I* réd. : monsieur

point restitue aulx amandes qu'il a payées pour les causes pies '; il n'est point restitué aulx despens esquclz il avoit esté condempné envers la partie. Il n'est point restitué aulx gages qu'il eust prins et perceu s'il eut tousjours excercé, ains au contraire tout cela luy est oslé par l'arrest de sa restitution, et partant, par ung argument invincible, suyvant la loy il n'est point restitué aulx services, et ne luy peut ayder de chose quelconque la loy première au code de ceus quy ont estécondempnés et restitués, pour ce que la restitution dudit Pichon n'est ny pleine, ny entière. Et ne peult estre considérable qu'il a esté remis en son estât par ledit arrest, pour ce qu'il y a bien grande differànce, comme enseignent les mesmes décisions des empereurs, d'estre remis et retably en son corps et collège ou bien d'estre remis au mesme rang, ordre, presseance et prérogative. Ledit de Malvyn interrogeroit voulontiers la conscience du dit ^ de Pichon, si en sa restitution les marques et cicatrices de sa condempnation n'y sont bien profondement gravées et, s'il veut aymer la vérité, si elles ne paroissent non guières moins difformes que les playes qu'il avoit auparavant receues.

La question doncques est quel rang il doit tenir céans. Ledit de Malvyn ne s'amusera point aulx diverses opinions qu'on peut recuillir de divers endroitz dans les auteurs qui se sont étendus bien au long sur ceste matière 5. Les aucuns le mettent en la place dernière de son collège ; les aultres luy bailhent rang euesgard au temps de son service ; les aultres luy ordonnent le mesme rang et presseance qu'il avoit lors de son interdiction , c'est à sçavoir, s'il estoit le dixiesme, vingtiesme outrentiesmeen rang, il[s] le declairent aussi estre le dixiesme, vingtiesme ou trentiesme en son collège ou corps duquel il avoit esté privé. Mais, quelque rang qu'il puisse tenir, il ne peut tenir celluy qu'il demande aujourd'huy, c'est à sçavoir d'estre le troisième conseillier, estant le douziesme lors qu'il fut interdit, et, n'ayant servy que quinze ans, précéder ceulx qui ont servy vingt et six, et estre remis et retably en ung rang plus avancé que celluy qu'il avoit lors de sa démission. Oultreles raisons susdites, on peut alléguer ceste-cy +, qu'ordinaire-