XXV. —- AU CHANCELIER (?) G

Archives municipales de Bordeaux, ms. Delpit, f° 186 v°-187 r°, copie. Monseigneur,

Je n'eus jamais cest honneur d’estre employé à vostre service ; ore qu'autant que nul autre de vos serviteurs j’en ay desiré les moyens, si est ce que les faveurs que j’ay d’autres fois receu de vous et l’intercession de monsieur de la Mothe Fenelon, dont je me suis voulu ayder pour intervenir envers vous, m'ont fait entreprendre de requerir votre assistance en ce mien affaire.

Jai resigné, soubz le bon plaisir du Roi, au sieur de Primet, mon frère, mon office de conseiller, auquel j'ai servi 23 ans avec toute linteorité et bon debvoir qu’il m’a esté possible 2. J’en sors plus vieus et plus maladif, mais non plus riche que lors que je y entray. Il m'est deu de mes gages douse cens escus et plus. Il en estoit deu à feu mon père, qui estoit un des dignes conseillers de ce royaume, qui avoit servi en ce Parlement 38 ans, huict cent escus. Je vous voudrois bien suplier, Monseigneur, qu’en consideration de mes services et de mondit père et de ce qui m'est dheub, que je sois deschargé, à cause de ladite resignation, tant du droit de finance pour icelle que pareillement du marc d’or, et neantmoins que mon entrée, sceance et vois deliberative, rang et place me soit reservée. Je ne fais doute que, s’il vous plait favoriser de vostre autorité ceste miene requeste, qu'elle ne me soit accordée, adjoustant celle cy aus autres obligations que je vous ai. J’en garderai à jamais là memoire bien vifve pour vouer tout ce qui sera de mon estude et de mon affection à vostre très humble service et des vostres, et vous suplie très humblement me vouloir excuser si, parmi tant de laborieus services que vous faites à

r, En juillet 1582 (Voir plus haut, p. 17).

2. Nous ne connaissons pas autrement ce projet de résignation, auquel Malvyn ne fut sans doute pas autorisé à donner suite.

ceste couronne, jose par mon importunité survenir à vos importantes occupations. Je n’ai autre deffanse pour moi que vostre vertu et que je suis et veus estre pour jamais.