un papelard tout faict.

— Voyre, voyre, dist le fourrier.

— Mais (dist Gargantua) divinez combien y a de poinctsd'agueilleen la chemise de ma mère.

— Seize, dist le fourrier.

— Vous (dist Gargantua) ne dictes l'Evangile: car il y en a sens davant et sens derrière, et les comptastes trop mal.

— Quand? (dist le fourrier).

— Alors (dist Gargantua) qu'on feist de vostre nez une dille pour tirer un muy de merde, et de vostre gorge un entonnoir pour la mettre en aultre vaisseau, car les fondz estoient éventez.

— Cordieu ! (dist le maistre d'hostel) nous avons trouvé un causeur. Monsieur le jaseur, Dieu vous guard de mal, tant vous avez la bouche fraische ! »

Ainsi descendens à grand haste, soubz l'ar-