CHAPITRE III

Car autant, voire dadvantage, peuvent les femmes ventre porter, mesmement quand c'est quelque chef d'œuvre et personnage que doibve en son temps faire grandes prouesses, comme dict Homère que l'enfant duquel Neptune engroissa la nymphe nasquit l'an après révolu : ce fut le douziesme moys. Car (comme dit A. Gelle, lih. iif), ce long temps convenoit à la majesté de Neptune, affin qu'en icelluy l'enfant feust formé à perfection. A pareille raison, Jupiter feist durer xlviij heures la nuyct qu'il coucha avecques Alcmene, car en moins de temps n'eust il peu forger Hercules qui nettoia le monde de monstres et tyrans.

Messieurs les anciens Pantagruelistes ont conformé ce que je dis et ont declairé non seulement possible, mais aussi légitime, l'enfant né de femme l'unziesme moys après la mort de son mary :

Hippocrates, lib. De aîimento,

Pline, li. vij, cap. v,

Plaute, in Cistellaria,

Marcus Varro, en la satyre inscripte Le Testament, allegant l'autorité d'Aristoteles à ce propos,

Censorinus, IL De dienatali,

Aristoteles, libr. vij, capi. iij et iiij, De nat. animalium, —

Gellius, li. iij, ca. xvj.

l8 GARGANTUA

Servius, in Egl., exposant ce mètre de Virgile :

Matri long a decem, etc.,

et mille aultres folz, le nombre desquelz a esté par les légistes acreu, ff. De suis et legit., I. Ivtestato, §fi., et, in Autent., De restitut. et ea que parit in xj. mense. D'abondant en ont chaffourré leur robidilardicque loy Galhis, ff.De lib. et posthu., et l. septimo ff. De stat. homi., et quelques aultres, que pour le présent dire n'ause. Moiennans lesquelles loys, les femmes vefves peuvent franchement jouer du serrecropiere à tous enviz et toutes restes, deux moys après le trèspas de leurs mariz.

Je vous prie par grâce, vous aultres mes bons averlans, si d'icelles en trouvez que vaillent le desbraguetter, montez dessus et me les amenez.

Car, si au troisiesme moys elles engroissent, leur fruict sera héritier du defTunct; et, la groisse congneue, poussent hardiment oultre, et vogue la gualée puis que la panse est pleine! — comme Julie, fille de l'empereur Octavian, ne se abandonnoit à ses taboureurs sinon quand elle se sentoit grosse, à la forme que la navire ne reçoit son pilot que premièrement ne soit callafatée et chargée. Et, si personne les blasme de soy faire rataconniculer ainsi suz