CHAPITRE XIII
torcher le cul, le plus seigneurial, le plus excellent, le plus expédient que jamais feut veu.
— Quel ? dict Grandgousier.
— Comme vous le raconteray (dist Gargantua) présentement.
« Je me torchay une foys d'un cachelet de velours de une damoiselle, et le trouvay bon car la mollice de sa soye me causoit au fondement une volupté bien grande;
« une aultre foys d'un chapron d'ycelies, et feut de mesmes ;
« une aultre foys d'un cache coul;
« une aultre foys des aureillettes de satin cramoysi, mais la dorure d'un tas de sphères de merde qui y estoient m'escorcherent tout le derrière; que le feu sainct Antoine arde le boyau cullier de l'orfebvre qui les feist et de la damoiselle que les portoit!
« Ce mal passa en me torchant d'un bonnet de paige, bien emplumé à la Souice.
« Puis, flantant derrière un buisson, trouvay un chat de Mars ; d'icelluy me torchay, mais ses gryphes me exulcererent tout le périnée.
« De ce me gueryz au lendemain, me torchant des guands de ma mère, bien parfumez de maujoin.
« Puis me torchay de saulge, de fenoil, de aneth, de marjolaine, de roses, de fueilles de courles, de choulx, de bettes, de pampre, de
guymaulves, de verbasce (qui est escarlattc de cul), de laclues et de fueilles de espinards, — le tout me feist grand bien à ma jambe, — de mercuriale, de persiguire, de orties, de consolde ; mais j'en eu la cacquesangue de Lom bard, dont feu gary me torchant de ma braguette.
« Puis me torchay aux linceux, à la couverture, aux rideaulx, d'un coissin, d'un tapiz, d'un verd, d'une mappe, d'une serviette, d'un mouschenez, d'un peignouoir. En tout je trouvay de plaisir plus que ne ont les roigneux quand on les estrille.
— Voyre mais (dist Grandgousier) lequel torchecul trouvas tu meilleur?
— Je y estois (dist Gargantua), et bien toust en sçaurez le tu autem. Je me torchay de foin, de paille, de baudufTe, de bourre, de laine, de papier. Mais
Toujours laisse aux couillons esruorche Qui son hord cul de papier torche.
— Qjuoy ! (dist Grangousier) mon petit couillon, as tu prinz au pot, veu que tu rimes desjà ?
— Ouy dea (respondit Gargantua), mon roy, je rime tant et plus, et en rimant souvent m'enrime. Escoutez que dict nostre retraict aux fianteurs:
