GENÈVE, LE PARTI HUCUENOT

Sa Majesté octroyés, pour entendre de Monseigneur le Prince de Condé les moyens de parvenir à une bonne et seure pacifficalion des troubles de ce pauvre et désolé royaulme, et parce qu'avez tousiours monstre par effect l'affection qu'aves au bien et soulagement de tous vos frères en religion, ayant usé non seullement envers eux, mais à l'endroict de tous ceulx qui se sont trouvés affligés et exilés de toute consolation, reiraicte et ayde, j'ay bien voulu faire la présente pour vous tesmoigner de la charge que j'ay donnée aux dicts depputés de vous veoir de ma part et vous offrir en mon nom, comme je faicts par la présente, tout service, tant en vostre général que particullier, vous asseurant que m'y trouvères tousiours disposé, ainsy que les etïects vous feront congnoistre, le temps m'en produisant l'occasion, estant de mon debvoir de recongnoislre les faveurs que aves desparties aux miens, et pour la fin je vous supliray que en tout ce que pourres servir pour l'advancement d'ung si sainct œuvre que celluy que vont négotier les dicts depputés, vous y employer avec telle affection que aves tousiours monstre avoir au bien général de la France ; remettant le surplus à leurs suffisances, je finiray par mes bien affectionnées recommandations à vos bonnes grâces, priant Dieu, Messieurs, vous donner en parfaicte santé longue et heureuse vye.

De Montpellier, ce 13 Février 1575,

Vostre plus affectionné et parfaict amy à vous faire service,

DE Montmorency.

Le prince de Condé au Conseil de Genève. (Arcli. de Genève, Portef. hisl. n" 1952) Messieurs,

Vous m'excuseres bien, s'il vous plaist, si j'ay retenu par deçà Mons'' de Besze plus longuement qu'il ne désiroit et que je n'espérois, d'autant que la faulle n'est proccdée

ne de luy ny de inoy, ains des depputez de ftlessieiirs de Languedoc, lesquels nous sommes encores atlendans, et combien que ceste négociation, en laquvîlle nous travaillons et que nous ne pouvons bonnement conclure en l'absence et sans l'advis desdicts depputés, méritasl bien la présence dudict de Besze, touteffois la craincle qu'il a eue d'avoir trop demeuré et moy de vous desplaire a esté cause que je me suis consenti à s'en retourner et que je n'ay voulu faillir de vous faire par luy ce mot de lettre pour vous remercier bien affectueusement du plaisir que m'aves faict de me le prester, ensemble du bon conseil et secours qu'il a donné pour le bien des églises de France, lesquelles, et moy avecques elles, vous en demeureront à tousiours redevables, pour le recognoistre et principallement par moy en tous les endroicls qu'il vous plaira m'emploier, ce que je feray tousiours dans si bon cœur que je prie le Créateur vous conserver, Messieurs, et tout vostre estât en très-heureuse et saincle prospérité.

Escript à Basle, ce dernier jour de février 1575.

Vostre plus affectionné amy à iamais,

Henry de Bourbon.

Au dos de la lettre on lit: lettres de M. le Prince de Condé touchant M. de Bèze, veues ce 10 mars 1575.

Le prince de Condé au Conseil de Genève. (Arch. de Genève, Portef. hisl. n" 1952)

Pour responce à la lettre que vous m'avez escripte du 25"»« du mois passé en faveur de vos deux citoiens y dénommés, je vous diray que vous ne me requerres jamais de chose, quelque importante qu'elle soit, dont je ne vous gratiffie tousiours très volontiers et de bon cœur, m'ayans vous mesmes les premiers tellement oblige et

en tant de façons rendu vostre redevable que je serois par trop ingrat, si je ne m'acquitois de quelque recognoissance. J'escripts présentement à mon cousin, Monsieur le Mareschal de Dampville, pour leur faict, selon que j'ay estimé leur affaire le désirer, estant certain qu'il ne fauldra d'y pourvoir, en sorte que vous -et vos dicts citoiens aurez occasion de vous en contenter, qui est, Messieurs, tout ce que je vous en puis dire et l'endroict où, après m'estre bien fort recommandé à vos bonnes grâces, je priray le Créateur vous donner en toute heureuse prospérité l'augmentation des siennes très sainctes.

Escript à Basle, ce 6"'^ jour de mars 4575.

Vostre plus afïectionné amy à iamais,

Henry de Bourbon.

Au dos on lit : lettres de M. le Prince de Condé touchant le sel veues ce 17 mars

Le Prince de Condé au Conseil de Genève. (Arch. de Genève, Portef. hist. n» 1952)

Messieurs,

Ayant pieu à Dieu de disposer le cueur du Roy, mon souverain seigneur, à voulloir continuer la négociation comancée pour parvenir à ane bonne pacification des troubles qui de si longtemps ont cours en son royaume et d'avoir pris en bonne part les très humbles supplications et requestes que je luy avois envoyé faire pour toutes les Eglises de France et catholicques assosiés, sur lesquelles Sa Maiesté m'a faict response par le sieur du Cheilar, d est très-nécessaire de faire une conférance sur icelle,

en laquelle je désire que Mons"" de Bèze se puisse trouver, sur l'asseurance que j'ay que sa présence y peult beaucoup servir et pour ceste cause, Messieurs, je vous ay bien voulu faire la présente et par icelle vous pryer bien affectueusement de vouloir licencier ledict s'' de Bèze pour faire ce voiage par deçà et m'asseurans que la congnoissance que vous aves de l'importance de cest affaire vous invitera asses de l'accorder, je ne m'estendray davantaige et, après ra'estre de très bon cueur recommandé à vos bonnes grâces, je prieray Dieu, Messieurs, qu'il vous augmente les sciences très saincles en très bonne santé et longue vye.

Escript à Basle ce 30">" de may 1575.

Voslre plus fulelle et affectionné amy à iamais,

Henry de Bourbon.

Le Prince de Condé au Conseil de Genève. (Arcii. de Genève, Portef. hist. n» 1952)

Messieurs,

Je ne puis que très affectueusement vous remercier de la bonne et saincte affection que vous me faicles en maintes sortes congnoistre que me portes mesme en ce que, suyvant la prière que je vous avois faicte, vous avez licencyé Mons'' de Bèze de faire ce voiage pour se trouver en une œuvre tant nécessaire pour la gloyre de Dieu et repos de la pauvre France, où nous avions besoing d'eslre assistez de sa prudence, laquelle il a très bien desployée en tout ce qui s'y est présenté grâces à Dieu, vous asseurant, Messieurs, qu'oulire la recommandation généralle que ses rares vertus ont engravu (sic) aux cueurs de tous les gens de bien, j'en ay pour mon particulier une plus singulière, suyvant laquelle je feray congnoistre à quiconque sera

si ozé d'allenler en sa personne qu'il se sera adressé à l'un de mes plus grands amis, et d'autanl que pai' luy j'ay entendu qu'il vous est deu quelque somme de deniers que vous aves cy-devant preste pour le service de ce parti, j'ay faict dépescher un pouvoir bien ample au s'' de Franqueville, pour faire que vous en soies remboursés par les moyens èsquels vous luy ferez ouverture, vous priant aussy bien affectueusement, Messieurs, de m'ayder en ce que ledict s' de Bôze vous fera entendre de ma part et me faire ce bien de croyre que vous n'aurés jamais prince qui de meilleure volonté employé tout ce qui sera jamais en sa puissance, que je feroy en toutes occasions où j'en auray le moyen pour vous le faire esprouver à vostre contentement avec l'ayde de Dieu, lequel je supplie. Messieurs, qu'il vous augmente ses sainctes grâces et vous maintienne longuement en toute prospérité et santé bonne et heureuse vie.

Escript à Basle ce 22™^ jour de juing 1575.

Vostre plus affectionné et meilleur amy,

Henry de Bourbon.

UAvoyer et Conseil de Berne au Conseil de Genève. (Arcli. lie Genève, Portef, hist. n" 1965)

Aulx Nobles, Magnifficques Seigneurs, Sindicques etConsfil de la cité de Genève, nos singuliers amis, bons voysins, très chers et féaulx combourgeois.

Nobles, Magnifficques Seigneurs, singuliers amys, bons voysins, très chers et féaulx combourgeois, à vostre bonne grâce bien affectueusement nous recommandons, ayants heu advertissement d'aulcungs nos ballifs et officiers comme soit que plusieurs capitaines et souldats François, se disants venir de vostre cité pour aller au service de Mous' le Prince de Gondé, prennent leur chemin par sus nos terres et pays et y passent

en équipaige de gens d'armes, nous n'avons, en considération de la paix perpétuelle

d'entre la Coronne de France et ce pays des Ligues establies, par laquelle lespassaiges suspects sont interdicts, joinct aullres conséquences, peu ny dheu dissimuler de vous adverlir de cela et par mesme moyen bien affectueusement vous prier et requérir, si ainsi est que aulcuns capitaines et soldats françois se fussent retirés en vostre ville et à présent s'en vouidroyent départir, pour aller au service de qui que ce soit par sus nos terres et pays, qu'il vous plaise leur remonstrer et donner ordre à ce qu'ils fassent leurs voyages et passaiges de telle sorte et en tel équipaige que l'on ne se puisse doublera leur endroict d'aulcunes praticques ou sinistres entreprinses ressentans hostilité et que tant l'Ambassadeur de Sa Royalle Majesté que nos bien aymés alliés et confoedérés des aultres cantons des Ligues ne puissent prendre par ce occasion (comme aultrement seroit à craindre il pourroit advenir) de leur interdire ledict passage et nous sommer en vertu du dict traicté de paix, de faire le mesme, voire aussy de esconduire tous ceulx qui jusques à présent se seroient réfugiés rière nous et aullres villes de la Religion réformée, ce que pourra estre prévenu moyennant leur modeste comportement comme par rayson ils sont tenus de faire, affin d'oster toute occasion de maulvais soubçon à leur endroict, vous priant de prendre cest advertissement de nous (comme il ne se faict à aultre que à bonne intention) à la bonne part, et à ces fins prierons le Créateur, Nobles, Magnifficques Seigneurs, vous tenir en sa saincle et très digne garde.

De Berne ce 15 de juillet 1E75.

L'Advoyer et Conseil de la Ville de Berne.

Copie d'une lettre et d'un mémoire de M. de Vézines, adressés à M. de Haute for t.

(Arcli. de Genève, Pertef. hisl. n" 1965) € Copie d'une lettre missive du S-" de Vézines de laquelle la susperscripiion estlelle

A Monsieur, Monsieur de Haultefort, conseiliier du Roy en son privé Conseil et Ambassadeur pour sa Majesté aux Ligues, et la soubscription : vostre humble et obéissant serviteur, Vézines, estant cachetée des armoiries d'iceluy, en cire rouge. »

Monsieur,

Je suys demeuré en suspens jusques à ceste heure qu'il est requis que je prenne résolution au faict dont je vous ay escript. Mon intention seroit de supplier Monseigneur le Prince de Condé et ceulx de ce pariy de ne me plus commander aucun affaire concernant ceste guerre et que je me veux retirer sans plus me mesler que de mon faict particulier, vous suppliant sentir si Leurs Maiestés auront pour agréable que j'en use ainsy ou bien si, avec leur permission, je continueray à entendre des afaires de la Religion pour tant mieux voir les moyens de tendre à la paix et jecter les afaires hors de la patrie, qui a lousiours esté mon but et mon désir. Cependant, Monsieur, afin qu'on ne pense point que je veuille faire quelque chose clandestinement, je vous supplieray ne laisser penser à Leurs Maiestés que je veuille décliner de la fidélité d'homme de bien en ce qui me seroit commandé par mon dict S' le Prince, car, aultant que je scay que l'indignation de Leurs Maiestés m'importe de la vie et du bien, je considère aussi que la défiance et mauvaise opinion de ceulx de ce party m'imporleroit de mon honneur, qui t'ait que je vous prie humblement que, ces choses ne demourant sauves, me moyennes que Leurs Majestés me tiennent pour tel que je veux demourer, ascavoir leur très humble et très obéissant subiet et serviteur et comme pour tel elles me cognoistront peuU estre bien tost et je m'en sentiray d'aultant vostre tenu el obligé de vous faire service que cest afaire m'est cher et important, dont je m'acquiteray de mesme affection que je salue vos bonnes grâces de mes très humbles recommandations et que je prie Dieu, Monsieur, vous donner très heureuse et longue vie.

De Morges ce 15* d'aoust.

Copie du mémoiri'. c/r M de Vézines.

J'ay faict tout le debvoir qu'il m'a esté possible pour recouvrer la lettre dont m'avies commandé vous envoier copie, ce que ne m'a esté possible, mays ceux qui l'ont veue m'ont asseuré qu'elle est de Monsieur le Chancelier, adressée à Monsieur le Cardinal de Pelve, portant ces mots : Nous sommes contraincts de faire la paix, et quant à moy, je la conseille, mays nous ne désisterons point d'avoir bon pied et bon œil.

Je n'ay jamais ouy mal parler du S"^ duquel m'aves escript, sinon que comme d'homme affeciioné au party qu'il tient et vous puys asseurer que luy ou aultre que ce fust que nous auroit faict tous les maux du passé, qu'il ne laissera d'estre loué, aymé et estimé de nous, s'il se monstre à ceste heure tant amy de la patrie que d'en vouloir sauver les remanans de la ruyne de tous les deux partis. Or scait-on bien que ledict S"" y a bon moyen et crédit.

On m'a faict entendre qu'on parle du mariage de Monseigneur le Duc d'Alençon avec Mademoiselle d'Orenges, mays que le Prince d'Orenge, n'estimant que ce soit de bon escient pour plusieurs considérations, n'y met pas aussy de sa part grand fondement.

On nous a mandé que ceste remonstrance a esté faicte au Roy, ascavoir qu'il n'aye pointa faire paix avec ses subiets, et que le nom de paix et l'observation des droicts militaires envers eulx présuppose la guerre avoir esté légitime, ce que ne convient aux perduels, pirates et aultre telle manière de gens, et là dessus a on mis en délibération de prattiquer l'eft'ect de ceste remonstrance sus Mons"^ de Montbrun, sus le secrétaire Abraam pris sus mer vers St-Malo et aultres prisonniers, chose qui désespère ceulx de nostre party qu'on veuille nécher (?) de bon pied^à ceste paix et les faict disposer au pis faire.

Je ne puys bonnement vous dire quels sont nos moyens et nos adresses pour dresser une forte armée, comme nous faisons, mays, bien que j'estime qu'en cela nous dépendons de personnes qui n'ayment nostre patrie, avec lesquels il est à craindre que la nécessité et le désespoir ne facent capituler choses esiranges, je n'y ay esté appelle, dont je suys bien ayse pour le regard de ne me mesler en choses telles et marry pour ne me pouvoir opposer au mal, si tant est qu'il s'en prépare pour la patrie ;

tant s'en faull (|ue je voulusse consenlir à tels dosseiiigs (|ue non seulomenl j'en vouldrois advenir leurs Maiestés et leurs ministres, mays mesnnes prendre les armes avec ceulx qui s'y vouldroient opposer.

J'estime tous les chefs de nostre party seigneurs d'honneur et bons François, mays j'ay suspect ce qui peult échoir en tous hommes, tant vertueux et résolus soient-ils, c'est que la nécessité leur suggère de consentir à ce qu'ils auroiont lousiours réprouvé auparavant.

Si vous n'eussies heu cest advis comment des plus grands princes d'Allemaigne font estât de souffrir que l'on meine et eulx-mêmes pousser tant de reiltres en France que ils y puissent donner la loy, je n'eusse faiUy de le vous donner ; considères donc que, nous dressans une armée d'Allemans, le Roy une aultre, et puys ung ou plusieurs princes d'Allemaigne une aultre, qui auront toutes raesme desseing et intelligence, qu'il leur sera facile de venir à leur fin.

Vous aves entendu comment ils se proposent d'offrir liberté aux villes et peuples de France, une manière de souveraineté à la noblesse, et à tous estats soulagement, pourveu qu'ils recognoissent l'empire. Vous me dires que les premiers propos en ont esté esventés par ung prince que l'on tient n'avoir grand esprit et je vous diray que tant moings doibl-on donc penser qu'il l'aye inventé, et qu'au contraire de l'abondance du cœur la bouche parle.

Il ne se fault pas beaucoup arrester aux capitulations ne en l'aulhorité des colonels qui y conduiront les soldats allemans, car, au bout de troys moys, ils seront quicles de leur serment par la faulte de paye en tous les deux partis et ne faudront lors de demander en se mutinant tout ce qui est dheu à leur nation, tant du vieux que du nouveau, chose qui ne se peult pour ceste heure payer ; d'aultre part, leurs colonels ne seront pas de beaucoup respectés, quant les plus grands princes de la Germanie commanderont aux soldats faire quelque chose qui mesme leur ameneroit utilité. Mays je croy que les colonels, mesme quelque affeclionés qn'ils soient, ne différeroient d'obéir à la volonté de leurs princes, cela advenant.

J'enlends qu'il se doibl trouver ung agent de la Royne d'Angleterre à la Diète de Ratisbone pour traicter de quelque chose d'importance avec les Allemands ; si cela a lieu, il est cer'ain qu'il n'y aura rien qui tende au profit de nostre France.

On prétend m'envoier à ladicle Diète pour obtenir de l'Empereur et des eslasls de l'Empire qu'ils se veullent mesler de moyenner la paix en France, ce que je feray volontiers, tant pour empêcher le mal de la patrie de mon pouvoir, si tant est qu'il s'y prépare, que pour en besogner tant plus de gens à ung si bon œiivre que nostre paix, mays je ne me chargeray d'aullre chose que cela, quoy qu'il me fust commandé, et néantmoings, s'il n'est agréable à leurs Maiestés que j'y aille, en estant adverty par vous, je m'en excuseray.

Ce seroit ung beau moyen pour remédier à beaucoup d'inconvénients si leurs Maiestés concluoient d'heure la négociation de paix et si tant estoit que, pour la nécessité du temps, leurs Maiestés concédassent quelque chose qui leur tournast à quelque peu d'incommodité, considérant, s'il leur plaist, que c'est pour leur en éviter déplus grandes, et mesmes qu'elles ont des serviteurs entre ceulx de nostre religion, qui moyenneront bien, avec le temps, que les choses se réparent et remettent au gré et contentement de leurs dictes Maiestés.

Vous verres la lettre que je vous escris pour faire veoir à leurs Maiestés, si le trouvés bon, et pareillement pourrés extraire de ce présent billet ce que verres eslre convenable leur estre mandé el, ce faisant, user de vostre prudence pour ne point gaster celuy qui vons est serviteur et fidèle amy, me renvoiant ce présent billet, quant Taures leu, s'il vous plaist.

Je ne scay quelle excuse vous faire de vous envoier cest escrit ainsy brouillé el obscur ; je vous diray seulement que je vous heusse volontiers récité en présence le contenu d'iceluy, y adjouxtanl les expositions nécessaires, mays il n'est nullement commode, ny expédient pour cesle heure. J'attendray icy quatre jours de vos nouvelles et plus, si je puys ; je vous prie humblement m'en mander le plus tost que sera possible et, quant aures heu responce de la Court, m'escrire aussy, s'il vous plaist, au

lieu OÙ je vous feiay entendre que j'atlendray de vos nouvelles. Je vous supplie humblement de recommander ma famille qui est en France en la protection de vos amys.

Déclaration du Conseil.

Nous, Syndiques et Conseil de Genève, savoir taisons à tous ceux qu'il apartiendra, comme aujourdhuy nostre bien aymé Spectable Théodore de Bèze, ministre de la Parolle de Dieu en nostre cité, nous a présenté les lettres cydessus ténorisées qu'il nous a dict estre escriles et soubscrites de la main du S"^ de Vézines et cachetées de son seau en cyre rouge, estans décloses avec certains articles et mémoires de la mesme escriture qui estoyent au paquet desdictes lettres qui luy sont tombées entre mains, nous suppliant et humblement requérant de les vérifier et conférer avec deux lettres missives à luy escrites par ledict S' de Vézines, l'une du 16® et l'aultre du 20' de ce moys, qu'il nous a pareillement exibées et du totage luy oultroier nos lettres testimoniales, ensemble copie et vidimus desdictes lettres et mémoires pour s'en servir où il luy sera requis et expédient. Nous, à sa requesle inclinans, attestons et déclairons par ces présentes qu'ayans veu, tenu et leu au long l'original de ladicle lettre, datée du 15« du présent moys, ensemble les mémoires sus escrites, nous avons trouvé le tout estre escript d'une mesme main et lettre et cachetées d'ung semblable seau et cachet que celles que ledict Spectable de Bèze nous a dict et affermé luy avoir esté escrites par le dict S'' de Vézines, l'escriture et seau duquel il recognoist très bien. Et pourtant avons faict faire desdictes lettres du 15"= de cedictmoys et mémoires susdicts le présent extraict et vidimus, auquel foy soit adjouxtée, comme au propre original, duquel il a esté tiré et collationé de mol à mot en nostre présence et remis audict Spectable de Bèze, ayans lotesfois retenu pardevers nous l'original des susdictes lettres du 16^ et 20' de ce moys pour servir où et quand requis sera. En foy de quoy avons donné les présentes soubs nostre seau, cachet et le seing manuel do nostre secrétaire d'Eslal soubsigné, ce vingt-deuxième d'Aoust mil cincq cens septante cincq, secret, uts'*.

Par mesdicts Soigneurs Syndiques et Conseil secret.

Gallatin.

Gui de Laval au Conseil de Genève.

(Arcli. (le Genève. Portef. hist. n" 1906).

Aux Manifiques fsicj et vertueux Seigneurs, Messieurs les Scindicques ei Conseil de Genève, à Genève. ■

Messieurs,

Vous m'aves par infinys bons lésmoignages tant de foys faict connoistre la bonne volonté et atTection que vous portes rie longtemps à nos maisons et à moy parlicullièrement, que je ne feray dilTiculié de vous déclairer le besoing que j'ay maintenant d'estre accommodé de quelque somme de deniers, attendant qu'il m'en vienne de mes terres et revenu, d'oîi j'espère en estre secouru de brief, encores que je soys (puys qu'il piaist à Dieu) un peu eslongné des lieux où sont mes moyens. Voylà pourquoy tant plus hardiment je me suys adressé à vous et par la présente vous ay bien voulu supplier de me prester quinze cens escus, si tant vostre commodité le peut porter, de laquelle, avecque l'obligation myenne, bonne et seure, que je vous en feray, je vous bailleray deux bons respondans, tels que vous nommera Slons'' du Resay, lequel j'ay pryé s'entremettre de cest affaire, pour la bonne affection qu'il me porte. En quoy, Messieurs, vous me ferez ung plaisir si grand que vous m'obligerez beaucoup à vous tous, espérant (comme Dieu m'a donné le moyen et la volonté de le recongnoistre et m'en revenchir) que j'y ferai devoir du mesme cœur qu'en cest endroit, je vous présenterai mes humbles et bien affectionnées recommandations à vos bonnes grâces et supplye Dieu vous donner à tous en parfaicte santé. Messieurs, avec ses continuelles grâces et bénéditions, heureuse, prospère et longue vye.

Escripl à Berne ce XVIIP jour d'aousl 1575.

Vostre bien obéissant et plus affectionné amy à vous servir.

Guy de Laval.

L'Avoyer et le Conseil de Berne au Conseil de Genève. (Arch. (le Genève, Portef. hist. n" 1963).

Nobles, Magniffîcques Seigneurs, singuliers amys, bons voysins, 1res chers elféaulx combourgeois, ayants esté advertis de la pari de Mens"' le Duc de Savoye par ambassadeur exprès, pource par devers nous délégué, de certaines assemblées de gens de guerre, assérées eslre continuellement faicles en vostre ville, et notamment ces jours passés, d'une compagnie de cavallerie, soubs la conduicte du seigneur de Cugiez, qui seroit passée par sus les Estats de Son Altesse, sans son congé, ne permission, ny de ses officiers et gouverneurs de ses provinces et sans aussy aulcung advertissement préallable, aux fins qu'il nous pleust vous en faire quelques remonstrances pour vous en depporter, d'aultant que ce seroit chose de maulvaise conséquence et redondante au mespris de Son Altesse, aussy du tout contrevenante au traicté d'accord et mode de vivre entre Sadicle Altesse et vous estably, joinct que cela pourroit causer à Sadicte Altesse une altération de la bonne volonté des Princes et potentats circonvoisins envers luy, quand ils se vouldroienl persuader ou concepvoir opinion de luy que ces choses se feissent par son consentement, joinct aultres raisons par ledict Seigneur délégué plus amplement sur ce propos alléguées, du ressentiment que Son Altesse en pourroii avoir, si adce n'estoit pourveu. Nous, désirants le repos et tranquillité de vos et de nos Estats, avons bien voullu de bonno part vous adverlir de cela et parmi ce bien affectueusement vous prier que, ces choses considérées et les amiables remontrances que ja cy devant vous ont esté à ce mesme propos faictes, il vous plaise y adviser et donner ordre ad ce que rien ne soit faict ou entrepris en vostre ville dont encombrier et fascherie vous en pourroit advenir cy apprès et à vos voysins, car vous avez bien à considérer, sellon vos prudences, quelle en seroit la conséquence, ce que vous prions eschever {pour esquiver) autant que possible et n'encourir ceste maulvaise opinion et renom qu'on pourroit ou vouldroit avoir et se persuader de vous qu'auriez voullu donner occasion à cesluy-cy ou aultre d'entreprendre aulcune chose contre

ET LE TRAITÉ DE SOLEURE i45

les Estais d'autruy ou consentir à aulcunes entreprises ressentans hoslillilé ou contravention aulx traictés d'accord sus-mentionnés, ains que en tout et partout il vous plaise vous comporter si bien et gralieusemenl avecq vos voisins et notamment avec sadicte Altesse et ses Estais que par raison elle en puisse avoir bon contentement elle reveoir (comme elle s'en est déclairée) par continuation de mesme bonne correspondance de bonne amytié et voisinanceà vostre endroict, dont quant ad ce nousremectants sus vostre prudence accoustumée, en nous confiant de mesme que prendres cesle nostre amiable remonstrance à la bonne part, ne ferions cestesplus longues ains, apprès vous avoir présenté nos bien affectionnées recommandations à vos bonnes grâces, nous prierons cependant le Créateur,

Nobles, Magnifficques Seigneurs, singuliers amys, bonvoysins, Irèscliers elféaulx combourgeois, vous tenir en sa saincte et très digne garde.

De Berne ce pénultie«me d'Augst 1575.

L'Advoyer et Conseil de la Villp de Berne.

Le Palatin au Conseil de Genève.

(Arch. (le Genève, Porîe/'. hisl. irl821)

Messieurs les Sindiques et Conseil de la Cité de Genève.

Friderich, par la grâce de Dieu, comte Palatin du Bliin, prince Electeur du Saincl Empire, Duc de Bavières.

Messieurs,

Nous avons dépêché avec instniclion el procuration suffisante nostre féal et amé

Pierre BeuUerich, docleur es loix(l), porteur de cestes, par devers vous, à l'effect de traiter avec vous choses concernantes l'establissement de l'honneur et gloire de Dieu et l'augraenlation de nostre estai, auquel adiousterez foy, comme si nous estions en personne, et de ce vous prions, que sera l'endroit oîj prierons le Créateur qu'il vous tienne en sa sainte sauvegarde.

De Heidelberg, ce le 16* jour de seplentibre anno 1575.

Frédéric, Electeur Palatin.

Traité iV alliance entre le Palatin et le prince deCondé. (Arch. (le Genève. Portef. hist. n" 1968)

Nous Frederich, conte Palatin du Rhin, prince Electeur du Sainct-Empire, duc de Bavières, confessons, comme ainsi soit que nostre cousin le Prince de Condé, comme chef esleu des Eglises réformées en France, ayt contracté avecq nostre fils le duc Casimir, conte Palatin, et ses associés ensemble, et arresté deux contracls, comme de mot en mot s'ensuit :

Nous, Henry de Bourbon, prince de Condé, duc d'Anguien, pair de France, marquis de Conty et des isles Contii, conte de Soissons, d'Anisi et de Valerérii fsicj, gouverneur et lieutenant général pour le Roy en ses pays de Picardie, Boullenois, Artois, Cales, et pays nouellemeni reconquis, chef esleu des Eglises réformées en

(1) Le D' P. Beulricli étail, l'un des agents de confiance du Palatin. En i'ilG il fui chargé d'une importante mission auprès de la Républi{iue de Berne. En apparence il avait à négocier la réunion des KKlises rcforini'cs de la Suisse avec celles de la Confession d'Augsbourg, mais en réalité il devait clierclier à provo(iuer une levée de troupes on faveur des Huguenots. Beiitricli réussit dans sa mission et plusieurs olliciers bernois levèrent à la hâte un corps de volontaires pour se joindre aux Huguenots. (Voy. los Fragments historiques de la Ville et République de Berne, 2" partie, p. 155.)

France et de leurs associés pour la défension de ladictc couronne et religion réformées, tant en nostre persone et nom qu'au nom et de la part de nos très chers et amés cousins, Messieurs Henry de Montmorency, S'' d'Anville, mareschal de France et gouverneur pour le Roy en Languedoc, Charles de Montmorency, S'' de Méru, colonnel général des Suisses et capitaine de cinquante hommes d'armes de ses ordonnances, seigneur de Thoré, colonel et général de la cavallerie légière en Piémont, aussi capitaine de cincquante hommes d'armes de ses dictes ordonnances, François de Ferrières, prince de Chabanois, visdame de Chartres, des contes de Laval, et de tous aultres seigneurs, gentilshommes, citoyens, bourgeois, et de tous François généralement de quelque des deux religions, réformée ou catholique, et de quelque estât qu'ils soient, alliez, confédérés et intéressés de ladicte confession et de nos vassaulx et subiects mesmes. Confessons, en vertu de ceste nostre capitulation et obligation, que, pour nous et tous les susdicts, avons très instamment recerché et prié Monsieur nostre cousin le duc Jean Casimir, conte Palatin du Rhin, duc de Bavières, de vouloir avoir pitié du misérable estât de la Couronne et des Eglises de France, et prendre la charge d'y mener et commander une bonne armée soubs nous, comme soubs le chef esleu tant par les Eglises réformées de France que par les catholiques leur associés, tant pour les secourir contre la tirannie d'aulcuns que pour y restablir une bonne et ferme paix tant nécessaire au royaume et honnorable au Roy. Or, d'aultant que iedict Duc, nostre cousin, comme prince chrestien, voisin et particulier amy de la Couronne de France, à luy desia bien fort obligé et redevable, entendant à nostre très iuste requeste pour servir à Dieu et son église et à la conservation de ladicte couronne et en général au repos de la Chrestienité, nous a accordé et promis cy-dessoubs, non-seulement de mener et commander les six mil reustres que les colonnels Henry de Stein, Jean de Bouch et George de Derse, nous ont accordé par la retenue et capitulation faicte entre nous et eux, mais aussi de lever pour nous et nostre service deux mil chevaux d'avantaige et huict mil Suisses ou tant Suisses qu'aultres gens de pied, en advançant de ses moyens les deniers pour ladicte levée, voire amener avec soy et du sien quatre cannons, douze ou quinze pièces de campaigne et munitions, et finalement d'estre sous nous général de ceste armée, tant des dicts six mil reustres que des aultres gens de cheval et de piedt qu'il aura levés, comme aussy de ceulx qui se vouldroient

148 GENÉVt:, LE l'Al'.Tl HUHUENOT

Joindre on ladicle armée audicl S' Duc soubs la charge de qui que ce soit, pour ensembleuienl avec son artillerie les mener et commander pour nostre service le mieux qui pourra, aulx conditions mises sy dessoubs. Pour ce est-il que nous, en qualité que dessus, promectons, et nous faisons fort, fermement et irrévocablement, en parole et foy de Prince, par serment corporel, pour nous et pour tous les susdicts en général et espécial et pour tous nos et leurs boires, successeurs, associés, subiects et serviteurs, les articles qui s'ensuivent :

Premièrement, promectons et nous obligeons de nous fortiflier de forces françoises et aultres, tant qu'il nous sera possible, à présent et à l'advenir, et nous trouver à la place monstre qui sera advisé par ensemble pour de là nous acheminer ensemblement avec ledict S"" Duc où il sera résolu par commun advis, affin de ioindre à ladicte armée les forces de Mons'' nostre cousin, le Mareschal d'Anville, ascavoir dix ou douze mil chevaulx François pour le moings. Promectons et nous obligeons de recevoir à nostre solde et de nos associés de l'une et l'aultre religion, tant ledict S'' Duc nostre cousin et ceulx qui seront avec lui mesmes les deux mil reustres, huict mil Suisses ou aultres, ceux qu'aulront charge de l'artillerie pionière et généralement tous ceulx qu'il aura levé pour nostre service avec les colonnels et estats, tout ainsi comme les six mil reustres que nous avons levé, comme dict est, luy en faisant expédier retenue et capitulation en nostre nom à ce requis, selon qu'il aura accordé avec ceux qui par luy seront levés. Promectons et nous obligeons de les payer et contenter tous pour leur payement avant que de nous ou nos armées séparer l'ung de l'aultre en quelque sorte et manière que ce soit, soit que ledict S"" Duc ou nous mourions ou vivions.

Secondement, promectons comme dessus que sans ledict S'' Duc nostre cousin, ni sans son sceu et consentement, ni sans sa présence ou de ceux qu'il y ordonnera, nous ne tiendrons aulcuns conseils, ny traicterons aulcune chose concernante ceste guerre, soit recepte ou desboursement des deniers ou entreprises, ou batailles ou irefves ou assiégements ou compositions ou paix, soit avec nos associés ou estrangiers ou ennemis ou avec le Roy mesme ou personne du monde, et n'endurerons qu'aulcunes de ces choses soit laide par aultres, sans que ledict S-- Duc y soit présent et consentant, ou qu'en absence il se déclare eslre consentant par les siens, comme

ET LE THAITÉ DE SOLEUUE 149

aussi nous ne permelrons aulcunennenl que Prince, S'» gentilhommes, capitaines ou soldat de nos années que joindrons avecq la sienne, se retirent par irouppes ou seuls en leurs maisons ou aultre part sans plein consentement duJict S"^ Duc, nostre cousin.

Tierceraent, promectons, en qualité que dessus, particulièrement pour nosdicts associés catholiques, comme aussi nous soubsignés faisons et promectons, de n'attenter à jamais rien contre rassocialion faicte l'an 1574, au jour de mois, etc., d'entre lesdicls associés et ceulxde la Religion réformée, ains de l'exécuter de poinct en poinct et conserver et ayder à iamais, aussi bien ceux de la dicte Religion réformée que ceulx de la leur, afïin que la paix publique soit guardée et que l'exercice de ladicte religion réformée soit guardée et faict avec ses appendances et deppendances, sans rupture d'icelle paix en repos et également partout sans exception de lieux, personnes et temps, Ûnalement d'estre ennemis jurés à iamais des massacreurs et conseilliers des massacres et ne se trouver oncques en aulcun conseil du faict contraire à cest article, comme nous, prince de Condé, promectons aussi, en qualité que dessus, de la part de ceubc de la Religion réformée, respectivement ratifions et confermons par ceste la susdicte association, comme pareillement nous nous faisons fort pour les absens de faire, quant nous serons entré au Royaulme de France, que le S'' Mareschal d'Anville et tous Princes, S" gentilshommes et aultres de ladicte association et qui si poulroient ioindre confermeront à part ceste article, jurant qu'il ne feront aulcun iraicté à part, ne se sépareront de nous et de luy, ny consentiront à la paix que cest article de la Religion soit obtenu du Roy et deuement asseuré.

Quartement, nous promectons, comme dessus, de payer par chascun mois audict S"^ Duc et à ses hoirs, tant que ceste expédition durera, soit qu'il meure ou vive, pour sa table, sa solde et son estât, douze mil escus sol et luy seront souldoyés à part ses serviteurs et les chevaulx qu'il bailera signés par liste, comme de coustume. Secondement, d'aultant qu'il lève deux mil chevaux en réservant la charge et estât du colonnel pour soy, comme dict est, promectons de luy donner à part par moys tel estât et solde de colonnel de deux mil chevaulx, comme ung des aultres colonnel aura.

Tiercement, s'il y a Prince ou Ducs auprès de luy, leur sera par nous faict et

payé leur eslat et solde à pari et honnestemenl. Quartement, après que les munitions par luy amenées fauldronl. nous en fournirons d'aultres et singulièrement luy payeront son artillerie, la munition, les chevaulx et aultres choses y appartenantes, qu'il pourra avoir employé ou perdus, ou, si bon luy semble, la laisse à nous pour le prix, tout selon la cédule, taxe et bon compte qu'il nous en baillera.

Quintemenl, pour recognoissance telle qu'elle que pouvons faire asteur des grans et indicibles services que ledict S'' Duc ha faict cy-devant et faict encores à la Couronne de France et des faveurs qu'il nous monstre par effect, particulièrement nous promectons et nous obligeons de ne quicter les armes et ne bouger d'avec ledict S'' Duc Casimir, ny faire accord ou paix, qu'il ne soit préalablement installé par le Roy gouverneur et lieutenant général pour sa Majesté es villes de Metz, Thon et Verdun, et les citadelles et deppendances et non sf ulement en l'entreténement et traictement que le gouverneur y a et doibt avoir, mais aussi en la jouissance pleine et libre du temporel des Eveschés des dictes trois villes, sa vie durant, sans que le revenu des dicts Eveschés soit en rien obligé à la déduction des debtes faictes et créés les guerres passées ou qui s'en feront en ceste guerre à nostre service, fors et excepté la somme de quatre-vingt quinze mil florins d'Allemaigne qu'on doibt audict S'' Duc Casimir du voiaige qu'il a faict en France pour secourir feu Monseigneur nostre Père et les Eglises, selon l'obligation de feu nostre dict Père, ratifïié depuis de par le Roy de Navarre d'asteur et nous, Prince de Condé, et feu Amiral de France, conte de Colligni, et ce aulx charges qui s'ensuivent :

Premièrement, ledict S'' Duc fera serment de bien et loyalement servir le Roy en la sus-dicte charge de gouverneur, comme les aultres gouverneurs des Provinces de la France ont accoustumé de faire, sans toutefois aulcunement charger sa conscience contre sa Religion, ains au contraire il sera tenu d'entretenir les ministres qui seront dedans le pays des fruicls du temporel des Eglises dcsdicts Eveschés, y dressant l'exercice de la Religion réformée avec toutes ses appendanccs et deppendances sans exception des lieux, temps ou personnes.

Secondement, ne mectrc garnisons èsdicls trois villes ny es citadelles et aultre

villes deppendantes d'icelles et desdicls Eveschés que naturels François, lesquels tant capitaines, officiers que soldats, ayent tesmoignage, chacun de son Eglise d'estre de la Religion réformée et feront serement de garder lesdictes places tant pour la seurté de ceulx de la Religion réformée et de leurs associés que pour la nostre et celle dudict S"" Duc comme nostre associé et y estant aussi à ceste fin, ascavoir pour l'establissement de la seurté de la paix installé, sans toutefois que ceste article s'entende de sa court et des gens qu'il aura à l'entour de soi, lesquels il poira avoir et prendre d'aultre nation. Et en oultre promectons qu'alhors, quant la paix se fera, luy ferons avoir pensions et entretenement de prince de sa qualité, telle qu'il aura occasion de s'en contenter. En attendant, à présent luy assignons la pension de six mil escus par an, des Eglises en Languedoc, selon le pouvoir qu'en avons d'elles.

Pour le sixiesme, que non seullement telles pensions soient certaines, mais aussi la seurté de la paix qu'espérons par la grâce de Dieu obtenir du Roy soit plus ferme et que nous, avec tous nos associés et alliés, soient tant plus asseurés d'estre secourus au besoing. Promectons comme dessus de mectre incontinent, et alhors quant l'on fera la paix, la somme de deux cens mil escus sol en la ville de Metz ou de Strasbourg, à choix dudict S' Duc nostre cousin, pour lesdictes deux choses, ascavoir affin qu'il y ayl argent contant pour pouvoir secourir nous ou nos associés et successeurs, quant il sera besoing, et secondement, affin que d'icelle somme ledict S"" Duc se paye ses pensions, dont sera faict une obligation à part du contenu de cest article, y estans expressément spéciffiés lesdictes pensions avec pouvoir que ledict S' Duc les en poIra lever chacun an sans aultre procuration ou pouvoir.

Au septiesme, nous promectons, en qualité que dessus, de ne départir l'ung de l'aultre, ny faire paix aulcunement, devant que toutes et chascunes sommes et debtes suivantes, selon les obligations qu'on aura d'icelles ne soyent payés ou ceulx ausquels l'on doibt assez asseurés et contents, singulièrement devant tous et tous les sommes qu'on doibt et devra au dict S'' Duc et Mons'^ le Prince Electeur son Père, ascavoir les deniers que ledict S' Duc aura avancé et déboursé en ceste guerre pour les dicls deux mil reustres, pour les Suisses et aultres gens de guerre et pour l'arlellerie et munition, comme dict est dessus, et généralement pour

les aiiltres frais qu'il aura faict pour l'année présente, selon les comptes qu'il en baillera, puis après la solde et paiement tant dudict S' Duc que de l'armée qu'il mènera à ceslheur. Tiercemenl, les cent mil florins que Mons. le Prince Electeur Palatin et aultres Princes d'AUemaigne ont fournis pour le voiage du colonel Bolzhausen. Quartement, les cincquante mil escus que ledicl S' Electeur preste asteur à la Royne d'Engleterre pour nous, selon nostre quilance el obligation. Quintement, ferons qu'il ne perde, ains qu'on luy paye les deux cens mil florins et tant de mil qu'on doibt aussi, encoires pardessus les sus dictes quatre vingts et quinze mil florins audict S"" Duc nostre cousin et à ses gens de son susdict voiaige en France. Enfin ferons payer aulx gens de feu Mons'' nostre cousin le Duc de Deux Ponts qui se trouveront en cesle année la reste de leur solde. Que si ledict S"" Duc venoit à mourir en ce voiaige, nous serons tenus et obligés pour tout en tout ce que dessus de poinct en poinct à ses héritiers ou tels successeurs qu'il nommera ou laira par escript, ou s'il n'aura personne nommé, à ceux que Mons'' l'Electeur son Père fera nommer alhors. Comme aussi sy et quant nous venons à mourir, néantmoings nos héritiers et successeurs el tant les Eglises réformées de France que tous nos associés catholiques, Princes, Seigneurs, gentilshommes, bourgeois el aultres, de quelque condition et qualité qu'ils soient adhérans astheur à ceste cause ou qu'il s'y pourroienl joindre, ne serons moins que nous mesmes en tout et par tout à ce que dessus obligés audict S'' Duc et, le cas advenant de sa mort, au susdicts successeurs. Et pour plus grande asseurance de tout ce que dessus nous promeclons sainctement pour nous et tous les susdicts Princes, Seigneurs, Gentilshommes et en général tant pour toutes les Eglises réformées que pour nos associés catholiques, tous et chescun solidement, de ne descendre de cheval, ensemble de n'entendre iamais à aulcun traicté de paix, composition ou accord, sans que premièrement et préalablement ledict S' Duc ne soit entièrement payé ou satisfaicl et contenté, nous obligeons très estroictement et jurant solemnement observer, exécuter, accomplir et entretenir et faire garder exactement de poinct en poinct ceste présente capitulation, selon sa forme et teneur, et n'y contrevenir directement ou indirectement, soubs obligation, engaigemenls et hipotèque entières de nos personnes, de nostre foy, nom, honneur et réputation, ensemble de tous et cliascunes nos biens, tant meubles qu'innieubles, noms, voix cl actions.

ET LE TRAITÉ DE SOLEURE iSS

présens et advenir. Nous soubmectons, en cas de contravention, d'estre tenu et réputé par tous peuples et nations de la terre d'estre perfides, desloyaux, ingrats et indignes de négocier à jamais avec les princes et gens d'honneur de la Ghrestienté, estans content et prions mesnne tous magistrats de luy assister en ce cas contre nous, tout ainsi que nous nous sommes obligés aususdicls trois clonnels (pom- colonels). En foy de quoy et asseurance, nous Prince de Condé, Charles de Montmorency, s'' de Meru, François de Ferrière et aultres, avons, avecq bonne et meure délibération de France et bonne volonté et propos délibéré, sans estre circonvenu ou contrainct, icy mis et apposé nos seings de nos mains propre, ensemble nous Prince de Condé le cachet de nos armes.

Et nous, Jean Casimir, conte Palatin du Rhin, duc de Bavières, confessons que noslre dict cousin Mons"^ le Prince de Condé ha convenu, en qualité que dessus, avec nous et faict toute teste présente capitulation de poinct en poinct, comme dessus, laquelle nous acceptons par ceste, promeclons et nous obligeons soubs semblable obligation que dessus et pareille à celle dudict Sieur Prince en parole et foy de Prince, par serment solennel, d'observer, exécuter, accomplir et entretenir par la grâce de Dieu tout ce à quoy nous sommes obligés en vertu d'icelle, suivant ce que précède : le premier article et le contenu du cinquiesme, ascavoir que non seulement mènerons et commanderons sous ledict Prince, comme chef esleu tant par les Eglises réformées de France que par les catholiques, leur associes, les six mil reustres que luy sont accordés par lesdicts trois colonnels, mais lèverons aussi pour son service d'avaintaige deux mil reustres, huict mil Suisses on aultres gens de piedt, leurs avançans, de nos moyens, les deniers pour ladicte levée, qu'amènerons avecq nous quatre canons, douze ou quinze pièces de campaigne et munitions et que servirons audict S"^ Prince pour général de ceste armée et des aultres que nous polrions lever ou qu'il se vouldroient ioindre avecq nous pour avec nostre artellerie les mener et commander sous luy pour son service et le favoriser, comme luy avons dit de bouche d'avantaige à conditions cy-dessus mises.

Item, quant nous serons installés, selon le contenu du cincquiesme article, tant au gouvernement des trois villes Metz, Thou et Verdun, et es citadelles et dépendances

d'elles, qu'en la jouissance pleine et seure du temporel des Eveschés es dicts trois villes, nous ferons serment de bien et loyaulment servir le Roy en la susdicte charge de gouverneur comme de coustume, sans contrevenir à nostre Religion, ains d'enretenir les ministres du pays du temporel des Eglises et y dresser l'exercice de la Religion réformée avec ses appendances et deppendances, sans exception et respect des lieux, temps ou persones. Puis après, de ne mectre guarnison esdicts trois villes, ny es citadelles eiaultres villes dépendantes et desdicts Eveschés que naturel François, lesquels, tant capiteines, officiers que soldats, ayent tesmoignaige, chascun de son Eglise, d'estre de la Religion réformée, et facent serment de garder les dicts places tant pour la seurté de celui de ladicte religion et de leur associés que pour celle dudict S'' Prince et la nostre mesme, affm que nous les guardions pour l'establissement de la seureté de la paix, tellement toutefois que, pour nostre court et ceux qui seront à l'entour de nous, nous puissions prendre, avoir et retenir serviteurs de nostre nation ou aullre.

En foy de quoy et asseurance de n'enfreindre aulcun des susdicts poincts, ains les accomplir et les faire garder entièrement, avons, après les avoir bien diligemment considéré, icy apposé le seing de nostre main, ensemble le cachet de nos armes, et, pour plus grande seurté, nous, toutes les deux parties, avons ainsi faict, signé et sellé trois exemplaires de ceste capitulation, desquelles une sera tant valable que toutes les trois; deux en retiendra ledict S' Duc et une nous, pour chascun s'en servir, quant il sera requis. Ainsi faict et accordé ce vingt-septiesme jour de Septembre l'an mil cinq cens-soixante-quinze.

Nous, Henri de Bourbon, prince de Condé, etc., chef esleu tant par les Eglises réformées de France que par les catholiques nos associés, ayans contracté avecq Mons' nostre cousin le Duc Jean Casimir, comte Palatin du Rhin, duc de Bavières, pour nous assister et secourir en la conservation de la couronne et des églises réformées de France, suyvant la capitulation réciproque faicte là dessus, ayans aussi considéré qu'il est très raisonnable et prouffitable de recongnoislre les faveurs que non seulement ledict S' Duc nous monstre à cesl heure, mais aussy les aultres grands plaisirs du passé pour lesqueles les Eglises réformées, voire la couronne de

France etlous fidèles serviteurs d'icelle,sont grandement obligésà Monsieur noslre cousin l'Electeur conte Palatin, son père, et à luy mesmes, et de nous unir tant plus en toute syncère et entière correspondance, confessons, promettons et nous obligeons sainctement, fermement et irrévocablement, pour nous, nos successeurs, hoirs, alliés et associés, de quelque religion, réformée ou catholicque, qu'ils soient, le cas advenant que, depuis ceste nostre expédition, Monsieur l'Electeur conte Palatin, nostre dict cousin, ayt affaire de secours de le venir trouver à sa demande en personne et bien accompaigné de Seigneurs de nostre parti avec six mil harquebuziers et deux mil chevaulx françois à nos despens troys mois durant ; comme aussy Monsieur l'Electeur sera tenu et promect, le cas aussy advenant, que despuis après ceste noslre expédition et mesmes la paix faicte, nous ayons pour nous, les Eglises réformées et associés, affaire de secours de nous faire retenir et souldoyer à ces despens et les faire conduire par Monsieur le Duc Casimir son fils, nostre cousin, où il sera de nous requis et que la nécessité le requerra, ung mois durant, six mil chevaulx, reustres allemands. Mais, au cas que, pendant la présente expédition, la nécessité des aftaires dudict Seigneur Electeur conte Palatin rappelasl ledici Seigneur Duc Casimir son (ils par deçà, luy sera permis sans luy donner ou faire donner empeschement, ains plus tost avecques nostre conduicle et seureté, se retirer avec sa maison et ce qu'il aura levé et amené de forces en l'armée et luy sera alhors faict payement ou donné asseurance dont il soit content, de ce qui luy sera deus et au gens de guerre qu'il aura levés. Toutefois, si, durant ceste expédition, le faix de la guerre et la plus grande force de l'ennemy tombe sur le Palalinat, nous serons tenus d'aller avecq nos associés et nos forces, quand et quand et ensemblemeiii secourir ledict Seigneur Electeur et le Palalinat, pour en divertir l'ennemi et faire pour luy, comme nous vouldrions faire pour nous mesmes.

D'avantaige, la paix se faisans, nous, nos successeurs, alliés et associés, serons tenus de conduire ledict S"" Duc Jean Casimir et son armée, ensemble leur bagage et tout ce qu'ils auront avec eulx en lieu de seureté et ceulx qui le demanderont aulx liontières et sur le fond de l'Empire sans que force ou dommaige aulcun leur soit faict. Et quant au temporel des Eveschés des trois villes de Metz, Thou et Verdun, et de leurs deppendaiices, d'aultanl que nostre dicl cousin le duc Jean Casimir en désire

estre bien eclaircy, pour ce qu'il pourroil advenir que le fils de Monsieur nostre cousin, le duc de Lorraine, en seroil en possession, nous entendons le cinquiesme article de la susdicte capitulation en ceste sorte qu'en ce cas nous ferons que le fils de nostre dict cousin Monsieur le Duc de Lorraine soit aultrement pourveu, affin que ledict S"" Duc Jean Casimir soit (sans en avoir aulcun querelle avec la maison de Lorraine ou aultres) installé au gouvernement desdicts trois villes, citadelles et deppendances, eten lajouissance des rentes, revenus et biens des Eveschés d'icelles et de leurs appartenances. Et s'il advenoil qu'il en fust par aulcuns, mesmes par le Roy, molesté, troublé ou forcé en ladicte possession, nous, nos successeurs, alliés, associés, et générallement tous ceulx es noms desquels nous procédons, de l'une et de l'aultre religion, serons obligés, à sa demande, de leur secourir, ayder et maintenir par tous nos moyens et forces, à nos despens, comme aussi de tenir et garder tous et chacuns les susdicts articles inviolablement et les faire confirmer et jurer parnos associés, princes et aultres, . quand nous serons entrés en France.

En tesmoignaige et asseurance de quoy, nous, prince de Condé, etc., et Charles de Mommorency, seigneur de Méru, etc., avons signé de nos mains deux originaulx de ceste obligation et y faict apposer le cachet de nos armes. Faict le 27^ jour du mois de Septembre l'an de grâce mil cinq cens soixante et quinze.

Tout ce que dessus est par nous, prince de Condé, faict et accordé sans en rien préiudicer à la capitulation qui fust hier passée et arrestée entre nous et Mous'' nostre Cousin le duc Jean Casimir, faict l'an et jour que dessus.

Henry de Bourbon.

Charles de Mommorency.

Auquel contracts nous sommes comprins, et pour ce nous confessons, par la présente, qu'en cas la paix fust faicte en France et les dictes capitulations fussent de poinct en poinct entièrement accomplis, que lors en cas de nécessité et que la paix ne fust tenue à ceulx de la Religion réformée, nous ferons secourir les Eglises pour leur

déCension par la conduicte de nostre dicl fils le Duc Jean Casimir avec force de six mil reustres allemands, lesquelles nous ferons lever et entretenir par ung mois, à nos despens, à condition que puis après ils seront souldoyés des Eglises et leurs associés, et au cas qu'ils nous secourassent aussi, comme la sucscripte obligation contient. D'avantaige, qu'ils envoyent alhors, quand ils auront besoing dudict nostre secours, gens de qualité, avec asseurances suffisiantes pour la reste du payement des deux aultres mois et ung mois de retraicte, si mieulx ne peult eslre capitulé avec les dictes reustres et qu'ils ne traictent ou facent aulcune paix ou composition sans que ce que nous aurons desboursé pour ladicle levée et solde d'ung mois nous soit payé ou deueument asseuré du Roy et de ceulx qu'auront rompus la paix. Tout en bonne foy et parole de Prince. En tesmoignage de quoy, Frederich, conte Palatin, avons subsigné la présente et cacheté de nostre cachet. Le 27 de Novembre l'an 1575.

Federicu Electeur Palatin.

La copie du traité était accompagnée d'une lettre d'envoi du Palatin ainsi conçue : A Messieurs nos bons amis les Sindicqs de la Ville de Genève.

Messieurs,

Le S' de Bèze ha charge de moy de vous dire et délivrer quelque chose de ma part. Parquoy m'asseurant tant de voslre fidélité et prudhommie que de la sienne, ne feray cesle plus longue, ains, vous présentant ma bonne afi'eclion en tout et partout, prieray Dieu, Messieurs, de vous avoir en sa saincte garde. Escriple à Heydelberg ce premier jour de Décembre l'an 1575.

Frédéricii Electeur Palatin.

158 GENÈVE, LE rAPxTl HUGUENOT

Le Palatin aux Syndics el Conseil de Genève. (Arch. de Genève, Porlef. hist. n° 1821.)

Messieurs les Syndiques el Conseil de la Cité de Genève.

Très chers el bien aymés,

Nous vous as.seurons qu'auras desia entendu par le rapport de nostre cher et féal conseiller, Pierre Beuterich, docteur ès-loix, les causes qui nous esmeuvent de faire provision de quelque bonne somme de deniers pour les emploier à l'utilité de nos duchés et terres. Et sur ceste nostre demande nous a esté vostre responce fort agréable, par laquelle, sans faire aultre difficulté, aves aulicl (1) nostre conseiller déclaré que vous estiez prest de nous faire tenir la somme requise sur caution suffisante à raisonnable intérest te cinq pour cent, suivant les ortonnances lu St Empire, puisque la présente nécessité le requiert ainsy, mais, d'aultant que depuis n'avons reçeu tu tict nostre consellier aulcune finalle résolution, craignans ou qu'il ne soit par aultres affaires empesché ou que vous, paravanture, n'ayez cependant trouvé quelque aultre empeschemenl ou difficulté pour ceste cause (d'aultant que cest affaire nous importe), n'avons voulu failler de vous requérir derechef par la présente que veulliez, comme bons voisins el aniys, suyvant l'espérance qu'avons conceue de vous, nous (aire tenir promptement, par les mains du présent noslre commis et député, la somme demandée de dix mille escus, ou (si votre commotité ne la porte aultrement) le huict ou pour le moins six mille escus, pour nous en servir, comme dict est. En ce faisant, vous nous démonslrerez office de bons voisins, qui nous sera agréable, lequel, non

(1) Pour audicl; celle erreur d'orthographe, qui résulled'un défaut de prononcialiori, se reproduit Iréquemiiient dans le resle de la lellre : W pour de, tu pour du, elc.

seulement par caution suffîçanté, ains aussi par tous aultres tevoirs etrnoiens, tascherons te recognoistre en vostre endroict, ausquels sontjmes et temeurons, comme à nos amys et bons voisins, prests à demonstrer toute faveur.

De Heydelberg, ce 2 d'Octobre l'an 1575.

Frédéric Electeur Palatin.

Le Prince de Condé au Conseil de Genève. (Arcli. de Genève, Porlef. hisl. n" 1952)

Messieurs les Scindics et Conseil de Genève.

Messieurs,

Ayant retenu W Mare, présent porteur, pour mon appolhicaire, je n'ay voulu oublier à vous faire la présente pour vous pryer bien affectueusement que, pendant son absence, sa famille, laquelle reste dans vostre ville, vous soit tellement recommandée qu'en ma faveur vous la gratiffîez en tout ce qu'il vous sera possible, ce que je m'asseure que vous ferez de tant plus volontiers que je croy que vous serez bien aises qu'il face service à l'armée que j'espère de brief conduyre en France, et n'eslans ceste présente à autre fin que pour me recommander à vos bonnes grâces, je prieray Dieu, Messieurs, qu'il vous maintienne longuement en très bonne santé longue et heureuse vye.

Escript à Strasbourg ce 20 jour d'Octobre 1575.

Vostre plus affectionné et meilleur amy à iamais.

Henry de Bourbon.

Je vous envoyé la protestation que Monseigneur le Duo a faicle depuis son partemenl de la Cour.

Le Duc d'Alençon au Conseil de Genève.

(Arch. (le Genève, Porlef. hisl. 11° 1970.)

Messieurs mes bons amys,

La longue expérience que ce royaume a tousiours eu par le passé de vos sincères et bien affectionnées volontés au bien et repos d'icelluy et l'asseurance qui m'en a aussi esté donnée par les S" de Beauvais, La Nocle son frère, et Davantigny, gentilsbommes d'honneur et de vertu, me fait croire et tenir asseuré qu'elles ne sont en rien diminuées, mais bien plustost acreue et augmentée par les justes et très équitables moiens et occasions, qui se présentent maintenant, aquelles je vous prie affectueusement de vouloir continuer de bien en mieux, non seulement de vos bons advis et très sages conseils, mais aussi de tous autres moiens et commodités que Dieu vous a donnés, ainsi que ledict S' de la Nocle le vous dira de ma part et pour la suffisance duquel ne vous en feray plus long discours ; je vous envoyé la déclaration que j'ay faicte sur ma retraitte d'auprès du Roy, Mon Seigneur et frère, par laquelle pourres plus amplement juger et cognoislre l'équité de ma cause, la protection de laquelle je me tiens asseuré qu'aures en telle recommandation que la grandeur du fait le mérite, priant Dieu, Messieurs mes bons amys, vous avoir en sa très saincte et digpe garde.

Escrit au camp de Pontlevoy le 24'" jour d'Octobre 1575. Voslre entièrement bon amy.

Françoys.

Gui de Laval au Conseil de Genève.

(Arch. de Genève, Portef. htst. n" 19CC;

Messieurs les Magnificques Seigneurs, Messieurs les Scindicqs et Conseil de la Ville el cité de Genève.

Messieurs,

Vous m'aves par cy devant faict ceste faveur de m'accorder libérallemeni par forme de prest la sonnme de douze cens escus sol, laquelle je pensois trouver entre les mains de ma seur, Madamoiselle de Laval, mais j'ay entendu que celuy qui avoit accordé d'estre fiance pour moy s'est rendu si dificile envers les arriefiances pour avoir demandé d'eulx plusieurs conditions déraisonnables, qu'ils n'ont voulhi s'obliger à luy. Cependant le secours qu'il vous avoil pieu de m'accorder demeure sans effect et moy en grand peyne pour me trouver en plus de nécessité que je n'estois lors, qui me faict envoler devers vous le S'' de la Vallière avec ceste lettre pour vous supplier bien humblement, Messieurs, que, me continuant ceste mesme première faveur, il vous plaise de m aider de ladicte somme de douze cens escus sol, soubs la caution du S"' de Cugy, trop plus responsable que le premier qui vous avoil esté nommé et par l'obligation que le dict S' de La Vallière vous en fera avec luy en mon nom, suyvant le pouvoir qu'il en a de moy, qui, avec tant d'aultres biens faicls el honneur que j'ay receus de vos Magnificences, vous demeureray infiniment obligé de cestuy cy pour vous obéir et faire service, quand il plaira à Dieu m'en donner les moiens, comme j'en ay la vollonté, avec laquelle je le supplieray en cest endroict. Messieurs, qu'il vous accroisse en toute prospérité pour tousiours servir à sa gloire, me recommandant bien humblement à vos bonnes grâces.

De Berne le 18 Novembre 1575.

Vostre bien humble et afiectionné à vous faire service.

Guy de Laval.

Le Valatin au Conseil de Genève.

(Arcli. (le Genève, Portef. hisl. n" 1821)

A Messieurs les Syndiques et Conseil de la Ville de Genève, nos bons amis.

Fridcfich, par la grâce de Dien conle Palatin du Rhin, Electeur du Sainct Empire, Duc de Bavire, aux Syndiques et Conseil de la Ville de Genève, saint

Messieurs,

Me faisant Monsieur de Bèze, qui est auprès du vous, ce plaisir de m'envriior par deçà aucune fois par messagiers exprès des pacques venants du camp de mon très cher fds le duc Jean Casimir, qui est en France, et luy faisant pareillement tenir les miens (|ue je luy envoie, à quoy il luy fault faire sans double aucune fois des grands frais, pourtant, afin qu'il ne luy manque en argent pour ce faire, je vous ay bien volu prier de luy advancer des deniers en mon nom, autant que la nécessité le requerra. Et ce taisant, m'obligerez non seulement au remboursement qui sera fait par moy, sans deslay, desdicts deniers qu'aures desploier pour moy, mais à une gratitude par tous bons offices et partout où le temps et l'occasion me le permettiay. Priant nostre bon Dieu, Messieurs, vous maintenir lousiours en bon estât et en sa saincte et digne garde.

De Heydelberg ce 17^ jour de Mars l'an 1576.

(Sans signature)

Le Ducd'Alençon au Conseil de Genève.

(Arch. (le Genève. Porlcf.hisl. n" 1970).

A Messieurs mes bons amys, les conseillers et communiaulié de la ville de Genefve.

Messieurs mes bons Amys,

S'en allant par delà le S^ de Cornaton, présent porteur, je vous ay bien voulu escrire la présente pour vous remercier autant affectueusement que faire je puis, des bons offices qu'il vous a tousiours pieu faire et démonstrer en ce qui cesl offert et présenté pour le bien et advancement de mon service, dont je me sens tellement obligé envers vous que vous pouvez vous asseurer ne vous estre iamais employé pour prince qui le scache mieulx recongnoistre, soyt en général ou particulier, que je feray en tout ce qui s'offrira pour vous, ainsy que pourrez, plus amplement congnoistre par les effects, qui me gardera vous en faire autre persuasion, vous priant de vouloir continuer en cesle affection et bonne volonté et d'avoir tousiours pour recommandé ce qui me touchera, comme j'auray aussi de ma part tout ce qui vous appartiendra.

Priant Dieu, Messieurs mes bons amys, vous avoir eu sa trèssaincte et digne earde.

Escript à Chastillon sur Seyne le 13 de Juing 1576. Vostre bien bon amy,

Françoys

t GENEVE, LE PARTI HUGUENOT

Le Duc (ÏAlençon au Conseil de Genève.

(Arcli. de Genève, Porlef. hisl. n" 1970)

A Messieurs les Gouverneurs de Genève.

Messieurs,

Aiant entendu que ceulx qui tiennent en gaige les bagues du S'^ de Thoré, mon cousin, pour la partie d'onze mil cinq cens escus, qui luy fust prestée à Genève pour faire la levée des reitres, sont en propos de vendre les dicts bagues, parceque le terme du desgaigement est escheu, désirant retarder ladicte vente, tant pour ce que s'estant ainsi libérallement exposé mondict cousin pour le bien commun de ce party, il n'est raisonnable qu'il porte une si grande perte que pour n'avoir moien si prompt de les retirer, je vous ai faict la présente pour vous pour le plus affectueusement qu'il m'est possible employer tellement vostre crédit et faveur en cest endroict pour l'amour de moy, que ceulx qui ont lesdictes bagues en surseent la vente jusques à la fin du moys d'Octobre prochain, dans lequel je me promets leur faire donner toute satisfaction et si me revancheray particullièrement de ceste courtoisie en tous les endroicts on ils me vouldront requérir de m'employer pour eulx et vous, aussi d'aussi bon cueur que je vous prye et le Créateur vous avoir, Messieurs, en sa saincte et digne garde.

De Bourges ce 8^ jour d'Aoust 1576.

Vostre amy.

Franco YS.

ET LE TUAiTÉ DE SOLEURE 165

Le Palatin au Conseil de Genève.

(Arch. (le Genève, Portef. hhl. n° 1821)

Messieurs les Syndiques et Conseil de la Ville de Genève.

Messieurs les Syndiques et Conseil de la Ville de Genève, j'envoie vers vous mon loyal et fidèle conseillier, le S-^ Jehan Guillaume Bolzheim, docteur en droict, pour quelque mien affaire, vous priant le vouloir ouïr et adiouster foy, comme à moy mesme, à ce qu'il vous dira de ma part, qui me sera fort agréable et à recognoistre en pareil cas où l'occasion s'offre. Priant nostre Dieu, Messieurs, vous augmenter ses grâces et maintenir en sa saincte garde et protection.

De Heydelberg ce 4 de Septembre l'an 1576.

Frédéric Electeur Palatin.

Le Duc d'Alençon au Conseil de Genève.

(Arch. de Genève, Portef. hist. n° 1970).

Aux Magnificques Seigneurs, Messieurs les Sindiques et Conseil de la Ville de Genève-

Magnificques Seigneurs,

Désirant recouvrer quelque somme d'argent pour estre employée vers vostre quartier en certains affaires qui m'importent grandement, me confyanl de vostre

Ige GENÈVE, LE PARTI HUGUENOT

bienveillance et sur l'espérance que j'ay de vous, j'ay advisé, pour l'asseurance de l'amityé et bonne volunlé que me portiez, de vous envoyer les S" de Rezé, nion secrétaire, et de Matharet, ou l'un d'eux, porteur de la présente, pour vous prier, comme je fais le plus affectueusement que je puis, de me prester pour ung an. entier, sy faire pouvez, ou à tout le moings pour six moys, la somme de trois mil escus d'or soleil, et icelle délivrer es mains desdicts S''^ de Rezé et de Matharet ou tous deux, s'ils y vont, ausquels j'ay passé procuration et pouvoir spécial pour icelle recepvoir et prandre, soyt en prest pur et simple ou à constitution de rente, sy besoing est, sur tous et chacuns mes biens, pour satisfaire aux affaires pour lesquels je désire tirer ceste commodité de vous et vous asseurer, outre que je ne fauldray de vous faire rendre ladicte somme au temps qui sera convenu entre vous, je me senliray infinyment tenu du plaisir que vous me ferez en ce faisant et que je m'employeray, comme j'ay desja bien commencé, pour conduire l'affaire dont vous m'aves escript et faict parler, de telle façon que vous en aurez contentement, comme plus particuUièrement vous entendrés par les dessusdicts porteurs, ausquels me remectant, je prieray Dieu vous donner, Magnifiques Seigneurs, en toute prospérité ce que plus désires.

Du Plessis-les-Tours, le vingtiesme jour d'Octobre 1576.

Vostre bien bon amy.

Françoys.

Roset el Chevalier aux envoyés de France, Haute fort et Sancy.

Copie.

(Arcli. de Genève, Portef. hisl. a" '2010)

Messeigneurs, Ceux qui ont à requérir bénéfice d'aulruy n'ayant autre entrée doivent pour le moins garder tous les ropi'cls (|tii soiiL les plus conveiiiiblcs, qui lait (juu, iw pouvans

pour certains esgards que vos prudences scauront trop bien considérer, nous addresser à vous, comme nous eussions désiré, pour vous faire les recommandations de nos supérieurs et vous prier d'une chose qui leur est de grande importance et de petite conséquence à Sa Majesté, nous avons usé de l'opportunité du Seigneur de Grissac que nous avons rencontré icy et luy avons remonstré ce que nous avons entendu ces iours en caste ville des bons moyens proiectés pour la seurté de nostre ville, et d'autant qu'en iceux avons apperceu un point qui enlève presque toute la' iouissanceet douceur de ceste négoliation à ceux de nostre dicte ville, nous désirerions de trouver à cela quelque bon expédient. Et à cest efïect avons advisé de vous envoyer le S'' Caille, présent porteur lldelle à nos Seig'^^S tant pour nous excuser de ce que dessus que pour vous requérir très affectueusement qu'il vous plaise, suyvant vos heureux commencemens, nous aider, secourir et favoriser en ce besoing, dont nous espérons que n'aures iamais occasion de vous repentir, ny eschéanl dommage qui soit pour Sa .Maiesté. Et laisseres à nos Seigneurs de quoy louer Dieu et conserver la mémoire d'un tel bénéfice. Surquoy, nous recommandant bien humblement à vos bonnes grâces, Mt^sseignenrs. prierons Dieu vous donner en bonne santé longue et heureuse vie.

De Berne ce 13* May 1579.

BeUièvre et Harlay, ambassadeurs de France, à Rosct et Chevalier. (Arcti. lie Genève, Portef. hist. n° 2009)

-Messieurs Roset et Chevallier, ambassadeurs de la ville de Genève, à Berne.

Messieurs,

Pour responce à la lettre qu'il vous a pieu nous escrire par le Seigneur Callier et à ce qu'il nous a dict de voslre part, principalement pour le regard du commerce

et de l'exemption que vous désyreries estre accordée à Messieurs les habilans de vostre ville, nous vous dirons que Messieurs les Ambassadeurs de la Ville et Canton de Berne nous avoient déjà faict là-dessus toutes les remonslrances et instances que vous mesmes nous auries sceu faire, comme aussi nous leur avons de nostre part franchement et ouvertement déclairé ce qui estoyt à nostre pouvoir; vous priant de croire que, si nous eussions estimé qu'il nous eust esté loysible de passer oultre, nous l'aurions faict et le ferions encores de bon cœur, mais il ne vous serviroyt de rien non plus que à nous, et si seroyt plus lost occasion de faire rompre tout avec plus de mescontenlement et de préjudice de toutes les parties ensemble. Ce n'est pas que nous ne considérions asses ce qui nous a esté fort bien déduit par ledictS'' Caillié du peu de riches marchands que vous avez en voslre dicte ville et par conséquent du peu d'intérêts qui en reviendroyt aux droicls du Roy ou à ses subiects, mais vous pouvez penser que pourtant il n'est pas aisé d'en rendre si tost chascun capable ; mesraement que l'on diroyt tousiours que, au moyen deladicte exemption, les facultés de la ville ne fauldroient avec le temps d'augmenter et par mesme moyen ledict interest. Cependant ce traiclé se trouveroyt interrompu, en danger de ne pouvoir jamais plus estre reprins ne renoué. Qui est la cause que nous vous prions de ne vous arrester à ladicte difficulté ne aultre quelconque pour les raisons que nous avons touchées audict S'" Cailler et que, par vos prudences, vous pourrez assez considérer. Je, de Haultefort, estoys délibéré de partir précisément demain, néantmoins, affin de donner un peu plus de loysir à Messieurs de Berne et à vous de vous résouldre entièrement, je différeray jusques à samedy prochain, ne m' estant possible de le faire davantaige pour divers respects, et croyez, s'il vous plail, que cest tout ce que nous vous pouvons dire ou faire en cest endroict. A tant nous nous recommandons très affectueusement à vos bonnes grâces, en priant Dieu qu'il vous donne, Messieurs, très longues et heureuses vies.

De Solleurre, ce 13* jour de May 1579.

Vos bien affectionés amys à vous faire plaisir et service

Bellièvre.

De IIarlay.

Roset et Chevalier au Conseil de Genève. (Arch. de Genève, Porlef. hist. n° 2010)

Magnifiques et très honorés Seigneurs,

Depuys nostre dernière dépesche par Bramerel, vostre serviteur, nous tenions main à pouvoir départir d'ycy, nnais l'Amb"' de son Altesse s'advisa, disant qu'il ne nous pouvoit bailler les lettres aux Cantons qu'en recevant les vostres, et puysqu'il pendoit encor d'adviser et respondre par nous sur le secrétaire et sur le point des Seigneurs de Berne, qu'il falloit attendre la résolution, et cependant nous signa et cacheta le despart, dont avons cy devant envoyée la minute ; pendant cela arrivarenl les Seigneurs de Diespach et Dillier (Tillier), revenans de Soleure, ayans conclu avec les Ambassadeurs de France et avec les S''* de Soleure ; ce fut samedy bien tard. Le lendemain, après le sermon, les Seigneurs s'assemblarent extraordinairemenl pour entendre ces nouvelles, dont on ne nous volui rien découvrir, fors ce qu'en avions auparavant aperceu, estimant que Messieurs de deçà, ayans le toulveu, nous communiqueroient ce qui nous concerne. Il estoit arrivé encor un nouvau Ambassadeur de Savoye, qui est homme d'âge, viballi d'Augste, homme d'aparence et a son parler bénin, tardif et advisé, et qui scait allemand; lesquels deux nous avoient fait convier au diner, dont les avions remerciés pour affaires. Mons'' l'Advoyer Steiguer fut avec eulx, es devis duquel nous aperceumes depuys qu'il se falloit bien peu fier au Roy et que leurs bourgeois en parloient fort et qu'il seroit bon de faire avec M'' de Savoye. Nous remontrions qu'il falloit se servir prudemment de tôles pièces et que, si nous avions les articles, nous en pourrions parler plus ouvertement. Il nous parloit du retranchement ou réserve à nostre préiudice et de l'article de ne retirer les ennemys que s'il s'enlendoit de la religion et seroit chose pernilieuse. Nous remontrions nostre désir sur les péages et commerce et que c' estoit peu au Roy et de l'autre point qu'on ne le passeroit jamais en ceste intelligence. I.e requérions

de s'ayder à ce que les choses fussent bien entendues. Il nous dit, quant au premier, qu'il n'estoit pas possible de l'obtenir, au second qu'on y adviseroit. Le lendemain furent tenus les Deux Cens. Au sortir, le S"" de Diespach nous fit compagnie, lequel nous dit que ce matin avoit esté faite chose d'un très grand dommage à une ville de Genève et estoit fort fasché et que tout esioit renversé sans cause et sans raison et qu'on avoit prins terme de troys moys à respondre ; cependant ceux de Soleurre avoient prins à se résoudre aujourd'huy, comme ils auront fait, et que eulx et l'Amb'' prendroient en fort mauvaise part ce délay et que ce n'est pas avec le Roy de France qu'il se faut ainsin porter. On a requys ceux de Soleurre. lisse sont joints à requérir le Roy. Le Roy a tout accordé ce qu'on luy a demandé, hors mys ce point des péages, et maintenant ou remontre qu'il ne faut pas négotier avec luy. L'Amb. de Savoye a grand crédit et qu'il veoit bien que tout est rompu, luy remontrant que peult estre que non est, mays qu'il pourroit servir à obtenir ce point des péages. Il me dit : non fera, mais rompra tout. Nous prenons prétexte sus ce que les Amb. ont réservé de raporter au Roy et d'envoyer les dépêches, lettres et seaux de France dedans troys moys. Mais cela s'entend, si nous y consentons des deux coslés, Rerne et Soleure, car quant au Roy, il est passé. Et ne scavons cognoitre l'occasion, quand elle est à la porte, (nous dîmes) : Le pourrions-nous pas veoir que c'est pour adviser plus outre et nous ayder en quelque chose. (Il dit) : il faudra bien que vous le voyez, car cela vous concerne, parle/.-en à Mons"" l'Advoyer Steiguer. Iceluy S' Advoyer demeura bien tard avec les S'^^ de Savoye et, à son retour, monta à cheval et s'en alla à Muntzigen. Ledict S"^ de Diespach fut lieutenant, lequel nous priâmes de nous faire avoir la doble. Il promit d'en parler au Conseil. Sur le soir, lûmes vi.siter les Seigneurs de Savoye pour les remercier du convoy et saluer le nouveau venu, et, après certains bons propos, le S"" de Jacob réiouy nous disoit que nous n'estions pas encore Françoys. Nous luirespondîmes qu'il fait bon ne se haster pas trop en choses de conséquence et pleut à Dieu que dès longtemps fussions de bon accord. Il nous dit que son Altesse ne pourroit souffrir qu'autre y vint mettre la main et n'usoit que de moyens amiables, ayant conquys avec l'espée au commencement ; et puys dit : Je crçy que s'il estoit question d'avoir prince, encor aymeries-vous mieux Son Altesse, prince tout humain 1 1 véritable, tenant sa paroilu, que les Françoys. Nous luy respondîmes (jue nos

Seigneurs n'auroient point reculé à tous bons moyens, mais qu'on leur avoil tousiours demandé ce qu'ils n'accorderont jamais, ny vent ny fumée, et au surplus qu'il n'y a point de choix ny de l'un ny de l'autre et qu'on se peut passer de parler de cela ; Dieu nous a gardés jusqu'aujourdhuy. — Bien, dit-il, on verra qui aura droit; il s'agit de cela, nous sommes en bons termes : vous aurez affaire à un bon et bien affectionné seigneur, lequel en est party devostre ville; c'est M. 31illet (1) qui s'y trouvera.

Le mardy nous arriva après diner vostre messagier et sur le soii' le S'' Anselme Callie avec vos lettres. Or avions-nous décoverl par le menu que cela estoit advenu en Deux-Cens, c'est que, sur une remontrance faite par M. l'Advoyer, le Conseil s'estoit trouvé au point de rompre tout, mais encor pour attendre la journée, qu'on avoit prys le terme de troys moys. Quelques uns des principaux de vos bons amys nous advertirent, disans : ne vous fiez pas en chacun. M. de Jacob parle par la bouche de quelques uns. Nous avons donc fait diligence pour obtenir la copie du traité. M. de Diespach (estant absent M. Steiguer l'advoyer qui s'en estoit allé à Muntzigen où il a demeuré jusqu'au vendredi) nous promit d'en parler en Conseil, mais il nous bailla pour responce que Messieurs avoient dit qu'il en falloit premièrement encor conférer avec Messieurs de Soleure, devant que le nous délivrer. Nous luy dîmes par avanlure, l'ayans veu en lieu que nous ne povons maintenant que nous taire : pourrions-nous dire ou faire quelque chose qui serviroil à ne rompre pas chose de si grande importance. Il en reparla donc le Jeudy, si que l'original et sa translation nous a esté mys entre mains et en avons prins copie, comme verrez. L'original est en françoys, signé par les deux Ambassadeurs. Nous y avons trouvé principalement à redire ce qui est en huit articles à part, dont nous avons parlé particulièrement et fait remontrances au possible, ensemble qu'un tel œuvre fut de si près considéré qu'on ne perdit pas l'occasion. Cependant nous fumes par devers les Amb" du Duc, disans avoir receue responce de nos Seigneurs par laquelle ils avoienl aggréé ce que avoit esté convenu entre eulx et nous lochanl la journée, afiin de ne la retarder, et nous avoient envoyées lettres par les

(1) Louis Millet, baron de Faverges et de Clialles, ne à Ghaiiibéry le 26 Juin 1527, iiiorL à Moncalier le 12 Février 1599, fut premier président du Sénat de Savoie en 1571, Chancelier de ce duclié en 1580. 11 fui chargé d'iniporlanles ambassades auprès du Roi de France el des cantons suisses. C'est de lui (jue descendent lesconiles de Faverges, les marquis de Clialles et ceux d'Arvillars.