Membre de phrase ajouté

iceluy. Cest edit n'a point de frère, de compaignon ^ ny d'exemple ; et qu'on débrouille et déplie hardiment toutes les mémoires de l'antiquité, il n'y a point pièce qu'on luy puisse rapporter.

Les premiers et plus anciens théologiens du Paganisme, et entre autres Homère, nous enseignent qu'en leurs plus célèbres anniversaires des offrandes et sacrifices qu'ilz faisoent à leurs Dieus, voire en leurs festins, assemblées et autres solennités, si par mépris ou mesgarde ilz en oublioent quelcun de ce collège ^ qui n'y fut convié ou apelé, ilz faisoient aussi tost sentir leur indignation et vengeance 5. De là virit ce foudroyant 4 sanglier qui ruyna une partie de l'Arcadie et fut depuis tué par Meleagre, ce serpent qui couvroit neuf arpentz de son ventre et déserta toute la Thessalie, et 5 ce monstre fameus qui a rempli toutes les poésies et despeupla les avenues des rivages delà mer et rendit les marests inacessibles.

Et non seulement vengoent ilz leur injures, mais celles qui estoent faites à leurs serviteurs et ministres. La peste ne cessa de fourrager l'armée greque ^ qui estoent devant Troye, qu'Agamemnon n'eust rendu ceste dame captive qu'il tenoit 7 entre les mains du prestre d'Apollon, son père.

De ceste discipline a coulé ^ le trait de ce Romain qui le rapporta aus troubles qu'il avoit veu de son temps en l'Italie :

Du milita neglecli dedere Hesperia'iiiaJa Itictuosœ^. .

Despuis que ceste prétendue a esté introduite en ce royaume, nous avons non seulement veu, mais presque toutz senty les malheurs et desordres qui l'ont ravagé. Nous marchons encore sur les pitoyables cendres qui restent de noz embrasementz, lesquelles ces messieurs tant qu'ilz peuvent veulent raviver et rallumer de nouvelles flames.

Et possible en ont ilz quelque argument. C'est nous ou nos prédécesseurs qui avons toléré et connivé à ces abus et leur avons laissé prendre racine dans le champ de la France, qui estoit auparavant la plus heureuse contrée et la plus chrestienne qui fut au monde. Ceste funeste plante a maintenant fortifié sa racine, grossi et consolidé son corps, s'est forjettée