Mm

QiM^^!

à Colin Maillard,

à myrelimofle,

à mouschart,

au crapault,

à la crosse,

au piston,

au bille boucquet,

au roynes,

au mestiers,

à teste à leste bechevel,

au pinot,

à maie mort,

aux croquinolles,

à laver la coiffe Madame,

au belusteau,

à semer l'avoyne,

à briffault,

au molinet,

à defendo,

à la beste morte,

à monte, monte Yeschelette,

au pourceau mory,

à cul salle,

au pigonnet,

au tiers,

à la bourrée,

au sault du buisson,

à croyzer,

à la cutte cache,

à la maille, bourse en cul,

au nid de la bondrée,

au passavant,

à la figue,

au petarrades,

à pille moustarde,

a cambos,

à la recheute,

au picandeau,

à croqueteste, à taille coup,

à la grolle, au nazardes,

à la grue, auxallouettes,

aux chinquenaudes.

Après avoir bien joué, sessé, passé et beluté temps, convenoit boire quelque peu, — c'estoient unze peguadz pour homme, — et, soubdain après bancqueter, c'estoit sus un beau banc ou en beau plein lict s'estendre et dormir deux ou troys heures, sans mal penser ny mal dire.

Luy esveillé, secouoit un peu les aureilles. Ce pendent estoit apporté vin frais ; là beuvoyt mieulx que jamais.

Ponocrates luy remonstroit que c'estoit mauvaise diète ainsi boyre après dormir.

« C'est (respondist Gargantua) la vraye vie des Pères, car de ma nature je dors salle, et le dormir m'a valu autant de jambon. »

Puis commençoit estudier quelque peu, et patenostres en avant, pour lesquelles mieulx en forme expédier montoit sus une vieille mulle, laquelle avoit servy neuf Roys. Ainsi marmotant de la bouche et dodelinant de la teste, alloit veoir prendre quelque connil aux filletz.

Au retour se transportoit en la cuysine pour sçavoir quel roust estoit en broche.