i' réd. : // désire grandement qu'il soit dit

Pichon ; et si, d'avanturc, la considération publicquc quy doit principallement estrc recogneue en cest aflfaire fait tenir audit de Malvyn des propos moins agréables audit Pichon, il l'excusera ' sur la nécessité de ce subjet quy possible ne se peut traictcr autrement.

Ledit de Malvyn aussy declairc qu'il ne se veut nullement rendre partie au rang et presscancc prétendue par ledit Pichon, et qu'il choisiroit plustost non seulement quitter la presseance dudit Pichon, mais voire son office que de vouloir debatre comme partie la preferance audit Pichon. Car ore qu'il semble que ledit de Malvyn ayt interest particulier à ladite presseance, si est-ce qu'il n'a jamais faict compte de telles vanités et fumées de precedences, voyant tous les jours un grand nombre de nouveaulx hommes qui ne sont de son rang, ny de sa qualité, ny de sa volée, et possible moins experimantés que luy, qui le précèdent. Celluy qui occupe la place d'ung homme de bien tient un rang assés honorable ; et, comme disoit ung ancien, l'homme de bien, ore qu'il soit personne privée, est réputé neantmoins pour magistrat, pour ce que la vertu porte tousjours les armoiries et les marques de la magistrature. Au moyen de quoy bien voulontiers ledit de Malvyn, pour son regard, quitera non seulement le premier rang audit de Pichon, mais aussi à tout aultre, si faire se doit et que les lois publicques et particulières le puissent permettre. Or la Cour jugera, s'il luy plait, qu'est-ce qu'elle peut et doit décider en ceste hypothèse, s'en remettant du tout ledit de Malvyn à sa discrétion.

Premièrement, il est certain que ledit de Pichon a demeuré interdit neuf ou dix ans et plus sans avoir faict nul exercice de sa charge. L'interdiction et condempnation quy est intei'venue contre luy, ore que ce soit en une aultre compagnie souveraine, provient des causes que la Cour n'ignore point. Cependent ceus quy ont tousjours travaillé, s'il le fault dire ainsy, dans l'estade d'Hercule et ont couru à grosse haleine en la lice de la vertu, ne doibvent pas estre de pire condition que ceus quy en ont esté chassés, et ne doivent pas ceus cy remporter le pris d'honeur et devancer ceus lesquelz y ont tousjours demeuré, s'en acquitant dignement et ayant plus longuement servy que ledit de Pichon. Il est notoire que ledit de Pichon a servy quinze ou seze ans avant l'interdiction. Il n'y peut avoir donc aucune apparence qu'il doibve précéder ceulx qui ont servy vingt et cinq et vingt et six ans. Il y a des lois bien expresses qui disent que celuy qui s'est absenté pour cinq ans de son collège et de sa compaignie, ore que la cause de l'absance soit volontaire seullement, et non ignominieuse, doit perdre son rang en faveur de ceus qui, pendent son absance, ont continuellement servy et ont devancé les années du service