Chapitre XXIX

A ferveur de tes estudes requeroit que de long temps ne te revocasse de cestuy philo sophicque répons i sy la confiance de no^ amys et anciens confedere\neust de présent frustré la seureté de S] ma vieillesse. Mais, puis que telle est ceste fatale destinée que par iceulx soye inquiété es quel^ plus je me repousoye, force me est te rappeller au subside des gens et biens qui te sont par droict naturel affie^.

Car, ainsi comme débiles sont les armes au dehors si le conseil nest en la maison, aussi vaine est Vestude et le conseil inutile qui en temps oportun par vertus nest exécuté et à son effect reduict.

Ma délibération nest de provocquer, ains de apaiser ; d'assaillir, mais défendre; de conquester, mais de guarder mes feaulx subject^ et terres héréditaires, es quelles est hostillement entré Picrochole sans cause ny occasion, et de jour en jour poursuit sa

furieuse entreprinse avecques excès non tolerables à personnes libères.

Je me suis en devoir mis pour modérer sa cholere tyrannicque, luy offrent tout ce que je pensois luy povoir estre en contentement, et par plusieurs foy s ay envoyé amiablement devers luy pour entendre en quoy, par qui et comment il se sentoit oultragé ; mais de luy riay eu responce que de voluntaire défiance et que en mes terres prétendait seulement droict de bienséance. Dont fay congneu que Dieu éternel l'a laissé au gouvernail de son franc arbitre et propre sens, qui ne peult estre que meschant sy par grâce divine n'est continuellement guidé, et, pour le contenir en office et réduire à congnoissance, me Va icy envoyé à molestes enseignes.

Pourtant, mon fil\ bien aymé, le plus tost que faire pour as, ces lettres veues, retourne à diligence secourir, non tant moy {ce que toutefoys par pitié naturellement tu doibs) que les tiens, lesquels par raison tu peu\ saulver et guarder. Lexploict sera faict à moindre effusion de sang que sera possible, et, si possible est, par engins plus expediens, cauteles et ru\es de guerre, nous saulverons toutes les âmes et les envoyer ons joyeux à leurs domiciles.

Très chier fil\, la paix de Christ, nostre rédempteur, soyt avecques toy.

Salue Ponocrates, Gymnaste et Eudemon de par moy.

Du vingtiesme de Septembre.

Ton père, GRANDG0US1ER

Comment Ulrich Gallet fut envoyé devers Picrochole.