I* réd. : envers le peuple

$. I' réd. : aulx compagnies souveraines.

COURTEAULT. Û

mais de la mémoire de toutz les eages passés, c'est la saincleté et l'intégrité, pour ce que les pièces qui les composent doibvent estre personnes graves, sainctes, sévères, comblées de suffisance, de doctrine et d'intégrité. Nous sommes comme les gardiens et les trésoriers des lois divines et humaines. Le roy nous a consigné ce depost. C'est bien à la Cour d'aviser quelles personnes elle reçoit, et en quel lieu et en quel rang, pour en estre les dépositaires. Et quant il seroit ainsi que le dedans de nostre parlement ne fut partout ^ orné de si vifves clartés comme il seroit désirable, si est-ce qu'il est requis que le dehors et apparance en soit belle et spécieuse et n'ayt nulle difformité notable. La justice est ^a règle de tous les aultres estatz. Si elle se plie et se courbe, à quel modelle pourra on redresser ce qui sera oblique et tourtu ? Ne fournissons point à l'envie et à la calomnie les argumentz pour mesdire de l'honeur de ce parlejnent : ce ne seroit que luy bailler trop d'avantage si l'on voyoit en public ^ ledit Pichon estre au premier lieu et plus eminent de ceste compaignie. On sera loing de ce danger si on luy baille place céans selon le temps de son service. Ce sera tousjours quelque mal ; mais le mal en sera beaucoup moindre.

Et s'il croyoit ses amys et bienveuillans, ainsi que ledit de Malvyn l'a ouy dire, ledit de Pichon se contenteroit de l'honeur qu'il a d'estre restably et cercheroit bien tost ung successeur ou resignataire. La Cour en ordonnera ce qu'il luy plaira ; mais ledit de Malvyn ne veut jamais parler céans, si l'honneur et la dignité de la justice ne le touche beaucoup plus que toutes aultres considérations. Il ne parle point comme partie, car il declaire de rechef qu'il ne l'est et ne le veut estre. Il en parle seulement comme conseillier de céans, zélateur du service du roy, de la décence et honneur de ceste compaignie. L'affaire est si important qu'il mérite que la Cour y avise et y donne ung bon et digne reiglement d'elle et dont l'exemple puisse parvenir à noz successeurs et servir de loy et de monument honorable de nostre intégrité. Il ne veut récuser personne, bien qu'il y ayt dix ou douze de messieurs les presidantz et conseilliers céans recuzés en ses causes, et ne veut tenir récusés en ceste proposition les plus proches parens et alliés dudit sieur de Pichon. Bien desireroit il que s'il y avoit lieu de récusations, que messieurs d'Alesme l'aisné, lequel l'a recuzé en toutes ses causes et des siens, le puisné, qui est allé dudit sieur de Pichon 3 , voulussent s'abstenir d'estre juges en cest affaire.

De Malvyn.