Chapitre XXIV

'il advenoit que l'air feust pluvieux et intempéré, tout le temps d'avant disner, estoit employé comme de coustume, excepté qu'il faisoit allumer un beau et clair feu pour corriger l'intempérie de l'air. Mais après disner, en lieu des exercitations, ilz demouroient en la maison et, par manière de apotherapie, s'esbatoient à boteler du foin, à fendre et scier du boys, et à batre les gerbes en la grange ; puys estudioient en l'art de paincture et sculpture, ou revocquoient en usage l'anticque jeu des tables ainsi qu'en escript Leonicus et comme y joue nostre bon amy Lascaris. En y jouant recoloient les passaiges des auteurs anciens esquelz estfaicte mention ou prinse quelque métaphore sus iceluy jeu.

Semblablement, ou alloient veoir comment

on tiroit les metaulx, ou comment on fondoit l'artillerye, ou alloient veoir les lapidaires, orfèvres et tailleurs de pierreries ou les alchymistes et monoyeurs, ou les haultelissiers, les tissotiers, les velotiers, les horologiers, miralliers, imprimeurs, organistes, tinturiers et aultres telles sortes d'ouvriers, et, partout donnans le vin, aprenoient et consideroient l'industrie et invention des mestiers.

Alloient ouïr les leçons publicques, les actes solennelz, les répétitions, les déclamations, les